ವಿಜಯ ಕರ್ನಾಟಕ ಕಣ್ಮುಚ್ಚಲಿದೆಯೇ?

ಸುಧೀಂದ್ರ ಅವರೇ,
>>ಪತ್ರಿಕೆ ನಿಲ್ಲಬಾರದು. ಆದರೆ ಟೈಮ್ಸ್ ಗ್ರೂಪ್ ಕೈನಲ್ಲಿ ವಿಜಯ ಕರ್ನಾಟಕ ನರಳುತ್ತಿರುವುದಂತು ನಿಜ.
ಅಂದಿದ್ದೀರಿ. ಪತ್ರಿಕೆ ನಿಲ್ಲಬಾರದು ಅನ್ನೋದೇನೋ ನನ್ನ ಅಭಿಪ್ರಾಯವೂ ಆಗಿದೆ. ಆದರೆ ಟೈಮ್ಸ್ ಗ್ರೂಪ್ ಕೈನಲ್ಲಿ ವಿಜಯ ಕರ್ನಾಟಕ ನರಳುತ್ತಿಲ್ಲ. ಏಕೆಂದರೆ ನನ್ನ ಸ್ನೇಹಿತರೂ ಅಲ್ಲಿದ್ದಾರೆ. ಟೈಮ್ಸ್ ಗ್ರೂಪಿಗೆ ಬಂದ ಮೇಲೆ ಅವರ ಸಂಬಳ ಹೆಚ್ಚಾಗಿದೆ. ಆದರೆ ಅವರು ನರಳ್ತಿರೋದು ಅಲ್ಲಿ ನಡೆದಿರುವ ಜಾತಿಭೇದ ಮತ್ತು ಮಡಿವಂತಿಕೆಯಿಂದ.

ಪ್ರೀತಿಯಿಂದ
ಸಿ ಮರಿಜೋಸೆಫ್

>>ಹೊಸ ವಿನ್ಯಾಸ, ಹೊಸ ರೀತಿಯ ಪ್ರಯೋಗಗಳು ನಡೆದಿವೆ.

ಅದೇನೋ ನಿಜಾರೀ ಅಶೋಕ್, ಆದರೆ ಈಚೀಚೆಗೆ ಜನಕ್ಕೆ ಓದೋಕಿಂತಲೂ ನೋಡೋದೇ ಸಾಕು ಅನ್ಸುತ್ತೆ. ಲೇಖನಕ್ಕಿಂತಲೂ ಚಿತ್ರಗಳು ಮತ್ತು ಅವುಗಳ ಕ್ಯಾಪ್ಷನ್ನುಗಳನ್ನಷ್ಟೇ ನೋಡುವ ಮನೋಭಾವ ಹೆಚ್ಚುತ್ತಿದೆ. ಅದಕ್ಕೇ ನೋಡಿ ಪ್ರಜಾವಾಣಿ ಸಾಪ್ತಾಹಿಕ ಪುರವಣಿ ಹೇಗೆ ಬದಲಾಗಿದೆ ಅನ್ತ. ಮೊದಲೆಲ್ಲ ಪದಬಂಧ ಬಿಡಿಸೋದೇ ಒಂದು ಹವ್ಯಾಸವಾಗಿತ್ತು. ಈಗ ಆ ಆಸಕ್ತಿ ಇದ್ದರೂ ವ್ಯವಧಾನವಿಲ್ಲ. ಷಡಕ್ಷರಿಯವರ ಆಣಿಮುತ್ತು ಅಂತೆಯೇ ಕರ್ಜಗಿಯವರ ಕರುಣಾಳು ಬಾ ಬೆಳಕೆ ಒಂದು ರೀತಿ ಆಸಕ್ತಿಕರವಾಗಿವೆ. ಆದರೆ ಒನ್ ಸೈಡೆಡ್ ವಾಚಕರವಿಜಯವು ವಾಚಕರವಾಣಿಯ ಮುಂದೆ ಸೋಲುತ್ತದೆ. ನೂರೆಂಟು ಮಾತಿನ ಆತ್ಮಪ್ರಶಂಸೆ ಹಾಗೂ ಬೆತ್ತಲೆ ಜಗತ್ತಿನ ಸುಳ್ಳುಗಳ ಸರಮಾಲೆ ರೇಜಿಗೆ ಹುಟ್ಟಿಸುತ್ತದೆ. ಅಲ್ಲಾ ಸ್ವಾಮಿ ಅಬ್ದುಲ್ ಕಲಾಮ್ ನಮ್ಮ ಮನೆಗೆ ಬಂದಿದ್ರು, ನಾನು ಅವರೂ ಕೂಡಿ ಒಂದೇ ತಟ್ಟೇಲಿ ಉಂಡೆವು ಅಂದರೆ ಯಾರಿಗೆ ತಾನೇ ಸಹ್ಯವಾಗುತ್ತೆ?

