೨೬/೧೧ರ ಹತ್ಯಾಕಾಂಡ ನಮ್ಮ ವಿದ್ಯಾವಂತರಿಗೆ ಸ್ವಲ್ಪವಾದರೂ ಬುದ್ಧಿ ಕಲಿಸಿದೆಯೇ??

ಸರ್ , ಎಲ್ಲಾ ಪಕ್ಷಗಳು ಒಂದೇ ,..ಎಲ್ಲಿಯವರೆಗೂ ಪೈಪೋಟಿ ಮೇಲೆ ಕಳ್ಳರನ್ನು , ಲಫನ್ಗರನ್ನು ಬಿ ಫಾರಂ ನೀಡಿ ಚುನಾವಣೆಗೆ ನಿಲ್ಲಲು ಅವಕಾಶ ನೀಡುತ್ತವೇಯೋ ಅಲ್ಲಿಯವರೆಗೂ ದೇಶದ ಗತಿ ಇಷ್ಟೇನೇ .
ಇನ್ನು ನಮ್ಮ ನಾಯಕರೋ ..ತಂಪು ಹೊತ್ತಿನಲ್ಲಿ ನೆನೆಯಬಾರದು ..ಬಿಡಿ , ಅಧಿಕಾರ ಇಲ್ಲದೆ ಇರುವಾಗ ಎಲ್ಲಾ ನಾಯಕರು ಬಿಚ್ಚುಗತ್ತಿ ಭರಮಪ್ಪರೇ. ಕುರ್ಚಿ ಸಿಕ್ಕ ಕೂಡಲೇ ಶಾಂತಿ(?) ಗೆ ಪ್ರಿಯತಮನಾಗಲು ಮುಂದೆ ನಿಂತು ಬಿಡುತ್ತಾರೆ .
ಇಷ್ಟೇ ಅಲ್ಲ .. ನಾವೇನು ಕಮ್ಮಿನೇ , ಓಟು ಹಾಕುವಾಗ ನೋಟು , ಜಾತಿ , ಹೆಂಡ ಇವೇ ನಮಗೆ ಮುಖ್ಯ .. ಹಾಗಾಗಿನೇ ಇವತ್ತು ,ಹೆಂಡತಿ ಸತ್ತಾಗ ಬರದಿದ್ದ ಅಳು ಮುಖ್ಯಮಂತ್ರಿ ಪದವಿ ಕೈ ತಪ್ಪುವಾಗ ಬರುತ್ತದೆ. ಏನಂತಿರಾ ?

ನಾನು ಏನು ಓದಿದ್ದೀನಿ ಎಂಬುದು ಮುಖ್ಯ ಅಲ್ಲ. ನೀವು ಕೇಳಿದ್ದಕ್ಕೆ ಹೇಳ್ತಿದ್ದೀನಿ - ನಾನು ಓದಿರೋದು MSc in Electroincs. ಇಷ್ಟು ವಿದ್ಯೆ ಸಾಕು ಅಂದ್ಕೊಂಡಿದೀನಿ. ಇನ್ನು ಮತದಾನದ ಬಗ್ಗೆ - ಕಳೆದ ಬಾರಿ ಮತದಾನದಲ್ಲಿ ಬೆಂಗಳೂರಿನಿಂದ ನಮ್ಮ ಊರಾದ ಮಂಗಳೂರಿಗೆ ಬಂದು ಮತ ಚಲಾಯಿಸಿದೀನಿ. ಆದರೂ ಏನು ಬಂತು ಮಹಾ? ಮತದಾನದಿಂದ ದೇಶ ಉಧ್ಧಾರ ಆಗುತ್ತೆ ಅಂತ ನೀವು ಅಂದ್ಕೊಂಡಿದ್ರೆ ಅದು ಕೇವಲ ಕನಸು. ಯಾಕೆಂದ್ರೆ ನೀವು ಯಾವುದೇ ಸಂದರ್ಭದಲ್ಲೂ ೬೦ ಶೇ ಕ್ಕಿಂತ ಹೆಚ್ಚು ಮತದಾನವಾಗುವುದನ್ನು ನೋಡಲಾರಿರಿ. ಹಾಗು ಇದು ಜಾಸ್ತಿಯಾಗುವ ಯಾವ ಲಕ್ಷಣಗಳೂ ಕಾಣಿಸುತ್ತಿಲ್ಲ ನನಗೆ.

ಅಯ್ಯೊ ಬಿಡ್ರಿ, ಇವೆಲ್ಲ ವ್ಯರ್ಥದ ಮಾತು. ನಮಗೆ ಅಂತ ಬುದ್ದಿ ಇದ್ದಿದ್ರೆ , ನಾವು ಪ್ರಜ್ಞೆ ಇರುವ ಪ್ರಜೆಗಳಾಗಿದ್ರೆ ನಮ್ಮ ದೇಶ ಈ ಹೀನ ಸ್ತಿತಿ ತಲುಪ್ತಾಇರ್ಲಿಲ್ಲ.

ಎಷ್ಟು ಜನ ಸತ್ರೆ ಏನು, ಜನಕ್ಕೆ ಬರವಾ ನಮ್ ದೇಶದಾಗೇ ??

ಮಂಜುನಾಥ್,

ಕಳೆದ ವರುಷ ನಡೆದದ್ದು ನಿಜಕ್ಕೂ "ಬಲಿದಾನ". ಅವರೆಲ್ಲರ ಬಲಿಯ ದಾನ ನಡೆಯಿತು. ಯಾರೂ ಸ್ವಯಿಚ್ಛೆಯಿಂದ ನೀಡಿದ ದಾನ ಅಲ್ಲ.
ಯಾಕಂದ್ರೆ, ನಮ್ಮ ಸರ್ಕಾರ ಮತ್ತು ವ್ಯವಸ್ಥೆಗಳ ಕಾರ್ಯ ವೈಫಲ್ಯದಿಂದ ಅವರೆಲ್ಲಾ ಬಲಿಯಾದರು.

ಈ ಎಲ್ಲಾ ಸಮಸ್ಯೆಗಳಿಗೆ ಭಾರತ ಸರಿಯಾದ ಪರಿಹಾರ ಕಂಡುಕೊಳ್ಳಬೇಕಾದರೆ, "ಎರಡು ಪಕ್ಷಗಳ ವ್ಯವಸ್ಥೆ" ಜಾರಿಗೆ ಬರಬೇಕು ಮತ್ತು ಅಭ್ಯರ್ಥಿಗಳನ್ನು ತಿರಸ್ಕರಿಸುವ ಹಕ್ಕು ದೊರೆಯಬೇಕು. ಚುನಾಯಿತ ಪ್ರತಿನಿಧಿಗಳನ್ನು ವಾಪಸು ಕರೆಸುವ ಪದ್ದತಿಯೂ ಜಾರಿಗೆ ಬರಬೇಕು.

-ಆತ್ರಾಡಿ ಸುರೇಶ್ ಹೆಗ್ಡೆ.

ನನ್ನ ಪ್ರಶ್ನೆ ಸರಳ:
‘ಯೋಗ್ಯ’ ಅಭ್ಯರ್ಥಿ ಎಂದರೆ ಯಾರು? ರಾಜಕೀಯದಲ್ಲಿ ಯೋಗ್ಯತೆ, ಅರ್ಹತೆ ಎಂದರೆ ಯಾವುದು?
ಸರಳವಾಗಿ ವಿವರಿಸಿ.