ಗೂಗಲ್ ಸರ್ಚ್ ಈಗ ಸಂಪೂರ್ಣ ಕನ್ನಡದಲ್ಲಿ ಲಭ್ಯ
September 20, 2005 - 3:31pm — hpn
ಗೂಗಲ್ ನ ಸರ್ಚ್ ಸೌಲಭ್ಯ ಈಗ ಸಂಪೂರ್ಣ ಕನ್ನಡ ಇಂತರ್ಫೇಸಿನಲ್ಲಿ (ಸಂಪೂರ್ಣ ಕನ್ನಡ ಮಾಧ್ಯಮದಲ್ಲಿ) ಲಭ್ಯ.
ಕೆಳಗಿನ ಸ್ಕ್ರೀನ್ ಶಾಟ್ ನೋಡಿ:
ನಿಮ್ಮ ಬ್ರೌಸರಿನಲ್ಲಿಯೂ ಗೂಗಲ್ ಕನ್ನಡದಲ್ಲೇ ಬರುವಂತೆ ಮಾಡಬೇಕೆನಿಸಿದರೆ ಗೂಗಲ್ ಸರ್ಚಿನ "preferences" ಲಿಂಕ್ ಮೇಲೆ ಕ್ಲಿಕ್ಕಿಸಿ "Ineterface language" ನಲ್ಲಿ ಕನ್ನಡವನ್ನು ಆಯ್ಕೆ ಮಾಡಿಕೊಳ್ಳಿ.
***
ಇದನ್ನು ಸಾಕಾರಗೊಳಿಸಿದ ಕೀರ್ತಿಯೂ ಹಲವು ಕನ್ನಡಾಭಿಮಾನಿ ಕನ್ನಡಿಗರದೆ!
ಜನವರಿ - ಫೆಬ್ರುವರಿ ಸಮಯದಲ್ಲಿ ನಾನೂ ಒಂದಷ್ಟು ಅನುವಾದಗಳನ್ನು ಗೂಗಲಿನ ಅನುವಾದ ಮಾಡುವ ಇಂಟರ್ಫೇಸಿಗೆ ಸೇರಿಸಿದ್ದೆ. ಆಗ ಇಷ್ಟು ಅನುವಾದಗಳು ಆಗಿರಲಿಲ್ಲ. ಅನುವಾದ ಮಾಡಿದವರ ಪೈಕಿ ಸಂಪದದಲ್ಲಿರುವವರು ಯಾರು ಯಾರು? 
ಇದರ ಕುರಿತ ಸಂಪರ್ಕಗಳು
1) ಕನ್ನಡ ಅನುವಾದಗಳಿಗಾಗಿ ಗೂಗಲ್ ಗ್ರೂಪ್ಸ್ ನಲ್ಲಿ ನಡೆದ ಮಾತುಕತೆ
2) ಅನುವಾದ ಮಾಡುವ ಇಂಟರ್ಫೇಸ್
- Login or register to post comments
- 1682 hits
- Email this forum
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS: 
ಗೂಗಲ್ ಸರ್ಚ್
ಗೂಗಲ್ ಕನ್ನಡ ಬಹಳಷ್ಟು ಉತ್ತಮಗೊಂಡಿದೆ. ಹಾಗೇ ಸಾಕಷ್ಟು ತಿದ್ದುವಿಕೆಯೂ...ಹಿಂದೆ ಆಯ್ಕೆಗಳು ಎಂದು Preferences ಅನುವಾದಿಸಿದ್ದೂ ಈಗ ಸಮುಚಿತಗಳು ಎಂದಾಗಿದೆ. ಅನವಶ್ಯಕವಾಗಿ ಸಂಸ್ಕೃತ ಪದಗಳನ್ನು ಎಳೆದು ತರುವುದರ ಬಗ್ಗೆ ನನ್ನ ವಿರೋಧವಿದೆ.