ಪ್ರೀತಿಯಿಂದ
ಸಿ ಮರಿಜೋಸೆಫ್

>>ಸೋ ಕಾಲ್ಡ್ ಬುದ್ಧಿಜೀವಿ ವರ್ಗ ಸಾಹಿತ್ಯದಲ್ಲಿ ಮಾತ್ರ ಅಲ್ಲ. ಪತ್ರಿಕೋದ್ಯಮದಲ್ಲೂ ಇರುತ್ತೆ. ಅವರೇ ಇಂಥ ಸುದ್ಧಿ ಜನರ ಆರೋಗ್ಯಕ್ಕೆ ಹಿತ ಇದು ಮಾರಕ ಅಂಥ ತೀರ್ಮಾನ ಮಾಡುತ್ತಾರೆ. ಅಂಥ ವಿಚಾರಗಳನ್ನು ಸ್ವಲ್ಪ ದೂರ ಇಟ್ಟದ್ದು ವಿ.ಕ ಮಾತ್ರ.

ಸಮಾಜ ಪರಿವರ್ತನೆಯಲ್ಲಿ ಸಾಹಿತ್ಯದ ಪಾತ್ರ ಹಿರಿದು. ಅಂತೆಯೇ ಪತ್ರಿಕೆಗಳು ಹಾಗೂ ದೃಶ್ಯಮಾಧ್ಯಮಗಳಿಗೆ ಸಾಮಾಜಿಕ ಜವಾಬ್ದಾರಿ ಅನ್ತ ಇರುತ್ತೆ. ಇರಬೇಕು. ಆಕಾಶವಾಣಿಯಲ್ಲಿರೋ ನಿಮಗೆ ಇದು ಖಂಡಿತ ಗೊತ್ತಿರುತ್ತೆ. ಆದರೂ ಭ್ರಮಾಧೀನರಾಗಿ ಈ ಹೇಳಿಕೆ ಕೊಟ್ಟಿದ್ದೀರಿ.

>> ಗೆಝೆಟಿಯರ್ ರೀತಿಯ ಭಾಷೆ, 'ಜ್ಞಾನ ಪೀಠಿಗಳ' ಮಾರ್ಗದರ್ಶನ ಎರಡನ್ನು ಅನುಮಾನದಿಂದ ನೋಡಿದ ಮೊದಲ ಪತ್ರಿಕೆ.

ಈ ಅನುಮಾನ ಶುರುವಾಗಿದ್ದು ಯಾವಾಗ? ಅನಂತಮೂರ್ತಿಯವರಿಗೆ ಜ್ಞಾನಪೀಠ ಸಿಕ್ಕಮೇಲೆ ತಾನೇ? ಬ್ಯಾರೆಯೋರಿಗೆ ಕೊಟ್ಟಿದ್ರೆ ಅನುಮಾನ ಬರ್ತಿತ್ತಾ? ಎಂಜಿಆರ್‍ ಗೆ ಭಾರತರತ್ನ ಕೊಟ್ಟಾಗಲೂ ಜನ ಅನುಮಾನ ಪಟ್ಟಿದ್ದು ನಿಜ. ಹಾಗೆಯೇ ಮುಂದೇನಾದ್ರೂ ಬಿಜೆಪಿ ಅಧಿಕಾರಕ್ಕೆ ಬಂದ್ರೆ ಭೈರಪ್ನೋರಿಗೂ ಜ್ಞಾನಪೀಠ ಸಿಕ್ಕಿ ಆಗ್ಲೂ ಅನುಮಾನ ಬಂದೇ ಬರುತ್ತೆ.

>>ಹಣ ಕಡಿಮೆ ಮಾಡಿ ಮಾರ್ಕೆಟ್ ಮಾಡ್ತಾರೆ ಅನ್ನೋದು ಕೇವಲ ಓದುಗರನ್ನು ಅವಮಾನಿಸುವ ಮಾತು.

