ಗೆಳೆಯರೆ ನಾವು ಕಳೆದ ವಾರ ಚರ್ಚಿಸುತ್ತಾ ನೆರಿಗೆ ಪದದ ಸುತ್ತಾ ಗಿರಕಿ ಹಾಕುತ್ತಿದ್ದೆವು. ನಾನು ಇಲ್ಲಿ, ತಾಂತ್ರಿಕ ಮಂದಿಯಾದ ನಾವು ನೆರಿಗೆ ಪದವನ್ನು ಇನ್ನೂ ಎಷ್ಟು ಚೆನ್ನಾಗಿ ಬಳಸಿಕೊಳ್ಳಬಹುದು ತಿಳಿಸುತ್ತೇನೆ ಎಂದು ಹೇಳಿದ್ದೆ. ಅದರ ಮುಂದುವರಿದ ಕಂತಿದು.

ಈಗ ನಾವುಗಳು firfox ಮತ್ತು ಎಷ್ಟೊ ವೆಬ್‌ಸೈಟುಗಳಲ್ಲಿ, My settings, Options, Preferences ಎಂಬಂತಹ ಪದಗಳನ್ನು ಬಳಸುತ್ತಿದ್ದೇವೆ.
Options ಎನ್ನುವುದಕ್ಕೆ ಆಯ್ಕೆಗಳು ಎಂದು ಬಳಸುತ್ತಿದ್ದೇವೆ. ಅದು ಸರಿಯಾದ ಬಳಕೆಯೇ ಹೌದು. ಆದರೆ Options ಎನ್ನುವುದು ಬಹುತೇಕ Radio Buttons ಇರುವ ಕಡೆ ಬಳಸುತ್ತಿದ್ದೇವೆ. ಅಂದರೆ ಒಬ್ಬ ಬಳಕೆದಾರ, ಒಂದನ್ನು ಆಯ್ಕೆ ಮಾಡಿಕೊಳ್ಳಲೇ ಬೇಕು(ಇದಕ್ಕೆ ಅಪವಾದಗಳೂ ಇವೆ) Optionsಗಳಲ್ಲಿ ಒಂದು ಹೆಚ್ಚು, ಮತ್ತೊಂದು ಕಮ್ಮಿ ಎನ್ನುವುದಕ್ಕಾಗುವುದಿಲ್ಲ. ಯಾವುದೋ ಒಂದನ್ನು ಬಳಸಲೇಬೇಕು.

ಆದರೆ Preferences ಹಾಗಲ್ಲ, ಬಳಕೆದಾರ, ತನಗೆ ಇಷ್ಟವಾಗುವ ರೀತಿಯಲ್ಲಿ, ವೆಬ್‌ಸೈಟನ್ನು ಅಥವಾ, ತಂತ್ರಾಂಶವನ್ನು ಬಳಸಿಕೊಳ್ಳುವ ರೀತಿಯಲ್ಲಿ ಬಳಸುವಂತಾದ್ದು. ಒಂದೊಮ್ಮೆ ಬಳಕೆದಾರ ಇವುಗಳನ್ನು ಬಳಸಿದಿದ್ದರೂ, functionality change ಆಗುವುದಿಲ್ಲ.

ಉದಾ - ವೆಬ್‌ಸೈಟಿನ ಬಣ್ಣ, ಥೀಮ್, ಇವುಗಳನ್ನು Preferences ಎನ್ನುವ ಅರ್ಥದಲ್ಲಿ ಬಳಸಬಹುದು.

ಈ Preferencesಗಳಿಗೆ ನಾವು ನಿ(ನೆ)ರಿಗೆಗಳು ಎನ್ನಲು ಸಾಧ್ಯವೇ ?
ನೆರಿ, ನಿರಿ, ನಿರಟೆ, ನಿರು, ನೀರಟೆ, ನಿರಿಗೆ, ನಿರುಗೆ - orderly arrangement, beauty, fineness, elegance;
ಒಟ್ಟಿನಲ್ಲಿ ಚೆನ್ನಾಗಿ ಕಾಣುವಂಥದ್ದು, ಸರಿಯಾಗಿ ಜೋಡಿಸಿಟ್ಟದ್ದು, ಒಪ್ಪ ಓರಣವಾಗಿರುವಂಥದ್ದು ಎಂದರ್ಥ.

Applying preferences would be ನಿರಿಸು. niṟisu to arrange, adjust, prepare; n. arrangement, display

Apply ಎನ್ನುವುದಕ್ಕೆ ಸರಿಯಾದ ಕನ್ನಡ ಪದ ನಿರಿಸು. ಇದಕ್ಕೆ ಎರಡು ಮಾತೇ ಇಲ್ಲ. ಇದನ್ನು ತಿಳಿಯದಿದ್ದರಿಂದ ನಾನು ಇಲ್ಲಿಯ ತನಕ, ಉಳಿವು, ಸೇರಿಸು ಈ ರೀತಿಯಾದ ಪದಗಳನ್ನು ಬಳಸುತ್ತಿದ್ದೆ. ಇದನ್ನು ತಿಳಿದ ಮೇಲಂತೂ, ನಾನು ಇನ್ನು ಮುಂದೆ, Apply ಎನ್ನುವುದಕ್ಕೆ ನಿರಿಸು ಎಂದು ಹೇಳುತ್ತೇನೆ.

ನೆರಿಗೆ(ನಿರಿಗೆ) - Preferences, My settings (ಮಾತನಾಡುವಾಗ ನೆರ್ಗೆ, ಪ್ರಿಫರೆನ್ಸಸ್ ಎನ್ನುವುದಕ್ಕಿಂತ ತುಂಬಾ ತುಂಬಾ ಸುಲಭ).
ನಿರಿಸು - Apply (ಮಾತನಾಡುವಾಗ ಇದನ್ನು ನಿರ್ಸು ಎಂದು ಹೇಳುತ್ತೇವೆ. ನಿರ್ಸು ಎನ್ನುವುದು ಅಪ್ಲಯ್ ಎನ್ನುವುದಕ್ಕಿಂತ ಸುಲಭವಾಗಿದೆ)
ಆಯ್ಕೆ - Options (ಆಪ್ಶನ್ಸ್ ಎನ್ನುವುದಕ್ಕಿಂತ ಸುಲಭ)

ಹೀಗೆ "ನ" ಯಿಂದ ಪ್ರಾರಂಭವಾಗುವ ಅನೇಕ ಕನ್ನಡ ಪದಗಳಿವೆ.
ನೆರವು - ಸಹಾಯ.
ನೆರಗು - ಸಂಸ್ಕರಿಸು(??)
ನಿರಟೆ - ಸಂಸ್ಕರಣೆ(??)