ನನ್ನ ಗೆಳೆಯನ್ನೊಬ್ಬ ಮೊನ್ನೆ ನಮ್ಮ ಮನೆಗೆ ಬಂದಿದ್ದ. ಅವನು ಅಮೆರಿಕದಲ್ಲಿ ಎಂ.ಎಸ್. ಗೆ ಹೋಗಿದ್ದ.

ನಾನು ಅವನು ಜೊತೆಯಲ್ಲಿ ಹೈಸ್ಕಾಲಲ್ಲಿ ಕಲಿತೆವು. ಅವನು ಕನ್ನಡದಲ್ಲಿ ಒಳ್ಳೆಯ ಮಾರ್ಕುಗಳನ್ನೇನೋ ಪಡೆಯುತ್ತಿದ್ದ. ಆದರೆ ಅವನು ಮಾತೋಡುತ್ತಿದ್ದ ಕನ್ನಡದಲ್ಲಿ ’ಅಕಾರಕ್ಕೆ ಹಕಾರ ಬರುವುದು, ಹಕಾರಕ್ಕೆ ಅಕಾರ ಬರುವುದು ’ ಇವೆಲ್ಲ ಮಾಮೂಲಿ. ಒಂದು ಸರತಿಯಂತೂ ಮೇಸ್ಟರು ಅವನ್ನು ಹತ್ತಿರಕ್ಕೆ ’ಅತ್ತಿರ’ ಅಂತ ಸಕ್ಕತ್ ಭಾರಿಸಿದ್ದರು. ಅವನಿಗೆ ಈ ಅನುಭವದಿಂದ ಇರಬೇಕು, ಚೆನ್ನಾಗಿ ಕನ್ನಡ ಬರೆದರೂ, ಬರುಬರುತ್ತಾ ಕನ್ನಡದ ತರಗತಿಯಲ್ಲಿ ಯಾವುದಕ್ಕೂ ಉತ್ತರ ಹೇಳದೆ, ಮೇಸ್ಟರ ಮುಂದೆ ಮಾತಾಡಲು ಅಂಜಿ, ಸುಮ್ಮನೆ ಇರಲು ಹತ್ತಿದ್ದು ಇರಬೇಕು.

ಏನೇ ಆದರೂ ನಾವು ಮಾತಾಡುವುದು ನಮ್ಮ ಕನ್ನಡದಲ್ಲೇ. ನಾವಿಬ್ಬರು ಎಂದು ನಾವು ಕಲಿತವರು ಎಂದು ಹಲವರು ಮಾಡುವ ಹಾಗೆ ಹೊತ್ತಗೆಯ ಕನ್ನಡವನ್ನು ಆಡಿಯೇ ಇಲ್ಲ.

ಸರಿ, ಮೊನ್ನೆಯ ವಿಚಾರ ಹೇಳೋಣ.

ಅಮ್ಮ ಕಾಪಿ ತಿಂಡಿ ತಂದಿಕ್ಕಿದಳು. ತಿನ್ನುತ್ತಾ ಮಾತಾಡಕ್ಕೆ ತೊಡಗಿದೆವು.

"ಏನೋ ಅಮೆರಿಕೆ ಹೆಂಗಿತ್ತು. ಉಣ್ಣಕ್ಕೆ ತಿನ್ನಕ್ಕೆ ಏನ್ ಮಾಡಿಕಂಡ್ ಇದ್ದೀ?"
"ಅಮೆರಿಕದಲ್ಲಿ ಏನ್ problem ಇರ್ನಿಲ್ಲ. ಎಲ್ಲ ಓಕೆ. ಒಂದು apartment ಮಾಡ್ಕಂಡು ನಾವು ಮುವ್ವರು ಇದ್ವು. ತಿನಕ್ಕೆ ಮನೇಲೆ ಮಾಡ್ಕತಿದ್ವು. ಬೇಜಾರ್‍ ಆದ್ರೆ ಬಾಡ್ಗೆ ಆಚೆ ಓಯ್ತಿದ್ವು".

"ಹಾಗೋ, ಅದಕ್ಕೆ ಗುಂಡ್ಗೆ ಆಗಿದೀಯಿ. ಸರಿ, free ಟೈಮಲ್ಲಿ ಏನ್ ಮಾಡ್ತಿದ್ದೀ?"
"ನಾವೆಲ್ ಓದ್ತಿದ್ದೆ. ಇಲ್ಲ ಅಲ್ಲೊಂದು ಬುಕ್ ಶಾಪ್ಗೆ ಕೆಲಸಕ್ಕೆ ಓಯ್ತಿದ್ದೆ, ಅದ್ ಸರಿ, ನೀನೇನ್ ಮಾಡ್ತೀಯೋ free ಟೈಮಲ್ಲಿ?"

"ನಾನಾ.. free ಟೈಮಿದ್ರೆ ಯಾವುದಾದರೂ ನಾವೆಲ್ಲು ಗೀವೆಲ್ಲು ಓದ್ತೀನಿ ನಿನ್ನ ಹಂಗೆ"
"ಸರಿ ಯಾರಪ್ಪ ನಿನ್ನ favorate author?"

