“ಪಾರಮಾರ್ಥಿಕ ರಾಮ” ನೀಡುವನೇ “ರಾಜಕೀಯ” ಅನುಗ್ರಹ?....

ದಿವಾಕರರೆ,

ನೀವೇನು ಹೇಳ ಹೊರಟಿರಿ ಅನ್ನುವುದು ನನಗರ್ಥವಾಗಲಿಲ್ಲ!
ರಾಮಮಂದಿರ ಬೇಕು ಅಂತ ಅರಚಾಡುವುದು ಬಿಟ್ಟು ಬಿಡೋಣ ಅಂತಲೇ?

ರಾಕೇಶ್ ಶೆಟ್ಟಿ :)

ದಿವಾಕರ, ನೀವೇನು ಕನಸು ಕಾಣಲು ಹೊರಟಿದ್ದೀರೇನು? ಅರೆರೆ, ಎಲ್ಲ ರಾಜಕಾರಣಿಗಳೂ ಹೇಳುತ್ತಿರುವುದು ಜಾತಿ ಆಧಾರಿತ ಮೀಸಲಾತಿ ನೀಡಿರೆ೦ದು, ’ಅಹಿ೦ದ’ ಹೆಸರಿನಲ್ಲಿ ಎಲ್ಲ ಜಾತಿಗಳನ್ನೂ ಒಡೆದು, ವೈಮನಸ್ಯವನ್ನು ಬಿತ್ತಿ, ತಮ್ಮ ಬೇಳೆ ಬೇಯಿಸಿಕೊಳ್ಳಲು ಹೊರಟಿದ್ದಾರೆ! ಅವರಿಗೆ ಅವರ ಖುರ್ಚಿ ಮಾತ್ರ ಮುಖ್ಯ, ಸಾಮಾನ್ಯ ಜನರಲ್ಲ. ರಾಷ್ಟ್ರ ಪ್ರೇಮ ಅವರಲ್ಲಿಲ್ಲ, ಹೀಗಿರುವಾಗ ಎಲ್ಲಿಯ ಪಾರಮಾರ್ಥಿಕ, ಎಲ್ಲಿಯ ರಾಮ? ಒ೦ದಕ್ಕೊ೦ದು ಸ೦ಬ೦ಧವೇ ಇಲ್ಲ, ಇಲ್ಲಿರುವುದು ಏನಿದ್ದರೂ ಅಧಿಕಾರ ದಾಹ ಮಾತ್ರ. ಹೊರಗಿನಿ೦ದ ಬ೦ದು ಈ ಬಡಪಾಯಿ ದೇಶವನ್ನು ಸೋಲಿಸಿ ತಮ್ಮ ಪಾರಮ್ಯವನ್ನು ಮೆರೆಯಲು ಮುಸ್ಲಿ೦ ಆಕ್ರಮಣಕಾರಿಗಳಿಗೆ ಇದು ಸುವರ್ಣಕಾಲ. ಪ್ರತಿಯೊಬ್ಬ ಭಾರತೀಯನೂ ಮತ್ತೊಮ್ಮೆ ಮುಸ್ಲಿ೦ ಆಡಳಿತಕ್ಕೆ "ಜೇ ಹುಜೂರ್" ಎನ್ನುವ ಕಾಲ ಹತ್ತಿರದಲ್ಲೇ ಇದೆ!

ಲೌಕಿಕತೆ ಮರೆತು ಬಾಳಲಾದೀತೇ ಹೇಳಿ ಈ ಲೋಕದಲ್ಲಿ
ಪಾರಮಾರ್ಥಿಕತೆಯನ್ನೂ ಕಾಣಬಹುದು ಇದೇ ಭೂಮಿಯಲ್ಲಿ

ಅರಿಯಿರಿ ಪಾರಮಾರ್ಥಿಕತೆ ಮತ್ತು ಲೌಕಿಕತೆಯ ನಂಟನ್ನು
ಪರಮಾತ್ಮನಿರುವ, ಆತನೇ ಸೃಷ್ಟಿಸಿದ ಲೌಕಿಕ ಕಣಕಣದಲ್ಲೂ

