ಗೆಳೆಯರೆ,
ನನ್ನ ಅನುಮಾನ ನಿಜವಾಗಿತು ಅಂತ ಕಾಣುತ್ತದೆ. Microsoft Arial Unicode MS ಮತ್ತು Tungaದಲ್ಲಿ Font Rules ಇಲ್ಲ ಅಂತ ಕಾಣುತ್ತದೆ. ಆದರೆ Kedageಯಲ್ಲಿ ಇದೆ, ಕೇದಗೆಯನ್ನು ಬಳಸಿದಾಗ ನನಗೆ ಏತ್ವ ಇಲ್ಲದ ಇಳಿ ಮತ್ತು ಐತ್ವಗಳನ್ನು ಟೈಪಲು ಸಾಧ್ಯವಾಯಿತು.
ಸವಿಯೊದಗು.

ನಿಮ್ಮ ಅಭಿಪ್ರಾಯಕ್ಕೆ ದನಿಗೂಡುವಂತೆ ಕೇದಗೆಯಲ್ಲಿ ನಾನು ಹೇಳಬೇಕಿದ್ದನ್ನು ಟೈಪಿ ಚಿತ್ರವನ್ನು ಏರಿಸಿದ್ದೇನೆ.

ಮೊದಲನೆಯದು ಕೄ - ಇದನ್ನು ಬೇಡ ಎಂದು ಈಗಾಗಲೇ ನಾವು ಕನ್ನಡಿಗರು ತೀರ್ಮಾನಿಸಿದ್ದೇವೆ.
ಎರಡನೆಯದು ಮತ್ತು ಮೂರನೆಯದು ಈಗ ಬಳಕೆಯಲ್ಲಿಲ್ಲ.

ನಾನು ಹೇಳುತ್ತಿರುವುದು ಎರಡನೆಯದರ ಬಗ್ಗೆ, ಎರಡನೆಯದನ್ನು Cat ನಲ್ಲಿರುವ Caನಂತೆ ಬಳಸಬಹುದೇ? ಎಂಬುದನ್ನು ಭಾಷಾ ವಿದ್ವಾಂಸರು ಸಾರ್ವಜನಿಕವಾಗಿ ಚರ್ಚಿಸಬೇಕು ಎಂಬುದಾಗಿ. ಈಗ ಇದು ಕ್ಯಾ ಆಗಿದೆ.

ನಾವುಗಳು ಪಾರಿಭಾಷಿಕ ಪದಗಳನ್ನು ಬೇಡ ಎನ್ನಲು ಸಾಧ್ಯವೇ ಇಲ್ಲ. ನಾವುಗಳು ಕಾಫಿಯನ್ನು Coffee ಆಗಿಯೇ ಬರಮಾಡಿಕೊಂಡಿದ್ದೇವೆ(ಅಂದರೆ ಫ ಬರೆದು ಅದರ ಕೆಳಗೆ ಎರಡು ಚುಕ್ಕೆ ಇಡಲು ಅವಕಾಶ ಮಾಡಿಕೊಟ್ಟಿದ್ದೇವೆ). Xerox, Bazaar ಮತ್ತಷ್ಟು ಉದಾಹರಣೆಗಳು. ಹೀಗೆ ಕನ್ನಡವು ಪಾರಿಭಾಷಿಕ ಪದಗಳಿಗಾಗಿ ಎರಡು ಚುಕ್ಕೆಗಳನ್ನು ಇಟ್ಟುಕೊಳ್ಳುವ ಸಂಪ್ರದಾಯವನ್ನು ಪಾಲಿಸುತ್ತಿದೆ. ಹಾಗೆಯೇ ನಾವುಗಳು Bank, Cat ಗಳಲ್ಲಿರುವ ಏತ್ವವನ್ನೂ ಸ್ವೀಕರಿಸಬೇಕು.

