ಹಪ್ಪಳ ಎಂದರೆ ಹಲಸಿನ ಹಪ್ಪಳವಯ್ಯಾ

ಉತ್ತರ ಕನ್ನಡದ ಶಿರಸಿ, ಸಿದ್ಧಾಪುರ ಮೊದಲಾದೆಡೆ ಹಲಸಿನ ಕಾಯಿ ಜೊತೆಗೆ ಹಣ್ಣಿನ ಹಪ್ಪಳವನ್ನೂ ಮಾಡುತ್ತಾರೆ. ಕಾಯಿ ಹಪ್ಪಳಕ್ಕಿಂತ ಹಣ್ಣಿನ ಹಪ್ಪಳ ನನಗೆ ಇಷ್ಟ. ಇನ್ನು ಹಲಸಿನ ಹಣ್ಣಿನ ದೋಸೆ, ಕಡಬು- ಇವೆಲ್ಲ ನಿಮಗೆ ಗೊತ್ತಿರಬಹುದು. ಯಲ್ಲಾಪುರ ಸಮೀಪದ ಕಳಚೆ ಎಂಬ ಊರಿಗೆ ಹೋದರೆ ಅಲ್ಲಿ ಹಲಸಿನ ಕಾಯಿಯ ವಿಚಿತ್ರ ಹುಳಿ (ಸಾಂಬಾರ್) ಮಾಡುತ್ತಾರೆ. ಅದಕ್ಕೆ `ಕಳಚೆ ಹುಳಿ' ಅಂತಲೇ ಹೆಸರು! ಇದೊಂಥರಾ ವಿಶಿಷ್ಟ ರುಚಿಯ ಪದಾರ್ಥ ಅಲ್ಲಿ.

ಇಷ್ಟಾಗಿಯೂ ಕುಂದಾಪುರ ಕಡೆ ಮಾಡುವ ಉದ್ದಿನ ಖಾರದ ಹಪ್ಪಳದ ರುಚಿಯ ಮುಂದೆ ಇವ್ಯಾವುವೂ ಇಲ್ಲ ಎಂಬುದು ನನ್ನ ಭಾವನೆ. ನಾವು ಚಿಕ್ಕವರಿದ್ದಾಗ ಉದ್ದಿನ ಹಪ್ಪಳಕ್ಕಂತ ಕಲಿಸಿಟ್ಟ ಹಿಟ್ಟನ್ನೇ ಉಂಡೆ ಮಾಡಿ, ಅದಕ್ಕೆ ಕೊಬ್ಬರಿ ಎಣ್ಣೆ ಸುರಿದುಕೊಂಡು..... ಆಹಾ! ಬಾಯಲ್ಲಿ ನೀರೂರುತ್ತಿದೆ!!!