ಪಲಾಯನವಾದವೆನಿಸಬಾರದು ನಮ್ಮ ಅಜ್ಞಾನದ ಹೇಳಿಕೆಗಳು
ಎದ್ದು ಓಡಿಹೋಗುವುದರಿಂದ ಪರಿಹಾರ ಕಾಣವಿಲ್ಲಿ ಸಮಸ್ಯೆಗಳು

ನಿಮ್ಮ ಈ ಸಲಹೆಯನ್ನು ನಿಮ್ಮ ಮನೆಯಲ್ಲೇ ನೀವು ಕಾರ್ಯರೂಪಕ್ಕೆ ತರುವಿರಾ?
ಹೆಂಡತಿ ಸಂತಾನ ವಿರೋಧಿಗಳಾದರೆ ಪಾರಮಾರ್ಥಿಕತೆಗೆ ಮೊರೆ ಹೋಗುವಿರಾ?

- ಆಸು ಹೆಗ್ಡೆ

ಹಿಂದೂ ಹೆಸರಿನ ಪ್ರತಿಯೊಂದು ಅಖಾಡಾಗಳೂ, ಮಠ-ಪೀಠಗಳೂ ಇನ್ನಾದರೂ ಈ ಜವಾಬ್ದಾರಿಯನ್ನು ನಿಸ್ಪೃಹತೆಯಿಂದ ವಹಿಸಿಕೊಳ್ಳಬೇಕಾಗುತ್ತದೆ.>>

ದಿವಾಕರ ಎನ್ನುವುದು ಹಿಂದೂ ಹೆಸರು ಅಲ್ಲವೆ?

ಬದಲಾವಣೆ ಎನ್ನುವುದು ನನ್ನಿಂದಲೇ ಪ್ರಾರಂಭವಾಗಲಿ ಎಂದೆನ್ನೆವುದು ನಿಜವಾದ ಕ್ರಾಂತಿಕಾರನ ಗುಣ. ಬರೆದು ಬಿಸಾಕುವುದಕ್ಕಷ್ಟೆ ಸೀಮಿತವಾದರೆ.....?

ದಿವಾಕರರೆ, ಭಾರತದಲ್ಲಿ ಹಿಂದುಗಳೇ ಇಲ್ಲವಾದರೆ ನಿಮ್ಮ ಪಾರಮಾರ್ಥಿಕತೆ ಎಲ್ಲಿರುತ್ತೆ ಸ್ವಲ್ಪ ಹೇಳ್ತಿರ? ಆಧ್ಯಾತ್ಮಿಕ ದಲ್ಲಿ ಸಾಧನೆ ಮಾಡಬೇಕು ನಿಜ. ಆದರೆ ಅದು ವಾಸ್ತವತೆಯನ್ನು ಹೊರತಾಗಿ ಅಲ್ಲ. ವಿವೇಕಾನಂದರ ಬರಹಗಳನ್ನು ಓದಿ. ತಿಳಿಯಬಹುದು. ಅದು ಬಿಟ್ಟು ನೆಹರು ಬರೆದ ಪುಸ್ತಿಕೆಗಳು, ಲಂಕೇಶ ಪತ್ರಿಕೆಗಳನ್ನು ಓದುತ್ತಾ ಕೂತರೆ ಯಾರಿಗೆ ಉಪಯೋಗ?

ಭಾರತದ ಜಾತ್ಯಾತೀತರೆಂದು ಹೇಳಿಕೊಳ್ಳುವವರಿಗೆ ಅದು ಒಂದು ತುಂಡು ಭೂಮಿಯಾಗಿರಬಹುದು. ಆದರೆ ದೇವರೆಂದೇ ನಂಬಿರುವ ರಾಮನನ್ನು ಆರಾಧಿಸುವ ವ್ಯಕ್ತಿಗಳಿಗಲ್ಲ.

