ಮುರಳಿ ಅವರೆ ನೋಡಿದ್ರ!
ಅಶೋಕರ ಮಾತಿಗೆ ನನ್ನ ಒಡದನಿ ಇದೆ.

ನನಗೆ "ಪ್ರತಾಪ ಸಿಂಹ" ಬರಹ ಹಿಡಿಸಲ್ಲ ( ಗಮನಿಸಿ, ಅವರು ಚನ್ನಾಗಿ ಬರೆಯುವುದಿಲ್ಲ ಎಂದು ನಾನು ಹೇಳಲಿಲ್ಲ! ) . ಅದಕ್ಕೆ ನಾನು ಓದುವುದು ಬಿಟ್ಟುಬಿಟ್ಟಿದ್ದೇನೆ. ವಿಕದಲ್ಲಿ ಅವರಂತೆ ಬರೆಯೋರು ಬಹಳ ಇದ್ದಾರೆ.

ನನಗೆ ಕನ್ನಡ ಓದಲು ಹುರುಪು, ಹುಚ್ಚು. ಆದರೆ ಈ ಪೇಪರುಗಳಲ್ಲಿ, ಅದರಲ್ಲೂ ವಿಕದಲ್ಲಿ ಬರೀ ಕಿತ್ತಾಟ ಅನ್ನಿಸತ್ತೆ. ಇದರಿಂದಲೇ ಇರಬೇಕು ನಾನು ಹಳೆಗನ್ನಡ ಹಿಡಿದಿರುವುದು, ಯಾವ ಜಂಜಡವಿಲ್ಲ.!

ನಾನು ಈ ಎಲ್ಲ ಪ್ರತಾಪ ಸಿಂಹ, ಬೈರಪ್ಪ-ಕಾರ್ನಡ, ಬೈರಪ್ಪ-ಅಮೂ, ಮುಂತಾದ ಸಂಗತಿಗಳಿಂದ ಕಲಿತದ್ದು.

೧) ತೀಯಾಟದ ಬರಹ, ಕಚ್ಚಾಟದ ಬರಹ, ಅದು ಎಷ್ಟೇ ದಿಟವನ್ನು ಮರೆಸುವಂತದಾಗಿರಲಿ, ಅದನ್ನು ಓದಿದರೂ, ಮೆಚ್ಚಿದರೂ, ಅದನ್ನು ಹರಡಬಾರದು.
೨) ಇಂತ ತೀಯಾಟದ ನಡುವೆ ನಾವು ಸಿಲುಕಿಕೊಳ್ಳಬಾರದು. ಅಂದರೆ ಕಚ್ಚಾಟ ಮಾಡಲೆಂದೇ ಬರೆದರೂ, ಅವರನ್ನು ಎದುರಿಸಬಾರದು. ಏಕೆಂದರೆ ಅಂತಹವರು ತಾಳ್ಮೆ, ಕನಿಕರ, ಇವಕ್ಕೆ ಎಡೆಕೊಡದೆ, ಬರೀ ರೊಚ್ಚು, ಕೆಚ್ಚು ತುಂಬಿಕೊಂಡಿರುತ್ತಾರೆ ಹಾಗು ಅದನ್ನೇ ಸರಿ ಎಂದು ಹಟ ಮಾಡುತ್ತಾರೆ.
೩) ನಾವು ಒಬ್ಬ ಬರಹಗಾರ, ಕೂಟುಗಾರ( ನಟ ), ಹಾಡುಗಾರ ಇಂತವರನ್ನು ಎಷ್ಟು ಮೆಚ್ಚಿಕೊಂಡಿದ್ದರೂ, ಅವರ ಪಟ್ಟಶಿಷ್ಟರಂತೆ, ಬೆಂಬಲಕ್ಕೆ ನಿಲ್ಲಬಾರದು. ಯಾವ ನರನೂ ಕೊಂಚ "ಸ್ವಾರ್ಥ/ತನ್ಗಿಟ್ಟು" ಇಲ್ಲದೇ ಏನೂ ಮಾಡನು. ಹೀಗೆ ಬೆಂಬಲಿಸಿಕೊಂಡು ಹೋಗುವುದು ಒಂದು ಬಗೆ ಮನೋದಾಸ್ಯ/ಮನದೂಳ್ತನ. ಇಂತವನು ಹೇಳಿದ ಅದಕ್ಕೆ ಅದು ದಿಟ.

ಇಂತಹ ಪಾಡಿಗೆ ನಾವು ಗೊತ್ತಿಲ್ಲದೇ, ಬಿದ್ದು ಬಿಡುತ್ತೇವೆ. Insecurity!! ನಾನು ಬಿದ್ದುಬಿಟ್ಟಿರಬಹುದು( ನಮಗೆ ಅದು ಗೊತ್ತಿರುವುದಿಲ್ಲ )

ನಮ್ಮ ದೊಡ್ಡಬಾರತದ ನಡಾವಳಿಯಂತೆ ಎಲ್ಲಿಯವರೆಗೂ "ಆಳ್ತುೞಿಲು", "ಆಳ್ವಿಂಚರಿಕೆ", "ಆಳ್ವಳಿ" ಇವನ್ನು ಬಿಟ್ಟು "ಸಂಗತಿಯ ತುಱಿಲ್", "ಸಂಗತಿ ಹಿಂಚರಿಕೆ", "ಸಂಗತಿ ಹಳಿ" ಬರುವುದಿಲ್ಲವೋ, ಅಲ್ಲಿಯವರೆಗೂ ಹೀಗೆ

[ನಮ್ಮ ಮಹಾಭಾರತೀಯ ಸಂಪ್ರದಾಯದಂತೆ ಎಲ್ಲಿಯವರೆಗೂ "ವ್ಯಕ್ತಿಪೂಜೆ/Idol worship", "ವ್ಯಕ್ತಿ ಅನುಪಾಲನೆ", "ವ್ಯಕ್ತಿ ನಿಂದನೆ" ಇವನ್ನು ಬಿಟ್ಟು "ವಿಚಾರದ ಪೂಜೆ", "ವಿಚಾರದ ಅನುಪಾಲನೆ", "ವಿಚಾರ ನಿಂದನೆ" ಬರುವುದಿಲ್ಲವೋ, ಅಲ್ಲಿಯವರೆಗೂ ಹೀಗೆ.]

