ಮಾಹಿತಿ ಬೇಕಾಗಿದೆ : ಹರ್ಪಿಸ್ - ಸರ್ಪಸುತ್ತು

ಬಹಳ ಹಿಮ್ದೆ ನನಗೂ ಆಗಿತ್ತು, ಡಾಕ್ಟರ್ ಬಳಿ ಹೋದಾಗ ಅವರು ಪಥ್ಯ ಮಾಡಲು ಹೇಳಿ ಆಯುರ್ವೇದವನ್ನೇ ಶಿಫಾರಸು ಮಾಡಿದ್ದರು.
ನಂತರ ನಮ್ಮ ಮನೆ ಸಮೀಪದ ಅಜ್ಜಿಯೊಬ್ಬರು ಯಾವುದೋ ಸೊಪ್ಪನ್ನು(ಅವರು ಹೆಸರು ಹೇಳುವುದಿಲ್ಲವಂತೆ) ದನದ ಮೂತ್ರದಲ್ಲಿ ಅರೆದು ಹಚ್ಚಲು ಹೇಳಿದ್ದರು, ಅದರಂತೆ ಮಾಡಿದಾಗ ೩ ದಿನದಲ್ಲಿ ಗುಣಮುಖನಾಗಿದ್ದೆ.

ಇದಕ್ಕೆ ಆಯುರ್ವೇದ, ನಾಟಿ, ಇಂಗ್ಲೀಷ್ ಮೆಡಿಸಿನ್ನು ಎಲ್ಲಾ ಲಭ್ಯವಿದೆ ಈಗ. ಯಾವುದು ಅನುಕೂಲವೋ ಅದನ್ನು ಆಯ್ದುಕೊಂಡು ಗುಣಪಡಿಸಬಹುದು.

ಸುನಿಲ್ ಅವರೇ,
ನಾನು ವೈದ್ಯನಲ್ಲ. ಆದರೂ, ಓದಿ ತಿಳಿದ ಒಂದಿಷ್ಟು ಮಾಹಿತಿ ಇಲ್ಲಿದೆ. ಸಂಪದದ ವೈದ್ಯರಲ್ಲಿ ಯಾರಾದರೂ ಇದನ್ನು ಓದಿ ತಪ್ಪುಗಳಿದ್ದರೆ ತಿದ್ದಬೇಕಾಗಿ ಕೇಳಿಕೊಳ್ಳುವೆ.

ಇಂಗ್ಲೀಷಿನ Herpes zoster ಅಥವಾ shingles ರೋಗಕ್ಕೆ ಕನ್ನಡದಲ್ಲಿ ಸರ್ಪಸುತ್ತು ಎಂಬ ಪದ ಬಳಕೆಯಲ್ಲಿದೆ.

ಈ ರೋಗದ ಅತ್ಯಂತ ಪ್ರಮುಖ ಗುಣಲಕ್ಷಣಗಳು ಎಂದರೆ "ಉರಿ"ಯುವಂಥ ನೋವು/ತುರಿಕೆ ಮತ್ತು ಗುಳ್ಳೆಗಳು ಏಳುವುದು. ಸಾಧಾರಣವಾಗಿ ಸೊಂಟ, ಹೊಟ್ಟೆ, ಬೆನ್ನುಗಳಲ್ಲಿ ಗುಳ್ಳೆಗಳು ಕಾಣಿಸಿಕೊಳ್ಳುತ್ತವೆಯಾದರೂ, ಒಮ್ಮೊಮ್ಮೆ, ಮುಖದ ಮೇಲೆ, ಕಣ್ಣು ಹಾಗೂ ಕಿವಿಗಳ ಹತ್ತಿರವೂ ಹಾಗೂ ಬೇರೆಡೆಯಲ್ಲೂ ಗುಳ್ಳೆಗಳು ಏಳಬಹುದು. ನೋವು ಸುರುವಾದ ಒಂದೆರಡು ದಿನಗಳಲ್ಲಿ ಗುಳ್ಳೆಗಳು ಕಾಣಿಸಿಕೊಂಡು ನಾಲ್ಕೈದು ದಿನಗಳವರೆಗೂ ಆಗಾಗ ಮತ್ತಷ್ಟು ಗುಳ್ಳೆಗಳು ಕಾಣುತ್ತವೆ. ಆದರೆ, ಈ ರೋಗ ಎಲ್ಲರಲ್ಲಿಯೂ ಒಂದೇ ಸಮನಾದ ತೀವ್ರತೆ ಹೊಂದಿರುವುದಿಲ್ಲ. ಅಂದರೆ, ಕೆಲವರಲ್ಲಿ ಇದು ಸ್ವಲ್ಪದರಲ್ಲಿ ಗುಣವಾದರೆ, ಇನ್ನು ಕೆಲವರಲ್ಲಿ ತುಂಬಾ ತೊಂದರೆ ಕೊಡುತ್ತದೆ. ಕೆಲವರಿಗೆ ತಲೆನೋವು, ಜ್ವರ ಹಾಗೂ ನಡುಕಗಳು ಬರಬಹುದು.