ನೀವೆಂದ ಹಾಗೆ ಬಾಲಿಶ ಆವೇಶಗಳಿಂದ ಒಗ್ಗಟ್ಟು ಮೂಡುವುದಿಲ್ಲ, ಹಾಗೆಯೇ ಸಮಾಜದಲ್ಲಿ ಎಂದೂ ಸಾಧ್ಯವಿಲ್ಲದ ಮಾನವ ಹೃದಯಗಳನ್ನು ಸೃಷ್ಟಿಸುವುದರಿಂದ ಕೂಡ ಸಾಧ್ಯವಿಲ್ಲ. ಸುಮ್ಮನಿದ್ದಷ್ಟು ಬೆನ್ನ ಮೇಲೆ ಸವಾರಿ ಮಾಡುವವರು ಹೆಚ್ಚು.

ಲೌಕಿಕವಾಗಿ ಬದುಕುವವರ ಸಂಖ್ಯೆ ಹೆಚ್ಚು ಅಲ್ಲವೇ?

‘ಕೇಸರಿ ಭಯೋತ್ಪಾದಕತೆ’ ಎನ್ನುವ ಅಪಪ್ರಚಾರವನ್ನು ಸುಳ್ಳು ಮಾಡಲು ‘ಕೇಸರಿವಂತ’ರಿಗೆ ಸಕಾಲ.
>> ಹಸಿರು, ಬಿಳಿ, ಇತ್ಯಾದಿ ಬಣ್ನಗಳಿಗೆ ಯಾವುದು ಸಕಾಲ? ಸ್ವಲ್ಪ ವಿವರಿಸಿ.

ಇಡೀ ವಿಶ್ವವನ್ನೇ ಸ೦ಸ್ಕಾರ ಮತ್ತು ಸ೦ಯಮ ದಿ೦ದ ಭಾರತದೆಡೆಗೆ ನೋಡುವ೦ತೆ ಮಾಡಿದ್ದು ಇದೇ "ಕಾವಿ"ಯನ್ನು ಧರಿಸಿ ಹೊರಟ ಪ್ರಖರ ಸನ್ಯಾಸಿ,ಸಿಡಿಲ ಸ೦ತ ಸ್ವಾಮೀವಿವೇಕಾನ೦ದರು.....ದಿವಾಕರರೇ., ಒ೦ದ೦ತೂ ಸತ್ಯ ...ಒಮ್ಮೆ ಇತಿಹಾಸ ಮೆಲಕು ಹಾಕಿ...ಬಾಬರ್ 'ದ೦ಡ'ಯಾತ್ರೆ,ತುಘಲಕ್ ದ೦ಡಯಾತ್ರೆ...,ಇತ್ಯಾದಿ 'ದ೦ಡ'ಯಾತ್ರೆ ಬರೀ ಅನ್ಯರ ಹೆಸರಿನ ಮು೦ದೆ ಬ೦ದಿರಬಹುದೇ ಹೊರತು ಯಾವ 'ಹಿ೦ದು'ವಿನ ಮು೦ದೆ ಬರಲು ಸಾದ್ಯವೇ ಇಲ್ಲ.....ನಮ್ಮವರೂ ಯಾತ್ರೆಗೆ ಹೊರಟರು ಆದರೆ ಕೈಯಲ್ಲಿ ಖಡ್ಗವನ್ನು ಇಡಿದಲ್ಲ...ಕಮ೦ಡಲ ಮತ್ತು ಧರ್ಮ ಗ್ರ೦ಥಗಳನ್ನು ಹಿಡಿದು ಆದರೆ ಇದುವರೆಗೂ ಒಬ್ಬರಿಗೂ ಬಲವ೦ತದ 'ಮತಾ೦ತರ'ಮಾಡಿಸಲಿಲ್ಲ...ಇ೦ತಹ ಸರ್ವ ಸಹಿಸ್ಣಿ ಭಾರತೀಯ ಎ೦ದೂ ಭಯೊತ್ಪಾದನೆ ಅ೦ತಹ ಕೆಲಸ ಮಾಡಲಾರ......ಆದರೆ ಇದನ್ನೇ ನಮ್ಮ ದೌರ್ಬಲ್ಯ ವೆ೦ದು ತಿಳಿದರೆ ಅದಕ್ಕೆ ಉತ್ತರಿಸಲು ಭಗತ್,ಶಿವಾಜಿ,ರಾಜಗುರು,ಧೀ೦ಗ್ರಾ ರ೦ತಹ ಹಲವು ಕಿಡಿಗಳಿಗೆ ಜನ್ಮನೀಡಿದ್ದು ಇದೇ ಭಾರತಾ೦ಭೆ ಎ೦ದು ಮನದಲ್ಲಿರಲಿ...
"ಸ್ನೇಹಕು ಬದ್ದ;ಸಮರಕೂ ಸಿದ್ದ" ಅನ್ನುವ ಮಾತು ಬಹುಶಹ ಇಡಿ ವಿಶ್ವದಲ್ಲಿ "ಹಿ೦ದು"ವಿಗೆ ಮಾತ್ರ ಅನ್ವಹಿಸಬಹುದು..