ಮುರಳಿ, ನೀವು ಒಬ್ಬಗೆ ಬಲು ಗಟ್ಟಿಯಾಗಿ ಬೆಂಬಲ/ಬೆನ್ನಿಲುವು ಮಾಡುವಿರಿ ಅಲ್ವಾ!! , ನಾನು ಮಾಡ್ತೀನಿ. ಇದೇ ನಮ್ಮ ಅಸ/weakness.

ಎಲ್ಲೋ ಮಸೀದಿಯ ಮೇಲೆ ಪಾಕಿಸ್ಥಾನದ ದ್ವಜ ಹಾರಿಸಿದರು ಎಂದು ಎಷ್ಟು ಸುಲಭವಾಗಿ ಬರೆಯಲು ಸಾಧ್ಯವಾಗುತ್ತದೆ ನೋಡಿ. ಎಲ್ಲಿ ಹಾರಿಸಿದ್ದರು ಎಂಬುದನ್ನೊಮ್ಮೆ ಕೇಳಬೇಕು ಎಂದು ನಿಮಗನ್ನಿಸುವುದಿಲ್ಲ. ಉಡುಪಿಯಲ್ಲಿ ನಡೆದ ಒಂದು ಮೆರವಣಿಗೆಯಲ್ಲಿ ಯಾರೋ ಪಾಕಿಸ್ಥಾನದ ಬಾವುಟ ಹಿಡಿದಿದ್ದರೆಂದು 'ಉದಯವಾಣಿ' ಪತ್ರಿಕೆ ಬರೆದಿತ್ತು. ಅದು ಭಾರತದ ಬಹುತೇಕ ದರ್ಗಾಗಳಲ್ಲಿ ಕಾಣಿಸುವ ಹಸಿರು ಬಾವುಟ. ಅದರ ಚಿತ್ರವೂ ಪ್ರಕಟವಾಗಿದ್ದರಿಂದ ಬುದ್ಧಿ ಇರುವವರಿಗೆಲ್ಲಾ ಅದು ಅರ್ಥವಾಯಿತು. ಪರಿಣಾಮವಾಗಿ ಮರುದಿನ ಪತ್ರಿಕೆ ಕ್ಷಮೆ ಕೇಳಿತು. ಮಸೀದಿಯ ಮೇಲೆ ಹಾರುತ್ತಿದ್ದ ಪಾಕಿಸ್ತಾನ ದ್ವಜವನ್ನು ಯಾರು ನೋಡಿದ್ದು. ಆ ವರದಿ ಎಲ್ಲಿ ಪ್ರಕಟವಾಗಿತ್ತು ಎಂಬುದನ್ನೂ ತಾವು ತಿಳಿಸಿದರೆ ಒಳ್ಳೆಯದಿತ್ತು.

ಇನ್ನು ದೇಶದ್ರೋಹದ ಪ್ರಶ್ನೆ. ಈ ದೇಶಕ್ಕೆ ದ್ರೋಹ ಬಗೆದವರು ಯಾರು ಹೆಚ್ಚು ಎಂಬುದರ ಬಗ್ಗೆ ಯಾರೂ ಹೇಳಬೇಕಾಗಿಲ್ಲ. ನಮ್ಮ ಆಡಳಿತ ವ್ಯವಸ್ಥೆಯಲ್ಲಿ ಶೇಕಡಾ 90ಕ್ಕಿಂತಲೂ ಹೆಚ್ಚು ಸಂಖ್ಯೆಯಲ್ಲಿ ಇರುವವರು ಯಾರು? ಲಂಚ ತಿಂದು, ವಿದೇಶೀ ವ್ಯಾಪಾರಿಗಳನ್ನು ಸ್ವಾಗತಿಸುತ್ತಿರುವವರು ಯಾರು? ಇವೆಲ್ಲವೂ ದೇಶ್ರದ್ರೋಹದ ಪರಿಧಿಯೊಳಗೆ ಬರುವುದಿಲ್ಲವೇ?

ಅದೆಲ್ಲಾ ಬಿಡಿ. ನಾವೆಲ್ಲಾ ಹಿಂದೂ, ನಾವೆಲ್ಲಾ ಒಂದು ಎನ್ನುತ್ತಲೇ ದಲಿತರನ್ನು ಮನೆಯ ಹೊರಗೇ ಇಡುತ್ತಿರುವ ದೇಶ ನಮ್ಮದು. ಅವರಿಗೆ ಮೀಸಲಾತಿ ದೊರೆತರೆ ಅದು ಪ್ರತಿಭೆಗೆ ಆದ ಅನ್ಯಾಯ ಎಂದು ಗೊಣಗುವ ಮಹಾ ಪ್ರತಿಭೆಗಳು ಕಳೆದ ಅರವತ್ತು ವರ್ಷಗಳಲ್ಲಿ ಕಡಿದು ಕಟ್ಟೆ ಹಾಕಿದ್ದು ಏನು?

ರಮೇಶ್ ಸಮಗಾರ