ಶ್ಚುತ್ವ ಸಂಧಿ ಅಂತಾನೂ ಇದೆಯೇ!
ಕಾರಂತರು "ಏರಿಳಿಗೆ" ಶಬ್ದ ಅನುಮೋದಿಸಿದ ಹಾಗೆ ಕನಸು ಬಿತ್ತು.
*ಅಶೋಕ್

ಚಲತ್+ ಸೋಪಾನಮ್ ಇದು ಚಲತ್ಸೋಪಾನಮ್ ಎಂದಾಗಬಹುದೇ ವಿನಃ ಚಲಚ್ಚೋಪನಮ್/ಚಲಚ್ಚೋಪಾನಮ್ ಆಗಲು ಸಾಧ್ಯವಿಲ್ಲ. ಚಲಚ್ಚಿತ್ರಮ್ ಅನ್ನುವುದು ಶ್ಚುತ್ವ ಸಂಧಿ. "ಸ್ತೋ: ಶ್ಚುನಾ ಶ್ಚು:" ಎಂಬ ಸೂತ್ರದ ಪ್ರಕಾರ ಸಕಾರ ಮತ್ತು ತವರ್ಗದ ಅಕ್ಷರಗಳಿಗೆ ಶ ಮತ್ತು ಚವರ್ಗ ಅಕ್ಷರಗಳು ಪರವಾದಾಗ ಶ/ಚವರ್ಗಗಳೇ ಆದೇಶವಾಗುತ್ತವೆ. ಚಲತ್+ಸೋಪಾನಂ ಇಲ್ಲಿ ಅಂಥ ಪ್ರಕ್ರಿಯೆ ಬಂದಿಲ್ಲ. ಆದ್ದರಿಂದ ನೀವು ಹೇಳಿದ ರೂಪ ಆಗಲಾರದು. [ಇಷ್ಟು ಉದ್ದ ಬರೆದದ್ದನ್ನು ನೀವು ’ಪಾಂಡಿತ್ಯ ಪ್ರದರ್ಶನ’ ಎಂದುಕೊಳ್ಳಲಾರಿರಿ ಎಂದುಕೊಂಡಿದ್ದೇನೆ

ಅಹುದುಹದು. ನಿಮ್ಮ ಮಾತು ದಿಟವೋ ದಿಟ.

ಇಲ್ಲಿ ಸಂಧಿ ಬಿಡಸಲು ಯಾರು ನೆರವಿಗೆ ಇರಲಿಲ್ಲ. ನೀವು ಬಂದಿರಿ.
ನಂಗೆ ಶ್ಚುತ್ವ, ಷ್ಚುತ್ವ, ಜಸ್ತ್ವ ಇವೆಲ್ಲ ಮರೆತು ಹೋದಂತೆ ಇದೆ.

"ಚಲತ್ಸೋಪಾನಂ" ಸರಿಯೋ ಸರಿ. ನನಗೆ ಏರಿಳಿಗೆ ಹಿಡಿಸಿದೆ!

ಇನ್ನು "ಪಾಂಡಿತ್ಯ ಪ್ರದರ್ಶನ" ಇದನ್ನು ಮಾಡಬೇಕು ಸಾರ್‍ ...

ಕೊಳಂಬೆ ಪುಟ್ಟಣ್ಣಗೌಡರು ಅವರು "ತಿಳಿಗನ್ನಡಿ ನುಡಿವಣಿಗಳು"ಅಲ್ಲಿ ಹೀಗೆ ಹೇಳಿದ್ದಾರೆ.

ಬಳಗದಿಂ ಮುಸುಕಿರ್ಪ ತಿಳಿದವನಾದೊಡೇಂ
ಮನೆಯೊಳಗವನೊಂದು ಬೀಸುಕಲ್ಲಂತೆ|
ತಿಳಿದು ತಿದ್ದಿರ್ಪವಂಗೆಲ್ಲಿಯುಂ ಬೆಲೆಯಂತೆ
ಕಡಲಿಂದ ಮೇಲೆದ್ದ ಬಲೆವಣಿಯಂತೆ ||

ಬಳಗದಿಂ(ದ) ಮುಸಕಿ ಇರ್ಪ ತಿಳಿದವನು ಆದೊಡೆ ಏನ್? ಮನೆಯೊಳಗೆ ಅವನು ಒಂದು ಬೀಸುಕಟ್ಟಂತೆ. ತಿಳಿದು ತಿದ್ದಿ ಇರ್ಪಂಗೆ ಎಲ್ಲಿಯುಂ ಬೆಲೆಯಂತೆ. ಕಡಲಿಂದ ಮೇಲೆದ್ದ ಬಲೆವಣಿಯಂತೆ.

ತಿಳಿದುಕೊಂಡು ಬಳಗದವರನ್ನು ತಿದ್ದದೇ ಇರುವವನು, ಮನೆಯುಲ್ಲಿ ಇರುವ ಬೀಸುಕಲ್ಲಂತೆ. ಆದರೆ ತಿಳಿದು ತಿದ್ದುವವನಿಗೆ ಎಲ್ಲೆಡೆ ಬಲೆಯಿದೆ. ಅವನು ಕಡಲಿಂದ ಮೇಲೆ ಬಂದ ಬಲೆಯುಳ್ಳ ಮಣಿಯಂತೆ.

ಹೀಗೆ ನೀವು ಬೆಲೆವಣಿಯಂತೆ. ನನ್ನನ್ನು ತಿದ್ದಿದ್ದಕ್ಕೆ ಬಹಳ ನನ್ನಿ!!
-ಮಾಯ್ಸ