ಪ್ರಜಾವಾಣಿಯಲ್ಲಿ ನಾ ಕಸ್ತೂರಿಯವರ ಬಗ್ಗೆ ಲೇಖನ

ಪ್ರಜಾವಾಣಿಯವರು ಬಳಸುವ ಫಾಂಟಿಗೂ ನನ್ನ ಬ್ರೌಸರಿಗೂ ಮುಂಚಿನಿಂದಲೂ ಎಣ್ಣೆ-ಸೀಗೇಕಾಯಿ. ಲೇಖನವನ್ನು ಓದಲಾಗಲಿಲ್ಲ. ಆದರೂ ಏನಿರಬಹುದು ಎನ್ನುವುದನ್ನು ಊಹಿಸಿಕೊಳ್ಳಬಲ್ಲೆ. ಭಾಷೆಯಬಗ್ಗೆ ದುರಭಿಮಾನ ನಿರಭಿಮಾನಗಳೆ ಹೆಚ್ಚಾಗಿರುವ ಇಂದಿನ ವಾತಾವರಣದಲ್ಲಿ ಕಸ್ತೂರಿಯಂತಹವರು ವಿರಳ.

ಮೈಸೂರಿನಲ್ಲಿ ಗೋಪಾಲಸ್ವಾಮಿಯವರು ಶುರುಮಾಡಿದ (ಭಾರತದಲ್ಲಿಯೆ ಮೊದಲನೆಯ) ರೇಡಿಯೋ ಸ್ಟೇಶನ್ನಿಗೆ ಆಕಾಶವಾಣಿ ಎಂದು ಹೆಸರನ್ನಿಟ್ಟವರು ಯಾರು ಗೊತ್ತೆ? ಕಸ್ತೂರಿಯವರ ಅಜ್ಜಿ!! ಕಸ್ತೂರಿಯವರು ಆಗ ನಿಲಯದ ನಿರ್ದೇಶಕರಾಗಿದ್ದರು. ಆ ಹೆಸರೆ ಮುಂದೆ ಕಾಯಿದೆ ಬಂದು ಸ್ಟೇಶನ್ನು ಸರ್ಕಾರದ ರೇಡಿಯೋ ಜಾಲಕ್ಕೆ ಸೇರಿದ ಮೇಲೆ ಇಡಿಯ ಜಾಲದ ಭಾರತೀಯ ಹೆಸರಾಯಿತು.

ಕಸ್ತೂರಿಯವರದು "ಅನರ್ಥಕೋಶ"ವೋ ಏನೋ ಹೆಸರಿನ ಪುಸ್ತಕವಿದೆಯಂತೆ. ಯಾರದ್ದಾದರೂ ಹತ್ತಿರ ಅದು ಇದ್ದರೆ ಅಲ್ಲಿಂದ ಇಲ್ಲಿಗೆ ಒಂದಷ್ಟನ್ನು ತೆಗೆದುಹಾಕುವಿರ?

ವೆಂ.