ಲಘುವಾಗಿ ಪರಿಗಣಿಸು ಅತೀ ಹತ್ತಿರದ ಅರ್ಥ ಕೊಡುತ್ತದೆ. ಕೀಳಂದಾಜು ಕೂಡ ಸರಿ ಹೋಗುತ್ತದೆ ಎಂದು ನನಗನ್ನಿಸುತ್ತದೆ.

ಗೆಳೆಯರೇ,

ಕ್ಷಮಿಸಿ ಕೆಲಸದೊತ್ತಡದಲ್ಲಿದ್ದ ಕಾರಣ ಕೆಲವು ದಿನಗಳಿಂದ ಬರೆಯಲಾಗಿರಲಿಲ್ಲ. underestimateಗೆ ಸರಿಯಾದ ಕನ್ನಡ ಪದ ಕೀಳೆಣಿಸು ಎಂಬುದಾಗಿ. ಇದನ್ನು ಬರೆವಣಿಗೆಯಲ್ಲಿ ಅನೇಕ ಕಡೆ ನೋಡಿದ್ದೇನೆ ಮತ್ತು ಓದಿದ್ದೇನೆ.

ಕೀಳೆಣಿಸು ಪದದ ವಿವರಣೆ ಹೀಗೆ.

ಕೀಳು - under.
ಎಣಿಸು - estimate http://dsal.uchicago.edu/cgi-bin/philologic/getobject.pl?c.0:1:797.burrow

ಎಣಿಕೆ ಎಂಬುದು ಕೇವಲ counting ಅಷ್ಟೇ ಅಲ್ಲ, estimation ಅನ್ನು ಕೂಡ ಸೂಚಿಸುತ್ತದೆ.

ಬೆನಕರವರು ಪ್ರಸ್ತಾಪಿಸಿದ "ಮಟ್ಟು" ಎಂಬ ಪದ ಕನ್ನಡದಲ್ಲಿ ಅನೇಕ ಕಡೆ "ಮಟ್ಟ" ಎಂಬುದಾಗಿ ಬಳಕೆಯಲ್ಲಿದೆ. ಹಾಗೆಯೇ ವ್ಯಾವಹಾರಿಕವಾಗಿ ನೋಡಿದಾಗ ಮಟ್ಟ ಎನ್ನುವುದು ಕನ್ನಡದಲ್ಲಿ ಅಳತೆಗಾಗಿಯೇ (measurement) ಬಳಸುವಂತಹುದ್ದಾಗಿದೆ.

ದೊಡ್ಡಮಟ್ಟ - ಬೃಹತ್ ಪ್ರಮಾಣದಲ್ಲಿ
ಕೀಳ್ಮಟ್ಟ - bad quality. ಇಲ್ಲಿ ಕೀಳ್ಮಟ್ಟು ಎಂದರೂ ಮಟ್ಟುವಿನಲ್ಲಿ estimation ಅನ್ನು ಹುಡುಕುವುದು ಕಷ್ಟ.

ಈ ಅನುಮಾನ ಪರಿಹಾರಕ್ಕೆ ನಾನು ದ್ರಾವಿಡ ಪದಕೋಶದಲ್ಲಿ ಹುಡುಕಿದಾಗ ಮಟ್ಟು ಪದದ ಪೂರ್ಣ ವಿವರ ಸಿಕ್ಕಿತು.
http://dsal.uchicago.edu/cgi-bin/philologic/getobject.pl?c.1:1:2078.burrow

ತಮಿಳಿನಲ್ಲಿ ಮಟ್ಟು ಎಂಬುದು estimate ಎಂಬ ಅರ್ಥದಲ್ಲಿದೆ, ಆದರೆ ಕನ್ನಡದಲ್ಲಿ measurement of a fixed entity ಎಂಬ ಅರ್ಥದಲ್ಲಿದೆ.
Ka. maṭṭu measure, extent, height, limit

ಮತ್ತೊಂದು ಮಹತ್ವದ ವಿಚಾರವೆಂದರೆ underestimate ಅನ್ನು ನಾಮಪದವಾಗಿ ನೋಡುತ್ತಾ ಇದ್ದಾಗ ಕೀಳೆಣಿಸು ಸರಿಹೊಂದುತ್ತದೆ. ಆದರೆ ಸಂಗನರು ಪ್ರಸ್ತಾಪಿಸಿದ ಹಾಗೆ, ಕನ್ನಡದಲ್ಲಿ ಎಷ್ಟೋ ಕಡೆ ಹಗುರ, ಕೀಳು, ಸಣ್ಣದೆಣಿಸು ಎಂಬ ಪದಗಳೇ ಪೂರ್ಣ ಅರ್ಥವನ್ನು ಸೂಚಿಸುತ್ತದೆ.

ಹಾಗೆಯೇ ಕನ್ನಡದಲ್ಲಿ ಇನ್ನೊಂದು ಪದವಿದೆ, ಕೀಳರಿಮೆ - inferiority complex.

ಮಟ್ಟು, ಇದು ನಮ್ ಕಡೆ, 'ಮಾಡು'ವಿನ ಜೋಡಿ ಪದವಾಗಿ ಬಳಕೆಯಲ್ಲಿದೆ. ಮಾಡು-ಮಟ್ಟು. ಮಾದರಿಗೆ 'ಅಣ್ಣ ಇದ್ದಿದ್ದರೆ, ಏನೋ ಒಂದು ಮಾಡೋರು, ಮಟ್ಟೋರು'. ಹಾಗಾಗಿ ನೀವು ಹೇಳುವಂತೆ ಮಟ್ಟು = estimate ಇದ್ದೀತು.

ಹಗುರ ಅಂತ ತಿಳಿ, ಕೀಳ್ಮಟ್ಟು ಇವು ಅಚ್ಹ ಕನ್ನಡ. ಆದರೆ ಸುನೀಲ್  ಅವರು ಹೇಳುವ 'ಎಣಿಕೆ' ಅಂದರೆ calculate ಆಗುವದು. ಅದು estimate ಗೆ ಹತ್ತಿರ ಇದ್ದರೂ, ಅದು ಬೇರೆ.

ಈ ಎಳೆಗೆ ನೆಂಟಾಗದಿದ್ದರೂ, ಇನ್ನೊಂದು ಅಚ್ಚಕನ್ನಡ ಪದ ಮಂದಿಯ ಮಾತುಗಳಲ್ಲಿ ಹೇಗೆ ಉಳಿದಿದೆ ಅನ್ನುವದನ್ನ ಇಲ್ಲಿ ಹೇಳಬೇಕೆನಿಸಿದೆ, 'ಧ್ವನಿ'ಗೆ ಕನ್ನಡ ಪದ 'ಉಲಿ'. ಒಂದು ಕಡೆ, ಜನರ ಸುಳಿದಾಟ ಇದ್ದರೆ, 'ಅಲ್ಲಿ ಉಲು(ಅದು ನಿಜವಾಗಿ 'ಉಲಿವು') ಇದೆ' ಅಂತಾರೆ. ಅಂದರೆ ಯಾರ ಧ್ವನಿಯೂ ಇಲ್ಲದ 'ಸ್ಮಶಾನ ಮೌನ' ಇದ್ದಲ್ಲಿ, 'ಅಬ್ಬಬ್ಬಾ ಅಲ್ಲಿ ಮಂದಿ-ಉಲು ಒಂಚೂರೂ ಇರಲಿಲ್ಲ, ಜೀವ ಕೈಯಾಗ್ ಹಿಡಕೊಂಡು ಬಂದೆ' ಹೀಗೆ ಮಾತುಗಳು ಬರುತ್ತವೆ.