ದಿವಾಕರ ರವರೇ ನಿಮ್ಮ "ವಾಣಿ" ನಮಗೆ ಅಗತ್ಯವಿಲ್ಲ ಅಗತ್ಯವಿಲ್ಲ...

ದಿವಾಕರರವರೇ,

ಸಂಪದಕ್ಕೆ ಸುಸ್ವಾಗತ!

ಆಕಾಶವಾಣಿಯಲ್ಲಿ ನೀವೋದಿದ ಸುದ್ದಿಗಳನ್ನು ಕೇಳಿದ ನೆನಪು ಇನ್ನೂ ಹಸಿರಾಗಿದೆಯಾದ್ದರಿಂದ, ನಿಮ್ಮೀ ಬರಹವನ್ನಿಲ್ಲೋದುವುದರಲ್ಲಿ ಒಂಥರಾ ಖುಶಿ ಸಿಕ್ಕಿತು.

ಇತರ ಕೆಲ ಸಂಪದಿಗರು ಈಗಾಗಲೇ ಅಭಿಪ್ರಾಯ ಪಟ್ಟಿರುವಂತೆ, ನನಗೂ ಅನ್ನಿಸಿದ್ದೆಂದರೆ ನೀವು ಹೇಳಬಯಸಿದ್ದೇನು ಎಂಬುದಿಲ್ಲಿ ಸ್ಪಷ್ಟವಾಗಿಲ್ಲ. ರಾಮ ಜನ್ಮ ಭೂಮಿ - ಬಾಬ್ರಿ ಮಸೀದಿ ವಿವಾದ ಶಾಂತಿಯುತವಾಗಿ ಬಗೆಹರಿಯಲಿ ಎಂಬುದು ಎಲ್ಲ ಸಂಪದಿಗರ ಹಾರೈಕೆಯೂ ಹೌದು ಎಂದು ನಂಬುತ್ತೇನೆ.

ನಿಮ್ಮ ಪ್ರತಿಕ್ರಿಯೆಗಳನ್ನೊಳಗೊಂಡಂತೆ, ಪರಿಚಯದಲ್ಲಿ ಸಹ ಕಾಗುಣಿತದ, ವಾಕ್ಯ ರಚನೆಯ ತಪ್ಪುಗಳು ನುಸುಳಿವೆ ಎಂಬುದನ್ನು ಗಮನಿಸಿದ್ದೀರಿ, ಅವನ್ನು ಸರಿಪಡಿಸುತ್ತೀರಿ ಎಂದು ಆಶಿಸುತ್ತೇನೆ.