ಒಟ್ಟಿನಲ್ಲಿ ಈ ವಿಷಯವನ್ನು ಕುರಿತು ಭಾಷಾ ವಿದ್ವಾಂಸರು ಸಾರ್ವಜನಿಕವಾಗಿ ಚರ್ಚಿಸಬೇಕು.

ಚರ್ಚೆಯಾಗುತ್ತಿರುವ ವಿಷಯ ಸ್ವಲ್ಪ ಕುತೂಹಲ ಕೆರಳಿಸಿದ್ದರಿಂದ ನನ್ನ ಈ ಪ್ರತಿಕ್ರಿಯೆ ನೀಡುತ್ತಿದ್ದೇನೆ. ಈ ಹೊಸ ಪ್ರಯೋಗದ ಅಗತ್ಯ ಇಲ್ಲ ಎಂಬ ಖಚಿತ ನಿಲುವು ನನ್ನದು. ಇದಕ್ಕೆ ನಾನು ನೀಡುವ ಸಮರ್ಥನೆಗಳು ಹೀಗಿವೆ-
೧. ’Bank' ಎಂಬ ಶಬ್ದವನ್ನು ಶಿವರಾಮ ಕಾರಂತರಂಥವರು ಕೂಡ ’ಬೇಂಕು’ ಎಂದು ಬರೆಯುತ್ತಿದ್ದರು. ನಂತರ ಅದನ್ನು ’ಬ್ಯಾಂಕು’ ಎಂದು ಬರೆಯುವುದು ರೂಢಿಗೆ ಬಂತು. ಉಚ್ಚಾರಣೆಗೆ ಸಾಧ್ಯವಾದಷ್ಟು ಹತ್ತಿರವಾದ್ದನ್ನು ಬರೆಯುವ ಪ್ರಯಾಸವೇ ಬಹುಶಃ ಇದಕ್ಕೆ ಕಾರಣ. ಏನಿದ್ದರೂ ಕನ್ನಡದಲ್ಲಿ ಬಳಕೆಯಲ್ಲಿರುವ ಅಕ್ಷರಗಳನ್ನೇ ಇದಕ್ಕೆ ಬಳಸಲಾಗುತ್ತಿತ್ತು ಮತ್ತು ಅದೇ ಸಹಜ ಕೂಡ.
೨. ಇಲ್ಲಿ ಸೂಚಿಸಿರುವ ಹೊಸ ಪ್ರಯೊಗದ ಬದಲಿಗೆ ಇಂಗ್ಲಿಷ್ ಶಬ್ದಗಳನ್ನು ಇದ್ದ ಹಾಗೆಯೇ ಇಂಗ್ಲಿಷ್ ನಲ್ಲೇ ಬರೆದರೆ ಏನು ತಪ್ಪು? ನಾವು ಮಾತನಾಡುವಾಗ ಎಷ್ಟೋ ಆಂಗ್ಲ ಶಬ್ದಗಳನ್ನು ಪ್ರಯೋಗಿಸುವುದಿಲ್ಲವೇ? ಇರುವ ಕನ್ನಡ ಭಾಷೆ ಯನ್ನು ಇನ್ನೂ ಕ್ಲಿಷ್ಟವಾಗಿಸುವ ಪ್ರಯತ್ನ ಬೇಕೇ?
೩. ಹಾಗೆ ನೋಡಿದರೆ ಇಂಗ್ಲಿಷ್ ನ ಎಲ್ಲ ರೀತಿಯ ಉಚ್ಚಾರಣೆಗಳಿಗೆ ಸಮನಾದ ಕನ್ನಡ ಅಕ್ಷರಗಳು ಸಿಗಲಾರವು. ಉದಾಹರಣೆಗೆ 'Thanks' ಎಂಬಲ್ಲಿನ 'TH' - ತ್ ಅಥವಾ ಥ್ ಎರಡೂ ಅಲ್ಲ. ಅದನ್ನು ಕನ್ನಡದಲ್ಲಿ ಬರೆಯಲು ಸಾಧ್ಯವೇ ಇಲ್ಲ.