ಗುರುಗಳೇ, 'ಎಸರು' ಪದವನ್ನು ಅದೆಲ್ಲಿ ಹಿಡಕೊಂಡು ಬಂದಿದಿರೋ ಗೊತ್ತಿಲ್ಲಾ, 'ನೀರು' ಪದ ಕನ್ನಡ ಮತ್ತು ಅದರ ಒಡನಾಡಿ ನುಡಿಗಳಾದ ತೆಲುಗು,ತಮಿಳು ... ಗಳಲ್ಲಿ ಮೊದಲಿಂದಲೂ ಇದೆ. ನೀವು ಹೇಳುವ 'ನೀರಜ' ಒರೆ, ಒಂದು ಬೆರಕೆ ಒರೆ. 'ಮೀನಾಕ್ಷಿ' ಒರೆಯನ್ನೇ ತಗೊಳ್ಳಿ, ಇಲ್ಲಿ 'ಮೀನು'-ಕನ್ನಡ ಅಕ್ಷಿ - ಸಕ್ಕದ. ಹೀಗೆ ಕನ್ನಡ(+ಬೇರೆ)ದ ಹಲವು ಒರೆಗಳು ಸಕ್ಕದಕ್ಕೆ ಹೋಗಿವೆ. ಕೆಲ ದಿನಗಳ ಹಿಂದೆ 'ಬಳ್ಳಿ' ಸಕ್ಕದ ಒರೆ ಅಂತ ಜಗಳ ನಡೆದಿತ್ತು.

ಬೆಂದ+ಕಾಳೂರು=ಬೆಂಗಳೂರು, ಇತ್ತೀಚೆಗೆ bangalored ಎಂಬ verb ಇಂಗ್ಲೀಸ್ ಒರೆಗಂಟಲ್ಲಿ ಸೇರಿದೆ. ಎತ್ತಣ ಮಾಮರ, ಎತ್ತಣ ಕೋಗಿಲೆ ಎಂಬಂತೆ 'ಬೆಂಗಳೂರು' ಎಂಬ ಅಚ್ಚಕನ್ನಡ ಒರೆ ದೂರದ ಅಮೆರಿಕೆಯಲ್ಲಿ ಹೊಸ ಪದವೊಂದನ್ನು ಹುಟ್ಟಿಸಿದೆ.

ಹೀಗೆ ಕನ್ನಡದಿಂದ ಹಿಂದೆ ಎಸ್ಟೋ ಪದಗಳು ಹೋಗಿವೆ.

"...."ವಸಿ ತಿಳ್ಕಂಡ ಬರೀರ" ಇದು ನಮ್ಮಲ್ಲೇ ಒಬ್ಬರು ಬರೆದ ವಾಕ್ಯ ಇದರಲ್ಲಿ ಯಾವ ಶಬ್ದವೂ ಸರಿಯಾದ ಕನ್ನಡದಲ್ಲಿಲ್ಲ...."

ವಸಿ ತಿಳ್ಕಂಡ ಬರೀರಿ...ಇದರಲ್ಲಿ ಯಾವ ಒರೆ ಯಾಕೆ ಸರಿಯಾದ ಕನ್ನಡ ಒರೆಗಳಲ್ಲ ತಿಳಿಸುವ "ಕೃಪೆ" ಮಾಡುವಿರಾ ?

ವಸಿ = ಒಸಿ = ಸೊಲ್ಪ = ಸ್ವಲ್ಪ
ತಿಳ್ಕಂಡ = ತಿಳಿದು+ಕೊಂಡು
ಬರೀರಿ = ಬರೆ + ಇರಿ = ಬರೆಯಿರಿ
ಎಲ್ಲ ಕನ್ನಡ ಒರೆಗಳಿವೆಯಲ್ಲವೆ ?

