ಕಿಶೋರ್ ಮತ್ತು ಮಾಯ್ಸರು ಹೇಳಿದ ಹಾಗೆ ಇದು ಜೋಡು ಪದ/ದ್ವಿರುಕ್ತಿ ಎನ್ನುವುದೇ ಸರಿ ಎನ್ನಿಸುತ್ತೆ. ಜಿ.ವೆಂಕಟಸುಬ್ಬಯ್ಯನವರ ಇಗೋ ಕನ್ನಡ ದಲ್ಲಿ ಇವುಗಳ ಬಗ್ಗೆ ಪ್ರಸ್ತಾಪಿಸಿದ್ದಾರೆ ಎಂದು ನೆನಪು.

ಎಲ್ಲಾ ದ್ರಾವಿಡ ಭಾಷೆಗಳಲ್ಲೂ ಇರಬಹುದು ಎನ್ನಿಸುತ್ತೆ. ಆದರೆ ನನಗೆ ಈ ಕ್ಷಣದಲ್ಲಿ ತಮಿಳಿನ ಒಂದೆರಡಕ್ಕಿಂತ ಹೆಚ್ಚು ಉದಾಹರಣೆಗಳು ಹೊಳೆಯುತ್ತಿಲ್ಲ.

ಈ ಪದಗಳು ಹಸಿರು + ಹಸಿರು ಎಂಬ ಜೋಡು ಪದ ಬಂದಾಗ, ಸ ಗೆ ಚ ಆದೇಶವೂ ( ತಮಿಳಲ್ಲಿ ಸ, ಚ ಭೇದವಿಲ್ಲವೆನ್ನುವುದೂ ಗಮನಿಸಬೇಕಾದ ಅಂಶ), ಮತ್ತು ವರ್ಗದ ಮೂರನೇ ಅಕ್ಷರಕ್ಕೆ ಮೊದಲ ಅಕ್ಷರ ಎರಡುಸಲ (ಒತ್ತಕ್ಶರ) ಆದೇಶವಾಗಿ ಬರುವುದರಿಂದ ಆಗುತ್ತವೆ.

ಹಸಿರು + ಹಸಿರು -> ಹಚ್ಚ ಹಸಿರು ( ಸ ಗೆ ಚ್ಚ)
ಮೊದಲು + ಮೊದಲು -> ಮೊತ್ತಮೊದಲು ( ಮೊಟ್ಟಮೊದಲು ಎಂಬುದು ತಪ್ಪು ಪ್ರಯೋಗ - ದ ಗೆ ತ್ತ)
ನಡುವೆ + ನಡುವೆ -> ನಟ್ಟನಡುವೆ ( ಡ ಗೆ ಟ್ಟ)

ಕಡೆಗೆ + ಕಡೆಗೆ -> ಕಟ್ಟಕಡೆ ( ಡ ಗೆ ಟ್ಟ)

ಹೊಸತು + ಹೊಸತು -> ಹೊಚ್ಚಹೊಸತು ( ಸ ಗೆ ಚ್ಚ)

ಹೊಚ್ಚಹೊಸತುಗೆ ತಮಿಳಿನ ರೂಪ ಪುದುಸು + ಪುದುಸು -> ಪುತ್ತಂಪುದುಸು (ದ ಗೆ ತ್ತ)
* ಇಲ್ಲಿಯೂ ಕನ್ನಡದ್ದೇ ನಿಯಮ ಉಪಯೋಗವಾಗಿರುವುದನ್ನು ಹಮನಿಸಬಹುದು.

ನಟ್ಟನಡುವಿಲೆ ಎಂಬ ಪ್ರಯೋಗವನ್ನೂ ತಮಿಳಿನಲ್ಲಿ ಕೇಳಿದ್ದೇನೆ. ಆದರೆ, ಮುತ್ತಮುದಲ್, ಕಟ್ಟಕಡೈಸಿ ಇತ್ಯಾದಿ (ಕನ್ನಡಕ್ಕೆ ಸಮಾಂತರವಾದ) ಪದಗಳನ್ನು ನಾನು ಕೇಳಿಲ್ಲ. ತಮಿಳು ಚೆನ್ನಾಗಿ ಬರುವವರಿದ್ದರೆ ಬರೆಯಿರಿ.

-ಹಂಸಾನಂದಿ

ಇವುಗಳು ದ್ವಿರುಕ್ತಿಗಳಲ್ಲ

ದ್ವಿರುಕ್ತಿಗಳಲ್ಲಿ ಉದಾ: ಪೆಟ್ಟಿಗೆಯಲ್ಲಿ "ಝಣಝಣ" ಹಣದ ಸದ್ದು ಕೇಳಿಸಿತು.
ಶಾಲೆಯಲ್ಲಿ "ಗಣಗಣ" ಗಂಟೆ ಬಾರಿಸಿತು.
ಮಳೆಯು "ಪಟಪಟ"ನೆ ಬಂತು
ಒಗ್ಗರಣೆ 'ಚಟಚಟ' ನೆ ಸದ್ದು ಮಾಡಿತು

' ಮಾಯ್ಸ' ಹೇಳಿದ ಹಾಗೆ ಇವು ಗುಣವಾಚಕಗಳಲ್ಲ ಏಕೆಂದರೆ ಹಚ್ಚ, ಹೊಚ್ಚ ಇವುಗಳಿಗೆ independent ಅರ್ಥಗಳಿಲ್ಲ.