ಸಂಸ್ಕೃತ ಪದಗಳ ಬಳಕೆ
ಅನವಶ್ಯಕವಾಗಿ ಸಂಸ್ಕೃತ ಪದಗಳ ಬಳಕೆಯನ್ನು ನಾನೂ ವಿರೋಧಿಸುತ್ತೇನೆ. ಕೆಲವೊಮ್ಮೆ ಆಂಗ್ಲದಲ್ಲೇ ಉಳಿಸಿದರೂ ಪರವಾಗಿಲ್ಲ, ಅರ್ಥವಾಗದ ಯಾವುದೋ ಶಬ್ದಕ್ಕೆ ಅನುವಾದ ಮಾಡಿಬಿಟ್ಟರೆ ಅದನ್ನುಪಯೋಗಿಸುವವರಿಗೆ ಕಷ್ಟ.
--
"ಹೊಸ ಚಿಗುರು, ಹಳೆ ಬೇರು"
ಒಂದು ಉದಾಹರಣೆ
ಇಲ್ಲೊಂದು ಉದಾ. ನೋಡಿ : ಸ್ವಕೀಯತೆ ಕಾರ್ಯನೀತಿ ಎಂದು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಇದರ ಅರ್ಥವೇನೆಂದು ತಲೆ ಕೆರೆದುಕೊಳ್ಳುತ್ತಿದ್ದೇನೆ. ಇನ್ನೂ ಹೊಳೆದಿಲ್ಲ. ಸಾಮಾನ್ಯವಾಗಿ ಅತಿ ಜನಪ್ರಿಯ ಇಂಗ್ಲಿಷ್ ಬಳಕೆಗಳನ್ನು ನಾನು ಹಾಗೆಯೇ ಉಳಿಸಿಬಿಡುತ್ತೇನೆ.
ಎಲ್ಲಾ ಓ.ಕೆ. ಆದರೆ ಗೂಗ್ಲ್ ನಲ್ಲಿ "ಕನ್ನಡ" ಇಲ್ಲ ಯಾಕೆ?
Google.co.in ದೊರೆಯುವ ಭಾಷೆಗಳು: English हिन्दी বাংলা తెలుగు मराठी தமிழ்
ಭಾರತೀಯ ಗೂಗ್ಲ್ ತೆರೆದಾಗ (ಕನ್ನಡ ಅಥವಾ ಆಂಗ್ಲ ಭಾಷೆಯ) ಅಲ್ಲಿ ನಿಮಗೆ ಮೇಲಿನಂತೆ ಒಕ್ಕಣೆ ಸಿಗುತ್ತದೆ, ಕನ್ನಡದಲ್ಲಿಯೂ ಗೂಗಲ್ ಇದೆ ಎಂದು ಮುಖಪುಟದಲ್ಲಿ ತೋರಿಸುವುದೇ ಇಲ್ಲ. ಇಷ್ಟು ದೊಡ್ಡ ಸಿಲಿಕಾನ್ ಸಿಟಿ ಎಂಬ ಪ್ರಸಿದ್ಧಿ ಪಡೆದ ನಗರದ ಭಾಷೆಯಾದ ಕನ್ನಡಕ್ಕೆ ಅಲ್ಲಿ ಸ್ಥಾನವಿಲ್ಲವೇ?? ಮರಾಠಿ ಹಾಗೂ ಹಿಂದೀ ಎರಡೂ ಭಾಷೆಗಳು ದೇವನಾಗರಿ ಲಿಪಿಯಲ್ಲಿದ್ದರೂ ಅವೆರಡೂ ಆ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿವೆ.. ನಾವೇಕೆ ಈ ನಿಟ್ಟಿನಲ್ಲಿ ಚಳವಳಿ ಮಾಡಬಾರದು?
ಉತ್ತರ
ಸ್ವಾಮಿ,
ಮೊದಲೇ ಹೇಳಿದಂತೆ, ಮುಖಪುಟದಲ್ಲಿರುವ ಭಾಷೆಗಳು ಅದನ್ನು ಉಪಯೋಗಿಸುವವರ ಸಂಖ್ಯೆಯ ಮೇಲೆ ಆಧರಿಸಿದೆ. ಎಲ್ಲಾ ಕನ್ನಡಿಗರೂ ಗೂಗಲ್ ನ ಕನ್ನಡ ಅವತರಣಿಕೆಯನ್ನೇ ಉಪಯೋಗಿಸಿದರೆ, ಖಂಡಿತ ಕನ್ನಡ ಮುಖಪುಟದಲ್ಲಿ ಬರುತ್ತದೆ.