<<ಅದಾಗಬೇಕಾದರೆ, ನಾವು ನಂಬಿದ ದೇವರ ಸಾಮ್ರಾಜ್ಯದಲ್ಲಿ ಅನ್ಯಾಯ ನಡೆಯುವುದಿಲ್ಲ; ಅಲ್ಲಿ ಶೋಷಣೆ, ವಂಚನೆ, ಕ್ಷುಲ್ಲಕ ಕದನ-ಕಾರ್ಪಣ್ಯಗಳಿರುವುದಿಲ್ಲವೆಂಬಂತೆ ಬದುಕುವ ಮಾನವ ಹೃದಯಗಳು ಬೇಕಾಗುತ್ತವೆ>>

ನಾವು ಹಿಂದೂಗಳು ಬಹಳವಾಗಿ ಮೆಲುಕುಹಾಕುವ ಶ್ರೀರಾಮಾಯಣ ಚರಿತೆ ಮತ್ತು ಶ್ರೀಕೃಷ್ಣ ಪರಮಾತ್ಮನ ಭಗವದ್ಗೀತೆ, ಈ ಎರಡರಲ್ಲೂ ಯುದ್ಧಗಳ ಉಲ್ಲೇಖ ಇದೆ. ಗೀತೆಯಂತೂ ಯುದ್ಧರಂಗದಲ್ಲೇ ಭೋಧಿಸಲ್ಪಟ್ಟದ್ದು.
ಕದನ, ಕಾದಾಟಗಳು ಇಲ್ಲದೇ, ಸುಳ್ಳು ಮತ್ತು ಕೆಟ್ಟದ್ದು ನಾಶವಾಗದು, ಸತ್ಯದ ಮತ್ತು ಒಳ್ಳೆಯದರ ವಿಜಯವಾಗದು.

ಎಲ್ಲವನ್ನೂ ಪರಿತ್ಯಾಗ ಮಾಡಿ ಬದುಕುವುದು ಸನ್ಯಾಸಿಗಳು. ಸನ್ಯಾಸಿಗಳು ಸಮಾಜದ ನಡುವಿರಲು ಅಪೇಕ್ಷಿಸುವುದೂ ಇಲ್ಲ.

ರಾಜಕೀಯ ರಾಜನೀತಿ ಅನ್ನುವುದು ರಾಮ ಕೃಷ್ಣರ ಕಾಲಗಳಲ್ಲೂ ಇತ್ತು. ರಾಜನೀತಿಯ ಬಗ್ಗೆ ರಾಮನ ಆದರ್ಶ ಇಲ್ಲವಾಗಿದ್ದಲ್ಲಿ, ರಾಮರಾಜ್ಯದ ಮಾತು ಹೇಗೆ ಬರುತ್ತಿತ್ತು ನಮ್ಮೆಲ್ಲರ ಬಾಯಿಗಳಲ್ಲಿ?

ನಮ್ಮ ಭಾವನೆಗಳಲ್ಲಿ, ನಿರ್ಧಾರಗಳಲ್ಲಿ ಮತ್ತು ಮಾತುಗಳಲ್ಲಿ ದೃಢತೆ ಇರಬೇಕು. ಅನ್ಯರಿಗೆ ಮನನವಾಗುವಂತಿರಬೇಕು. ನಮ್ಮ ನುಡಿಗಳು, ಬರಹಗಳು ಅರ್ಥೈಸಿಕೊಳ್ಳಲು ಸುಲಲಿತವಾಗಿರಬೇಕು.

ಓದುಗರ ಮನಗಳಲ್ಲಿ ವಿರೋಧಾಭಾಸಗಳ ಬೀಜಬಿತ್ತುವ ಬರಹಗಳಿಂದ ಕಾಲಹರಣವಾಗಬಹುದು ಲೇಖಕ-ಓದುಗದ್ವಯರದ್ದೂ..

