ಸಾರ್ ತಲೆಬರಹ ನೋಡಿ, 'ಯಾರಪ್ಪಾ ಇದು ಹೀಗೆ ತಲೆಹರಟೆ ಬರೆದಿರೋದು' ಅಂತ ತುಂಬಾ ಕೋಪ ಬಂದಿತು. ನೋಡಿದ್ರೆ ಇಸ್ಮಾಯಿಲ್ ಅವರು.

ಆದರೂ ಸಾಬರು ಅನ್ನುವ ಉಪಯೋಗಿಸುವುದು ಬೇಡ ಸರ್. ಹಾಗೆಂದರೆ ನೀವು ಬೇರೆ ಅಂತ ಗಣಿಸಿದ ಹಾಗಾಗುವುದು. ಇಲ್ಲೇ ನೀವು ಎಷ್ಟು ಚೆನ್ನಾಗಿ ಅರ್ಥೈಸಿದ್ದೀರಿ. ಹಿಂದೂ ಸಂಸ್ಕೃತಿಯಲ್ಲಿ ಹಾಸು ಹೊಕ್ಕಾಗಿರುವವರನ್ನು ಭೇದಿಸುವುದು ಬೇಡ ಅಲ್ವೇ?

ನಿಮಗೆ ಗೊತ್ತಲ್ವಾ ಕರೀಂಖಾನರ ಪ್ರಸಿದ್ಧ ಚಲನಚಿತ್ರಗೀತೆ ಯಾವುದು ಅಂತ - ಶ್ರೀ ಗೌರಿ ಜಗದೀಶ್ವರಿ. ಅದನ್ನು ತರಾತುರಿಯಲ್ಲಿ ಬರೆದಿದ್ದಂತೆ. ಚಿತ್ರ ನಿರ್ಮಾಪಕರು ಯೋಚಿಸಲು ಅವರಿಗೆ ಅವಕಾಶವೇ ಕೊಟ್ಟಿರಲಿಲ್ಲವಂತೆ.

ಇನ್ನೂ ನಿಸಾರರ ಬೆಣ್ಣೆ ಕದ್ದ ನಮ್ಮ ಕೃಷ್ಣ ... ಆಹ್! ಷರೀಫರ ಗೀತೆಗಳು. ಇವರೆಲ್ಲರೂ ನಮಗೆ ದೃಷ್ಟಿಯನ್ನೀಯುವ ಕಣ್ಣುಗಳು.