ಓದುಗರನ್ನು ಅವಮಾನಿಸುವ ಮಾತೇ ಇಲ್ಲ. ಓದುಗರು ಹಣ ಎಷ್ಟಾದರೂ ತೆತ್ತು ಓದ್ತಾರೆ. ರೈಲುಗಳಲ್ಲಿ ಪ್ರಯಾಣಿಸುವಾಗ ಒಂದು ರೂಪಾಯಿ ಜಾಸ್ತಿಗೆ ಮಾರಿದರೂ ಮಾತಾಡದೇ ಕೊಂಡು ಓದುತ್ತಾರೆ. ನಾವು ಸ್ನೇಹಿತರು ಸೇರಿ ಎಲ್ಲ ಪತ್ರಿಕೆಗಳನ್ನೂ ಖರೀದಿಸಿ ಎಲ್ಲವನ್ನೂ ಓದುತ್ತೇವೆ. ಆದರೂ ಕನ್ನಡಿಗರು ಕೊಂಡು ಓದುವವರಲ್ಲ ಎಂಬ ಮಾತನ್ನಂತೂ ಒತ್ತಿ ಹೇಳುತ್ತೇನೆ. ಇದು ಕನ್ನಡಿಗರನ್ನು ಅವಮಾನಿಸುವ ಮಾತಂತೂ ಅಲ್ಲ.

>>ದರ ಸಮರ ಆಗಿಯೂ ಯಾವ ಪತ್ರಿಕೆಗಳು ಸತ್ತಿಲ್ಲ.

ಯಾಕೆ ಸತ್ತಿಲ್ಲ? ವಡ್ಡರಸೆ ರಘುರಾಮ ಶೆಟ್ಟರ ’ಮುಂಗಾರು’ ಅನ್ನೋ ಪತ್ರಿಕೆ ಇತ್ತು. ಹಾಗೆಯೇ ’ಹೊಸದಿಗಂತ’ ಇತ್ತು, ಸಂಕೇಶ್ವರ ಅವರದೇ ಉಷಾಕಿರಣ ಅನ್ತ ಇತ್ತು. ಮೇಲೆ ಚೆಂದ ಮಾಡುತ್ತಿವೆ.

>>ಸುಭಗ ಎನಿಸಿಕೊಳ್ಳುವ ಪತ್ರಿಕೆಗಳು ಯಾರ ಒಡೆತನದಲ್ಲಿವೆ ಮತ್ತು ಯಾರ ಹಿತ ಕಾಪಾಡಲು ಯಾವ ಯಾವ ವಾದಗಳನ್ನು ಹುಟ್ಟುಹಾಕುತ್ತಿವೆ ಎಂಬುದನ್ನು ನೋಡಿ.

ಪತ್ರಿಕೆಗಳು ವಿರೋಧ ಪಕ್ಷಗಳ ಕೆಲಸ ಮಾಡಬೇಕು. ಸುದ್ದಿಯ ಎರಡೂ ಮುಖಗಳನ್ನು ತೋರಿಸಬೇಕು. ಆದರೆ ವಿಜಯ ಕರ್ನಾಟಕ ಹಾಗೆ ಮಾಡಿಲ್ಲ. ಅಲ್ಲಿನ ಬಳಗದವರು ಮಾಡಿದರೂ ಸಂಪಾದಕ ಅದಕ್ಕೆ ಕತ್ತರಿ ಹಾಕುತ್ತಾರೆ. ನಿಮ್ಮ "ಯಾರ ಹಿತ ಕಾಪಾಡಲು ಯಾವ ಯಾವ ವಾದಗಳನ್ನು ಹುಟ್ಟುಹಾಕುತ್ತಿವೆ ಎಂಬುದನ್ನು ನೋಡಿ" ಅನ್ನೋದನ್ನ ಆ ಪತ್ರಿಕೆಗೆ ನೇರವಾಗಿ ಅನ್ವಯಿಸಬಹುದು. ಹಾಗಂತ ನಾನೇನು ಪ್ರಜಾವಾಣಿ ಬಗ್ಗೆ ವಕಾಲತ್ತು ಮಾಡುತ್ತಿಲ್ಲ. ಈಚೀಚೆಗೆ ಅಲ್ಲೂ ಈ ಕಾಯಿಲೆ ಶುರುವಾಗಿದೆ.

ಪ್ರೀತಿಯಿಂದ
ಸಿ ಮರಿಜೋಸೆಫ್

ಆಸು ಸರ್,
ನಿಮ್ಮ ಬರಹದ ಕ್ರಮ ಸರಿ. ನಾನೇ ತಪ್ಪಾಗಿ ಬರೆದಿದ್ದೆ. ತಿಳಿಸಿದಕ್ಕೆ ಥ್ಯಾಂಕ್ಸ್ ಸರ್.

ಸಾತ್ವಿಕ್ ಎನ್.ವಿ.