<<ಆಕಾಶವಾಣಿಯಲ್ಲಿ ಸುದ್ದಿ ಪ್ರಸಾರಕನಾಗಿ ಸಂಸ್ಕಾರಗೊಂಡ ಬುದ್ದಿಗೆ, ಅನುದಿನದ ವಿದ್ಯಮನಗಳು ನೀಡುವ ಪ್ರೇರಣೆಗಳಿಗೆ ಸ್ಪಂದಿಸುತ್ತೇನೆ.>>ದಿವಾಕರರೆ, ಇದು ನಿಮ್ಮ ಪರಿಚಯದಲ್ಲಿ ನೀವೇ ಹೇಳಿಕೊ೦ಡಿರುವ ಮಾತು! ಚಿಕ್ಕ೦ದಿನಿ೦ದ ರೇಡಿಯೋ ಕೇಳುತ್ತಲೇ ಬೆಳೆದ ನನಗೆ ತಮ್ಮ ಕ೦ಚಿನ ಕ೦ಠ ಇನ್ನೂ ಚೆನ್ನಾಗಿ ನೆನಪಿನಲ್ಲಿದೆ. ಇಲ್ಲಿ ನಡೆಯುತ್ತಿರುವ ವಿಚಾರ ವಿನಿಮಯ ನೋಡಿದರೆ ತಾವು ಪರಿಚಯದಲ್ಲಿ ಹೇಳಿಕೊ೦ಡಿರುವುದಕ್ಕೂ, ಈಗ ನೀವು ಪ್ರತಿಕ್ರಿಯಿಸುತ್ತಿರುವ ರೀತಿಗೂ ಒ೦ದಕ್ಕೊ೦ದು ತಾಳೆಯಾಗುತ್ತಿಲ್ಲವಲ್ಲ!! :)

"ಪಾರಮಾರ್ಥಿಕ ರಾಮ ನೀಡುವನೇ ರಾಜಕೀಯ ಅನುಗ್ರಹ?"
ನೀವು ರಾಮನನ್ನೂ ಪ್ರಶ್ನಿಸುತ್ತಿದ್ದೀರಿ ಅಲ್ಲವೇ? ನಿಮಗೆ ರಾಮನಲ್ಲಿ ನಂಬಿಕೆಯಿದ್ದರೆ ಇಂತಹ ಬಾಲಿಶ ಪ್ರಶ್ನೆ ಏಕೆ? ನೀವು ನಾಸ್ತಿಕರೆಂದು, ಧರ್ಮ ನಿರಪೆಕ್ಷರೆಂದು ಭಾವಿಸಿದರೆ "ರಾಮ ಎಂಬ ಅಲೌಕಿಕ ಅನುಭೂತಿ" ಎಂದು ನಿಮ್ಮ ಗೊಂದಲವನ್ನೂ ಕಾರಿದ್ದೀರಿ. ನಿಮ್ಮ ಪ್ರಶ್ನೆಯಲ್ಲಿ ಕುಟಿಲತೆಯ ಧ್ವನಿ ಇದೆ.
ಸಮಾನತೆ ಅನ್ನುವುದು ಪ್ರಾಯೋಗಿಕ ಅಲ್ಲವೇ ಅಲ್ಲ. ಸಮಾನತೆ ಇರುವ ಜಗತ್ತಿನ ಒಂದು ಊರು, ಗ್ರಾಮ ದೇಶವನ್ನು ತೋರಿಸಿ. ನಿಖರತೆ ಇಲ್ಲದ ನಿಮ್ಮ ಅಭಿಪ್ರಾಯ ತುಂಬಾ ಸಪ್ಪೆ ಅನ್ನಿಸಿತು. ಧರ್ಮನಿರಪೇಕ್ಷತೆ ಹೆಸರಿನಲ್ಲಿ ಪಲಾಯನವಾದ ಬೋಧಿಸುವ ಹಳೆಯ ಸಂಪ್ರದಾಯಕ್ಕೆ ಜೋತುಬಿದ್ದರೆ ಏನು ಪ್ರಯೋಜನ?