ಈ ರೋಗವೂ ಸಹ ಸಿಡುಬು (chickenpox) ರೋಗವನ್ನು ಉಂಟುಮಾಡುವ Varicella zoster ವೈರಸ್ಸಿನಿಂದಲೇ ಬರುತ್ತದೆ. ಸಾಧಾರಣವಾಗಿ, ಐವತ್ತು ವರ್ಷಗಳ ನಂತರದವರಲ್ಲಿ ಮತ್ತು ಈಗಾಗಲೇ ಒಮ್ಮೆ chickenpox ಆದವರಲ್ಲಿ ಕಾಣಿಸಿಕೊಳ್ಳುತ್ತದೆ. ರೋಗ ನಿರೋಧಕ ಶಕ್ತಿ ಕಡಿಮೆ ಆದವರಲ್ಲಿ ಈ ರೋಗ ಬರುವ ಸಾಧ್ಯತೆ ಹೆಚ್ಚು. ನರವೊಂದರಲ್ಲಿ ಅಡಗಿಕೊಂಡಿದ್ದ ವೈರಸ್ ಪುನರ್ಚಾಲನೆ (reactivation) ಹೊಂದಿದಾಗ ಈ ರೋಗ ಬರುತ್ತದೆ ಎಂದು ತಿಳಿಯಲಾಗಿದೆ. Varicella zoster ಸಹ Herpes simplex virus ಜಾತಿಗೆ ಸೇರಿದ ವೈರಸ್ ಆಗಿದ್ದರೂ Herpes zoster ರೋಗ ಬೇರೆ; Herpes simplex virus 1, Herpes simplex virus 2 ರಿಂದ ಬರುವ ರೋಗಗಳು ಬೇರೆ.

ಸಾಧಾರಣವಾಗಿ, ಎರಡು ಮೂರು ವಾರಗಳಲ್ಲಿ Herpes zoster ರೋಗವು ತಾನೇ ತಾನಾಗಿ ಕಡಿಮೆಯಾಗುತ್ತದೆ. ಅಮೆರಿಕಾದಲ್ಲಿ ಇದಕ್ಕೆ ಲಸಿಕೆ ಕೊಡುವ ಪದ್ಧತಿ ಸುರುವಾದ ಮೇಲೆ ಈ ರೋಗ ತುಂಬಾ ಕಡಿಮೆಯಾಗಿದೆ. ಭಾರತದಲ್ಲಿ ಲಸಿಕೆ ಲಭ್ಯವಿದೆಯೋ ಎಂಬುದು ನನಗೆ ಗೊತ್ತಿಲ್ಲ. ಉಳಿದಂತೆ, ರೋಗ ಸುರುವಾಗುತ್ತಿರುವಾಗಲೇ, ಅಂದರೆ ಮೊದಲ ಒಂದೆರಡು ದಿನಗಳಲ್ಲಿಯೇ acyclovir ಇತ್ಯಾದಿ ಆಂಟಿವೈರಲ್ ಔಷಧಿಗಳಿಂದ ರೋಗದ ಅವಧಿ ಕಡಿಮೆಯಾಗುತ್ತದೆ ಎಂದು ತಿಳಿದುಬಂದಿದೆ. ನೋವನ್ನು ಕಡಿಮೆ ಮಾಡಲು ಔಷಧ, ಚರ್ಮದ ಸೌಖ್ಯಕ್ಕಾಗಿ ಕಾಲಮಿನ್ ಇತ್ಯಾದಿ ಮುಲಾಮುಗಳು, ಔಷಧ ಸೇರಿಸಿದ ತಂಪು ನೀರಿನ ಪಟ್ಟಿ ಇತ್ಯಾದಿಗಳ ಕುರಿತು ವೈದ್ಯರ ಸಲಹೆ ಮೇರೆಗೆ ನಿರ್ಧರಿಸಬಹುದು.

