ನಾನು ಬೇಳೂರು ಸುದರ್ಶನ ಎಂಬ ಪತ್ರಕರ್ತ. ಬೆಂಗಳೂರಿನ ಕೆಲವು ಸಹಕಾರಿ ಸಂಸ್ಥೆಗಳಿಗೆ ಮಾಧ್ಯಮ ಸಲಹೆಗಾರನಾಗಿ ಕೆಲಸ ಮಾಡುತ್ತಿದ್ದೇನೆ. ಪತ್ರಿಕೋದ್ಯಮ ತರಬೇತಿಯಲ್ಲಿಯೂ ನಿರತ. ಕೆಲವು ಚೀನೀ - ಟಿಬೆಟ್‌ ಸಂಬಂಧಿ ಪುಸ್ತಕಗಳನ್ನು ಕನ್ನಡಕ್ಕೆ ಕೆಟ್ಟದಾಗಿ ಆನುವಾದಿಸಿದ್ದೇನೆ. ಕವಿ, ಕಥೆಗಾರ ಎಂದೂ ಕೆಲವರು ಹೇಳುತ್ತಾರೆ. ಎಲ್ಲಿಯೂ ನಿಲ್ಲದಿರು ಎಂಬ ಕುವೆಂಪು ಮಾತನ್ನು ಅಕ್ಷರಶಃ ಪಾಲಿಸುತ್ತಿರುವ ಕೆಲವರ ಪೈಕಿ ನಾನೂ ಒಬ್ಬ!
ನನ್ನ ಮೂಲ ಊರು ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಬೇಳೂರು.
ಈಗಷ್ಟೆ ನಾನು ಹಿಂದುಸ್ತಾನಿ ಕೊಳಲು ಕಲಿಯುತ್ತಿರುವೆ. ಸಂಗೀತದ ಸುಖವನ್ನು ಈಗ ಚೆನ್ನಾಗಿ ಅನುಭವಿಸುತ್ತಿರುವೆ.
ನಾನು ಕಳೆದ ಒಂಬತ್ತು ವರ್ಷಗಳಿಂದ ಅಂತರಜಾಲದಲ್ಲಿ ವಿಹರಿಸುತ್ತಿರುವೆ. ಹೀಗಾಗಿ ಟನ್ನುಗಟ್ಟಳೆ ಮಾಹಿತಿಯನ್ನು ಕಲೆಹಾಕಿರುವೆ. ವಿವಿಧ ತಂತ್ರಾಂಶಗಳ ಬಗ್ಗೆ ತಿಳಿದುಕೊಳ್ಳುವುದು, ವೈರಸ್‌ಗಳನ್ನು ಓಡಿಸಲು ಹೊಡೆದಾಡುವುದು ನನ್ನ ಆಸಕ್ತಿಗಳು.
ಶೇರಿಂರ್ ನಾಲೆಜ್‌ ಅಂದರೆ ಮಾಹಿತಿಯನ್ನು ಹಂಚಿಕೊಳ್ಳುವುದೇ ನನ್ನ ಬದುಕಿನ ಧ್ಯೇಯವಾಕ್ಯ. ಅಂತರಜಾಲದಲ್ಲಿ ಮಾಹಿತಿ ಉಚಿತವಾಗಿ ಸಿಗಬೇಕು ಅನ್ನೋ ಅಭಿಯಾನಿಗಳಲ್ಲಿ ನಾನೂ ಒಬ್ಬ.