ನಂನ ಕೇಳಿದ್ರೆ.....

ಇಂತ ಸಿಕ್ಕಾಪಟ್ಟೇ ದುಡ್ಡಿರೋ ಮಂದಿ, ಹಿಂಗೆ ದಾಮ್ ದೂಮ್ ಅಂತ ಮದುವೆ, ಮುಂಜಿ ಮಾಡಿ, ಚೆನ್ನಾಗಿ ಕರ್ಚು ಮಾಡಬೇಕು. ಇದರಿಂದ ಏಟೊಂದು ಮಂದಿಗೆ ದುಡಿದು ಹಣ ಮಾಡಕ್ಕೆ ಒಂದು ನೆವ ಸಿಗುತ್ದೆ.

ಇವ್ರ ದೌಲತ್ತು ತೋರಿಕೆ, ಏಟೋ ಮಂದಿಗೆ ಹೊಟ್ಟೆ, ಬಟ್ಟೆ, ಇಸ್ಕೂಲಿಗೆ ದುಡ್ಡ ಕೊಡುತ್ದೆ. ಈ ನೆವದಲ್ಲಾದ್ರು ಅವ್ರ ಹತ್ರ ಕೊಳೀತಾ ಇರೋ ರೊಕ್ಕ ಹಲವು ಬಡಬಗ್ಗರಿಗೆ ಹಂಚಿಹೋಗಲಿ.

ಇವ್ರ ಹತ್ರ ಏನು ಕಮ್ಮಿ ದುಡ್ಡೈತಾ? ಇವ್ರು ಈಟು ಹೊತ್ತು ಕೂಡಿಟ್ಟಿರೋ ಹಣ ಯಾತಕ್ಕೆ ಮತ್ತೆ? ಹೆಂಗೂ ಸರಕಾರಕ್ಕೂ ಗಳಿಕೆ-ಸುಂಕದಲ್ಲಿ ಪಂಗನಾಮ ಹಾಕ್ತಾರೆ.!!!
=====================================================

ಅಮಿತಾಭ್ ತನ್ನ ಏಕೈಕ ಪುತ್ರನ ವಿವಾಹ ಅದ್ದೂರಿಯಾಗಿ ನಡೆಸದಿದ್ದರೆ,ಅವರ ಕೋಟ್ಯಾಂತರ ರೂಪಾಯಿ ಸಂಪತ್ತು ಮತ್ಯಾಕೆ ಇರುವುದು ಎಂದು ಚಿಂತಿಸುವರೇ ನಮ್ಮಲ್ಲಿ ಅಧಿಕ. ಸಾಲ ಮಾಡಿ ಮನೆ ಕಟ್ಟಿ ಮತ್ತೆ ಗೃಹಪ್ರವೇಶಕ್ಕೆ ಸಾಲ ತೆಗೆದು ಅದ್ದೂರಿ ಮನೆ ಒಕ್ಕಲು ಮಾಡುವವರಿರುವ ನಮ್ಮ ದೇಶದ ಮಧ್ಯಮ ವರ್ಗದವರಿಗೆ ಹೋಲಿಸಿ ನೋಡಿದಾಗ ಅಮಿತಾಭ್ ಮತ್ತು ಐಶ್ವರ್ಯ ರೈ ಬಳಗದ್ದು ಸಹಜ ನಡವಳಿಕೆ ಅನಿಸುತ್ತದೆ.
ಶ್ರೀಮಂತರ ಹಣ ಸಮಾರಂಭದ ಏರ್ಪಾಡಿನಲ್ಲಿ ಇತರರ ಕೈ ಸೇರುತ್ತದಲ್ಲಾ ಎಂದು ಸಮಾಧಾನ ಹೊಂದೋಣ.