"ನಂಗೆ ಬೈರಪ್ಪ ಇಸ್ಟ, ಈಗತಾನೆ ಆವಯ್ಯಂದು ಆವರಣ ಅನ್ನೋ ನಾವೆಲ್ ಮುಗಿಸ್ದೆ"
(ಸೋಜಿಗ ತೋರಿಸಿ) "ಕನ್ನಡಾನ, ಇನ್ನೂ ಕನ್ನಡ ಓದ್ತೀಯೇನೋ. ನಾನು ಕನ್ನಡ ಓದಿದ್ದು ಸೆಕೆಂಡ್ ಪೀಯುಸಿಗೆ, ಆಮೇಲೆ ಕನ್ನಡ ಬುಕ್ ಮುಟ್ಟೂ ಇಲ್ಲ"( ಕಿಸಿದು )

ನನಗೆ ತುಸು ಉರಿಯಿತು.

"ಅದ್ಯಾಕಪ್ಪ. ಕನ್ನಡ ಓದಬಾರದಾ? ಅದ್ಯಾಕೆ ನಿಂಗೆ ಕನ್ನಡ ಬರಲ್ವಾ? ಸ್ಕೂಲಾಗೆ ಸಕ್ಕತ್ ಮಾರ್ಕು ಹೊಡೀತಿದ್ದಿ"
"ಹೂಂ. ಯಪ್ಪ!! ಅದೆಂಗ್ ಕನ್ನಡದಲ್ಲಿ ಪಾಸ್ ಆದ್ನೋ ನಾನು. ಕನ್ನಡ ಸಿಕ್ಕಪಾಟ್ಟೆ ಕಸ್ಟ. ನಿನಗೆ ಗ್ಯಾಪನ ಇಲ್ವಾ, ಆ ನನ್ನ ಮಗ M.P.J ನಂಗೆ ಯಂಗ್ ಓಡ್ದಿದ್ದ. ಅದಕ್ಕಿಂಗ ಇಂಗ್ಲೀಸೇ ಎಸ್ಟೋ ಈzಇ"

"ಇದೇನೋ, ಹಿಂಗ್ ಅನ್ತಿ. ನಿನ್ನ mother tongue ಕನ್ನಡ ಅಲ್ವೇನೋ. ನಮಗೆ ನಮ್ mother tongue ಕಸ್ಟ ಅಂದರೆ ಏನ್ ಅರ್ತ? ಅಮೆರಿಕದಿಂದ ಬಂದಿದೀನಿ ಅಂತ ನನ್ ಮಗನೆ ಸ್ಯಾನೆ ನಕರ ಮಾಡಬೇಡ"
"ಲೋ ಯಾಕೆ ಎಗರ್ತೀಯ. ನಂಗೆ ಸತ್ಯವಾಗಲು ಕನ್ನಡ ಕಸ್ಟ. ಅದೇನ್ ಬರೀತಾರೆ. ನಂಗೇನು ನಂಮಪ್ಪಂಗೂ ತಿಳಿಯಕ್ಕಿಲ್ಲ. ಅದಕ್ಕೆ ನಮ್ ಮನೇಲಿ ನಮ್ಮಪ್ಪನೂ ಕನ್ನಡ ಪೇಪರ್‍ ತರ್‍ಸಲ್ಲ. "

ನನಗೆ ಅವನು ಸುಮ್ನೆ ಜಾರಿಕೊಳ್ಳಕ್ಕೆ ಕನ್ನಡ ಕಸ್ಟ ಅಂದ ಅಂತ ಅನ್ನಿಸಲಿಲ್ಲ. "ಕನ್ನಡಕ್ಕಿಂತ ತುಂಬಾ ಸುಲಬ ಇಂಗ್ಲೀಸು, ಅದಕ್ಕೆ ಅದನ್ನೇ ಓದ್ತೀನಿ" ಎಂದ ಹಾಗೆ ಹೇಳಿದಂತೆ ಇತ್ತ ಅವನ ಮಾತು. ಅವನಿಗೆ ಓದೋ ಆಸಕ್ತಿ ಇದೆ . ಇದಲ್ಲದೆ ಅವನ ನಮ್ಮ ಹಳ್ಳಿಯವನೇ. ಅವರ ಮನೆಯಲ್ಲಿ ಕನ್ನಡಾನೇ ಮಾತಾಡೋದು. ಅಂದ್ರೂ ಹೆಂಗೆ ಕನ್ನಡ ಕಸ್ಟ ಓದಕ್ಕೆ?

ಈಗ ಪ್ರಶ್ನೆ, ಕನ್ನಡ ಓದಕ್ಕೆ ಅಷ್ಟೊಂದು ಕಷ್ಷವೇ? ಕನ್ನಡವನ್ನು ಮೊದಲ ಸರತಿ ಓದಲು ತೊಡಗುವವರು ಸಿಕ್ಕಾಪಟ್ಟೆ ಕಷ್ಟ ಪಡಬೇಕೇ?
ಕನ್ನಡ ಕಷ್ಟ ಎಂದೇ ಕನ್ನಡವನ್ನು ಓದುವವರು ಕಡಮೆ ಆಗ್ತಾ ಇರೋದೇ? ಅದಕ್ಕೆ ಕನ್ನಡಕ್ಕಿಂತ ಇಂಗ್ಲೀಸಾಡೋ ಕನ್ನಡಿಗರು ಜಾಸ್ತಿ ಆಗ್ತಾ ಇರೋದೇ?