ವಂದನೆಗಳೊಂದಿಗೆ
---
ತವಿಶ್ರೀನಿವಾಸ
http://asraya.net

ಇಸ್ಮಾಯಿಲ್ ಸಾಹೇಬ್ರೇ, ಗದುಗಿನ ವೀರನಾರಾಯಣನ ಸ್ಮರಣೆಮಾಡುವ ಮಂಗಲಪದ್ಯದ ವ್ಯಾಖ್ಯಾನವನ್ನು ಎಲ್ಲರೂ ಯಥಾಶಕ್ತಿಯಿಂದ ಮಾಡಲು ಪ್ರಯತ್ನಿಸುತ್ತಿರುವುದು ಸಂತಸದ ವಿಚಾರ. ವಿಷಯವೊಂದನ್ನು ಸುಲಲಿತವಾಗಿ ವಿವರಿಸಲು ನೀವು ಮಾಡುವ ಪ್ರಯತ್ನ ತುಂಬಾ ಒಳ್ಳೇದು. ಮೊನ್ನೆ ವೇದಪುರುಷನೆಂದರೆ ಯಾರು ಎನ್ನುವ ವಿಚಾರ ಮಾಡುತ್ತಾ "ವ್ಯಾಸ ಎಂದು ಭಾವಿಸಿ ಲೆಕ್ಕಾಚಾರ ತಪ್ಪುತ್ತಿದ್ದಾಗ ರಾಜಶೇಖರ ಹೆಗಡೆಯವರು ವೇದಪುರುಷನೆಂದರೆ ಆದಿನಾರಾಯಣ ಎಂದು ತಿಳಿಸಿ, ಸಮಸ್ಯೆಗಳು ಪರಿಹಾರವಾದವು" ಎಂದಿರಿ. ಹೆಗಡೆಯವರು ಹೇಳಿದ ವಿಷಯವೇನೋ ಸೆಂಟ್ ಪರ್ಸೆಂಟ್ ಸರಿಯಾದ ಉತ್ತರವೇ. ಆದರೆ ನಿಮ್ಮ ವಿಶ್ಲೇಷಣೆಯ ಯತ್ನದಲ್ಲಿ "ವ್ಯಾಸ ಎಂದು ತಪ್ಪಾಗಿ ಭಾವಿಸಿ" ಅಂದಿರಲ್ಲ, ಅದೇನೂ ತಪ್ಪಲ್ಲ ಎಂದು ನನ್ನ ಅಭಿಪ್ರಾಯ. ಯಾಕೆಂದರೆ ವೇದವಿಭಾಗ ಮಾಡಲು ನಾರಾಯಣನೇ ವ್ಯಾಸರೂಪದಿಂದ ಅವತರಿಸಿದ ಎನ್ನುವುದು ಪುರಾಣ ಹಾಗೂ ಇತಿಹಾಸದಿಂದ ತಿಳಿಯುತ್ತದೆ. ವೇದವಿಭಾಗ ಮಾಡಿದ್ದು ಮಾತ್ರವಲ್ಲ, ವೇದಾರ್ಥನಿರ್ಣಾಯಕವಾದ ಬ್ರಹ್ಮಸೂತ್ರಗಳನ್ನು ರಚಿಸಿದ್ದು ಸಹ ಭಗವಾನ್ ವ್ಯಾಸರೇ. ಇದನ್ನು ಬ್ರಹ್ಮಸೂತ್ರಕ್ಕೆ ವ್ಯಾಖ್ಯಾನಗಳನ್ನು ರಚಿಸಿದ ಬಹುತೇಕ ಮಹನೀಯರು ಒಪ್ಪುತ್ತಾರೆ. ಆಚಾರ್ಯ ಮಧ್ವರು ಈ ಕುರಿತು ವಿಫುಲವಾದ ಪ್ರಮಾಣಗಳನ್ನು ವಿವರಿಸಿದ್ದಾರೆ. ಆಚಾರ್ಯ ಆದಿಶಂಕರರ ಅಭಿಪ್ರಾಯದ ಬಗ್ಗೆ ನನಗೆ ಇನ್ನೂ ಸ್ಪಷ್ಟವಾಗಿ ತಿಳಿದಿಲ್ಲ. ಶ್ರೀರಾಮಾನುಜಾಚಾರ್ಯರು ವ್ಯಾಸನು ಒಬ್ಬ ಋಷಿ (ವ್ಯಾಸಃ ಕಶ್ಚನ ಋಷಿಃ) ಎಂದಷ್ಟೇ ಹೇಳಿದ್ದಾರೆ. ಆದರೆ ಭಾರತದ ಉದ್ದಗಲಕ್ಕೂ ಗ್ರಂಥರಚನೆಕಾರರು ಹಾಗೂ ಗ್ರಂಥದ ಅಧ್ಯಯನಾಸಕ್ತರೂ ವ್ಯಾಸರನ್ನು ಭಗವಂತನ ಅವತಾರವೆಂದೇ ತಿಳಿದು ಗೌರವಿಸುದನ್ನು ನಾನು ನೋಡಿದ್ದೇನೆ. ನಾನು ಉತ್ತರ ದಕ್ಷಿಣಗಳೆರಡನ್ನೂ ಸಾಕಷ್ಟು ಬಾರಿ ಸುತ್ತಿದ್ದೇನಾದ್ದರಿಂದ ಇದರ ಬಗ್ಗೆ ಒಂದಿಷ್ಟು ಮಾಹಿತಿಯನ್ನು ಕಲೆ ಹಾಕಲು ಸಾಧ್ಯವಾಯಿತು. ಮಹಾಭಾರತ ಯುದ್ಧವಾದ ನಂತರ ಅಶ್ವತ್ಥಾಮ ಹಾಗು ಅರ್ಜುನರು ಪರಸ್ಪರ ಎದುರಿಸಲು ಪ್ರಯೋಗಿಸಿದ ಬ್ರಹ್ಮಾಸ್ತ್ರವನ್ನು ತಡೆದು ಉಪಶಮನಗೊಳಿಸಿದ್ದು ವೇದವ್ಯಾಸರು ಎಂಬುದು ಎಲ್ಲರಿಗೂ ಗೊತ್ತಿರುವ ವಿಷಯ. ಕೇವಲ ನಾರಾಯಣನಿಂದ ಮಾತ್ರ ತಡೆಯಲ್ಪಡಲು ಸಾಧ್ಯವಾದ ಈ ಅಸ್ತ್ರವನ್ನು ವ್ಯಾಸರಿಂದ ಉಪಶಮನಗೊಳಿಸಲು ಸಾಧ್ಯವಾಗಿದ್ದು ಸ್ವಯಂ (ಆದಿ)ನಾರಾಯಣನಾದ್ದರಿಂದಲೇ. ಉತ್ತರದಲ್ಲಿ ಬದರಿಕಾಶ್ರಮ, ಶುಕಸ್ಥಲ, ನೈಮಿಶಾರಣ್ಯ, ಉತ್ತರಕಾಶಿ, ದೆಹಲಿ, ಕುರುಕ್ಷೇತ್ರವೇ ಮೊದಲಾದ ಕಡೆಗಳಲ್ಲೂ ದಕ್ಷಿಣದ ಉಡುಪಿ, ಮಂತ್ರಾಲಯದಂತಹ ಕೆಲವು ಸ್ಥಳಗಳಲ್ಲಿಯೂ ಶ್ರೀವೇದವ್ಯಾಸರನ್ನು ಭಗವಂತನ ಅವತಾರ ರೂಪವೆಂಬ ಚಿಂತನೆಯಲ್ಲಿ ಪೂಜಿಸುವುದನ್ನು ನಾವು ನೋಡಬಹುದು. ಇರಲಿ, ಮಂಗಲಪದ್ಯವನ್ನು ನೀವು ವ್ಯಾಖ್ಯಾನಿಸಿದ ರೀತಿ ಚೆನ್ನಾಗಿದೆ. ವ್ಯಾಸರನ್ನು ಕುರಿತು ಒಂದಿಷ್ಟು ಮಾಹಿತಿ ಕೊಡೋಣ ಅನ್ನಿಸಿತು ಅಷ್ಟೇ.

****************************
ಎನಗಿಂತ ಕಿರಿಯರಿಲ್ಲ
***************************