ಮರಾಠಿ ಮತ್ತು ಹಿಂದಿಗಳಿಗೆ ಲಿಪಿ ಒಂದೆಯಾದರೂ, ಬೇರೆ ಬೇರೆ ಭಾಷೆಗಳಲ್ಲವೇ?
ಹೌದು
ಹೌದು, ವಿನಯ್ ಹೇಳಿದಂತೆ ಹೆಚ್ಚು ಜನ ಗೂಗಲ್ ಕನ್ನಡ ಉಪಯೋಗಿಸಿದರೆ ತಂತಾನೆ ಕನ್ನಡ ಮುಖ್ಯಪುಟದಲ್ಲಿ ಮೂಡುವುದು. ಗೂಗಲ್ ನವರಿಗೆ ಯಾವುದೇ ಭಾಷೆಯ ಮೇಲೆ ಹೆಚ್ಚು ಅಥವಾ ಕಡಿಮೆ ಪ್ರಾಧಾನ್ಯತೆ ಎಂಬುದು ಇಲ್ಲ.
--
"ಹೊಸ ಚಿಗುರು, ಹಳೆ ಬೇರು"
ಅದು ಹಾಗಲ್ಲ
ಗೂಗಲ್ ಇಂಡಿಯಾ ಮುಖ್ಯಪುಟದಲ್ಲಿ ಸ್ಥಾನ ಪಡೆದಿರುವ ಭಾಷೆಗಳು ಅಲ್ಲಿರುವುದಕ್ಕೆ ಕಾರಣ 1991ರ ಜನಗಣತಿಯಂತೆ ಭಾರತದಲ್ಲಿ ಜನರು ಹೆಚ್ಚಾಗಿ ಮಾತೃಭಾಷೆಯನ್ನಾಗಿ ಬಳಸುವ ಭಾಷೆಗಳು ಈ ಕ್ರಮದಲ್ಲಿವೆ.
ಅಂದ್ರೆ :
ಹಿಂದಿ
ಬಂಗಾಳಿ
ತೆಲುಗು
ಮರಾಠಿ
ತಮಿಳು
ಗುಜರಾತಿ
ಕನ್ನಡ
ಮಲಯಾಳ
ಒರಿಯಾ....
ಹೀಗಾಗಿ ಮೊದಲ ಐದು ಸ್ಥಾನಗಳಲ್ಲಿರುವ ಭಾಷೆಗಳಿಗೆ ಮಾತ್ರವೇ ಲಿಂಕ್ ಒದಗಿಸಿದ್ದಾರೆ.
2001 ರ ಜನಗಣತಿಯ ಭಾಷೆಗೆ ಸಂಬಂಧಿಸಿದ ಅಂಕಿಅಂಶಗಳು ಇನ್ನೂ ಲಭ್ಯವಾಗಿಲ್ಲ.
ಆದರೆ
ಆದರೆ, ಯಾವುದನ್ನಾದರೂ ಅನುವಾದ ಮಾಡುವಾಗ, ಮೊದಲು ಬಂಗಾಳಿ, ತಮಿಳು, ತೆಲುಗು, ಮಲಯಾಳ, ಮರಾಠಿ... ಕನ್ನಡ ಯಾವಾಗಲೂ ನಂತರವೇ ಇರುತ್ತದೆ. ಅದು ಏಕೆ?
ಹೀಗೆ ಎಲ್ಲಿದೆ
ನೀವಿದನ್ನು ಎಲ್ಲಿ ಗಮನಿಸಿದ್ದೀರಿ? ನನಗಿದು ಗಮನಕ್ಕೆ ಬಂದಿಲ್ಲ...ನೀವು ಯಾವುದರ ಅನುವಾದದ ಬಗ್ಗೆ ಹೇಳುತ್ತಿದ್ದೀರಿ...ಏಕೆಂದರೆ ಮೈಕ್ರೋಸಾಫ್ಟ್ ನವರು ತಮ್ಮ ಆಫೀಸ್ ತಂತ್ರಾಂಶವನ್ನು ಭಾರತೀಯ ಭಾಷೆಗಳಲ್ಲಿ ತಂದಾಗ, ಹಿಂದಿಯ ನಂತರ ಕನ್ನಡವೇ ಪ್ರಾಶಸ್ತ್ಯ ಪಡೆದಿತ್ತು...