ನನಗೆ ಹೇಳುವ ನೀವು ಇನ್ನು ನೀವು ಹೇಗೆ ಕನ್ನಡ ಪದಗಳನ್ನ ಉಳಿಸ್ತೀರ ನೋಡೋಣ

ಶಬ್ದ, ಉತ್ಪತ್ತಿ, ಧಾತು, ದ್ವೇಶಿ, ಭಾಷೆ, ಅಲ್ಪ, ಸಾಮ್ಯತೆ, ವ್ಯತ್ಯಾಸ, ಪ್ರಚಲಿತ - ೯ ಸಂಸ್ಕ್ರುತ(ಸಕ್ಕದ) ಪದಗಳು...ನೀವು ಬಳಸಿರೋದು.

ಈಗ ಹೇಳಿ ಯಾರು ಸರಿಯಾದ ಕನ್ನಡ ಬಳಸ್ತಿರೋದು... ??

ಭಾರತೀಯ ಭಾಷೆಗಳು ಬೆಳೆದಿವೆ, ಹಾಗಾಗಿ ಸಂಸ್ಕೃತದ ಪ್ರಾಕೃತದಿಂದಾಗಿ ಎಲ್ಲ ಭಾರತೀಯ ಭಾಷೆಗಳು ಹುಟ್ಟಿದವು.

. ಎಲ್ಲಿ ಕಲಿತೆಯಪ್ಪ ಇದನ್ನ? ಪಾಪಾ ತಪ್ಪುತಪ್ಪು ಕಲಿತು ಬಿಟ್ಟಿದ್ದೀಯಣ್ಣ. ಸಂಸ್ಕೃತದ ಎಲ್ಲಿಂದ ಬಂತು ಇದೇ ಎಳೆಯಲ್ಲಿ ಬಂದಿದೆ, ತುಸು ತಾಳ್ಮೆಯಿಂದ ಇಡೀ ಎಳೆ ಓದಿಕೊಳ್ಳರಿ.

ಮೊದಲು ಕೆಲವು ಹೊಮ್ ವರ್ಕ್ ಮಾಡುಬೇಕು ನೀವು.

೧) ದ್ರಾವಿಡ ನುಡಿಕೂಟ, http://ccat.sas.upenn.edu/~haroldfs/sars238/shortencybrit.html ಅಂದರೇನು.
೨) ಇಂಡೋ-ಯುರೋಪಿಯನ್ ನುಡಿಕೂಟ ಅಂದರೇನು? ಇದನ್ನು ಹುಡಕಿ ಅಣ್ಣ, ಸಿಗುತ್ತದೆ.
೩) ಕನ್ನಡ, ತಮಿಳು, ತೆಲುಗು, ಮುಂತಾದವು ಹೇಗೆ ಸಂಸ್ಕೃತ, ಪಾಕೃತದಿಂದ ಬಂದಿಲ್ಲ ಅಂತ ತಿಳಿಯಬೇಕು. ಇದನ್ನು ಇಂಟರ್‍ ನೆಟ್ಟಲ್ಲಿ ಹುಡುಕಿ ಸಿಗುವುದು.

ಇದನ್ನೆಲ್ಲ ಓದಿಕೊಂಡು ಆಮೇಲೆ ಬನ್ನಿ ಮಾತಾಡೋಣ.!!

ಮತ್ತೊಂದು ಸಲಹೆ, ಬರೆದುದನ್ನು ಏನು ಎಂದು ಓದಿ, ಅರಿತು ಆಮೇಲೆ ಅದಕ್ಕೆ ಮರುನುಡಿಯಿರಿ. ಸುಮ್ನೆ ೩೦% ಇಂಗ್ಲೀಸು, ೩೦% ಸಕ್ಕದ ಲೆಕ್ಕಕ್ಕೆ ಗಮನಕೊಟ್ಟು, ಬರೆದಿರುವ ಸಂಗತಿ ಬಿಟ್ಟುಬಿಟ್ಟರೆ, ನಿಮಗೆ ನಮ್ಮೆ ಮಾತಿನ ತಲೆಬುಡ ತಿಳಿಯಕ್ಕಿಲ್ಲ.