ಅರ್ಥವಾಗದ ಲೇಖಕರ ಭಾವನೆಗಳು ಹಾಗೂ ಚರ್ಚಾ ವಿಷಯ, ವಿಮರ್ಶೆಯನ್ನು ವ್ಯ೦ಗ್ಯವಾಗಿ ತೂರುವ ಹೊಸತು ಶೈಲಿ, “ಪಾರಮಾರ್ಥಿಕತೆ“ ಎನ್ನುತ್ತಲೇ ಹಿ೦ತಿರುಗಿ “ಹಿ೦ದೂ ಬಹುಮತ ಸರ್ಕಾರ ಬರಲಿ“ ಎ೦ಬ ಅಲೌಕಿಕ ವಾದಿಗಳ ಲೌಕಿಕತೆಯತ್ತ ಯಾತ್ರೆಗಿನ ಚುಟುಕು ಪರಿಚಯ ನನ್ನ ಈ ಪ್ರತಿಕ್ರಿಯೆ.
ಒಟ್ಟಾರೆ ವಿರೋಧಾಬಾಸಗಳಿ೦ದ ಕೂಡಿದ ಲೇಖಕರ ಮರು ಪ್ರತಿಕ್ರಿಯೆಗಳು, ಲೇಖನದಲ್ಲಿನ ಗಟ್ಟಿತನವಿಲ್ಲದ ನಿರೂಪಣಾ ಶೈಲಿ ಲೇಖಕರನ್ನು ಪ್ರಶ್ನಿಸುವ೦ತೆ ಮಾಡಿವೆ ಎ೦ದರೂ ತಪ್ಪಲ್ಲವೇನೋ?

ಬೇಸರ ಮೂಡದಿರಲಿ. ಲೇಖಕರೇ, ನೀವು ಓದುಗರಾದ ನಮಗೆ ಏನು ಹೇಳಬೇಕೆ೦ದಿದ್ದೀರಿ ಎ೦ಬುದನ್ನು ಇನ್ನೂ ಸವಿವರವಾಗಿ ಹೇಳಬಹುದಾಗಿದೆ. ಬೇಕಾದರೆ ಇದೇ ವಿಚಾರವನ್ನು ಇದೇ ಶೀರ್ಷಿಕೆಯಲ್ಲಿಯೇ ಮತ್ತೊಮ್ಮೆ ಸವಿವರವಾಗಿ ಬರೆಯಿರಿ. ಚರ್ಚಿಸುವ ಉತ್ತಮ ಅವಕಾಶ ನೀಡಿ.
ನಮಸ್ಕಾರಗಳೊ೦ದಿಗೆ,
ನಿಮ್ಮವ ನಾವಡ.

ಆತ್ಮೀಯ
<<ನಾವು ನಂಬಿದ ದೇವರ ಸಾಮ್ರಾಜ್ಯದಲ್ಲಿ ಅನ್ಯಾಯ ನಡೆಯುವುದಿಲ್ಲ; ಅಲ್ಲಿ ಶೋಷಣೆ, ವಂಚನೆ, ಕ್ಷುಲ್ಲಕ ಕದನ-ಕಾರ್ಪಣ್ಯಗಳಿರುವುದಿಲ್ಲವೆಂಬಂತೆ ಬದುಕುವ ಮಾನವ ಹೃದಯಗಳು ಬೇಕಾಗುತ್ತವೆ>>
ನಾವು ಇಲ್ಲಿಲ್ಲ ಅ೦ದ್ರೆ ದೇವರ ಸಾಮ್ರಾಜ್ಯದಲ್ಲಿಲ್ಲ. ನಾವಿರುವ ಸಧ್ಯದ ಸಾಮ್ರ್ಯವನ್ನು ನೀವು ಹೇಳುವ ದೇವರ ಸಾಮ್ರಾಜ್ಯವನ್ನಾಗಿ ನೋಡಲು ಹೋದರೆ ಆ ಸೋಮನಾಥ, ಕಾಶಿ ವಿಶ್ವನಾಥರ೦ಥವರು ಸುಮ್ಮನೆ ಕರಗುತ್ತಾ ತುಳಿಸಿಕೊಳ್ಳುತ್ತಾ ಕೂರುತ್ತರೆ ಪರ೦ತು ಎದ್ದು ಬರುವುದಿಲ್ಲ. ಅವರನ್ನು ಉಳಿಸಬೇಕಾದವರು ನಾವೇ
ಹರಿ