ಈ ರೋಗವು ಒಂದರ್ಥದಲ್ಲಿ ಸಾಂಕ್ರಾಮಿಕ ಅಲ್ಲ. ಆದರೆ Herpes zoster ರೋಗಿಯ ಸಂಪರ್ಕದಲ್ಲಿ ಬಂದರೆ, ಈವರೆಗೂ chickenpox ಆಗದೇ ಇರುವ ವ್ಯಕ್ತಿಗೆ chickenpox ಆಗುವ ಸಂಭವವಿದೆ. ಒಮ್ಮೆ chickenpox ಆಗಿರುವವರಿಗೆ Herpes zoster ರೋಗಿಯ ಸಂಪರ್ಕದಲ್ಲಿ ಬರುವುದರಿಂದ ತೊಂದರೆ ಇಲ್ಲ.

ವಯಸ್ಸಾದವರಲ್ಲಿ ಗುಳ್ಳೆಗಳು ಕಡಿಮೆಯಾದ ಮೇಲೂ postherpetic neuralgia ದಿಂದ ನೋವು ಬಹಳ ದಿನಗಳ ವರೆಗೆ ಇರಬಹುದು. ಕಿವಿಯ ಹತ್ತಿರ ಗುಳ್ಳೆಗಳಾದಲ್ಲಿ, ತದನಂತರ ಕಿವಿ ಮಂದವಾಗಬಹುದು.

ಒಟ್ಟಿನಲ್ಲಿ, ನಿಮ್ಮ ಪರಿಚಯದವರನ್ನು ತಡಮಾಡದೇ ತಜ್ಞ ವೈದ್ಯರಿಗೆ ತೋರಿಸಿ ಎಂದು ನನ್ನ ಸಲಹೆ.

ನನಗೂ ಹರ್ಪಿಸ್ ಆಗಿದೆ ಅಂತ ಡಾಕ್ಟರರು ಹೇಳಿದ್ದಾರೆ. ಕನ್ನಡದಲ್ಲಿ ಹೆಚ್ಚಿನ ಮಾಹಿತಿಗಾಗಿ ಹುಡುಕಿದಾಗ ಬಂದದ್ದು ಸಂಪದಕ್ಕೇ. ಪ್ರಶ್ನೆ ಕೇಳಿದ 'ನನ್ನಿ' ಸುನೀಲರಿಗೂ , ಭಾಗವಹಿಸಿದ ಎಲ್ಲರಿಗೂ , ಅದರಲ್ಲೂ ವಿಶೇಷವಾಗಿ ಶಿವರಾಮಶಾಸ್ತ್ರಿ ಹಾಗೂ ಸಂಪದದ ಕುಟುಂಬವೈದ್ಯರಾದ ನಾ.ಸೋಮೇಶ್ವರರಿಗೂ ತುಂಬ ಧನ್ಯವಾದಗಳು. ‌ಈಗ ‌ಪ್ರಿಸ್ಕ್ರಿಪ್ಶನ್ ನೋಡಲಾಗಿ HERPES ZOLSTER ಎಂದು ಬರಿದಿದ್ದಾರೆ. ಇತರ ಗುಳಿಗೆಗಳ ಜತೆಗೆ acicilovir ಮುಲಾಮನ್ನೂ ಹಚ್ಚಲು ಹೇಳಿದ್ದಾರೆ.
ಇಷ್ಟೆಲ್ಲ ಮಾಹಿತಿ ಹಂಚಿಕೊಳ್ಳಲು ಕಾರಣವಾದ ಸಂಪದಕ್ಕೂ ಹರಿಪ್ರಸಾದ ನಾಡಿಗರಿಗೂ ಧನ್ಯವಾದಗಳು.