ಅದಕ್ಕೆ ನಾನು ಹೇಳುತ್ತಿರುವುದು. ಹಿ೦ದೂ ದರ್ಮಾಚರಣೆ ಸರಿಯಾಗಿ ಅಗುತ್ತಿಲ್ಲ ಎ೦ದು.

ಇದು "ನಾವು ಕುರಿ ತಿನ್ನುವದಕ್ಕೆ ಹೇಳಿದ್ದಾ"?

೧) ಈ ಧರ್ಮಾಚರಣೆಗಳಾದ ಸದಾಚಾರ, ಅಹಿಂಸೆ, ಸಹಿಷ್ಟುತೆ ಏನೆಂದು ಹೇಳಿರಿ!
೨) ಈ ಧರ್ಮಾಚರಣೆಯ ಹಿಂದಿರುವ ಸಿದ್ಧಾಂತವೇ? ಯಾವ ಕಾರಣಕ್ಕೆ ಈ ಆಚರಣೆಗಳಿವೆ?ಧ
ರ್ಮಾಚರಣೆಗಳು ಸಿದ್ಧಾಂತಕ್ಕೆ ಅಂಟಿರಬೇಕಲ್ಲವೇ? ಸಿದ್ಧಾಂತವೇ ಇಲ್ಲದೇ ಧರ್ಮಾಚರಣೆ ಎಂತು?
೩)ಶಿವ ಶರಣರುಗಳು, ಬಕ್ತಿ ಪ೦ಥದ ಸಾದುಗಳು ಮು೦ತಾದವರು ಈ ಗುಣಗಳ ಬಗ್ಗೆ ಒತ್ತಿ ಹೇಳಿದ್ದು, ಏನನ್ನು?
ಸದಾಚಾರದ( ಸತ್ + ಆಚಾರ ಇದರಲ್ಲಿ ನಿಯಮ, ವ್ರತ ಇವೆಲ್ಲ ಬರುವವು ) ಬಗ್ಗೆ ಬಸವಣ್ಣರಂತ ಶರಣರ ಮಾತು ಬೇರೆಯೇ ಇದೆ ಅದು ವೈದಿಕರಿಗೆ ಹೊಂದುವುದಿಲ್ಲ!

ಭಕ್ತಿ ಪಂಥದವರ ವಿಚಾರ ಬೇರೆ. ಈ ಭಕ್ತಿ ಪಂಥವೂ ದ್ವೈತ(ವೈಷ್ಣವ) ಪ್ರಧಾನ ಎಂದು, ಅದ್ವೈತಿಗಳು ಈ ಭಕ್ತಿಪಂಥದಲ್ಲಿ ಕಡಮೆ ಎಂದು ಹೇಳಿಕೆ ಇದೆ.! ಹಾಗಾದರೆ ಅದ್ವೈತಿಗಳು 'ಧರ್ಮಾಚರಣೆ' ಮುರಿದವರೆ.?

=======================

ಇದು ವಿತಂಡವಲ್ಲ, ಕುಹುಕವಲ್ಲ. ನನಗೆ ಸಹಜ ಕೇಳ್ಮೆಗಳು. ಇವಕ್ಕೆ ಉತ್ತರ ನೀಡಲೇ ಬೇಕೆಂಬ ಒತ್ತಾಯವಿಲ್ಲ!

___ಮಹೇಶರು ಪ್ರಶ್ನೆಗಳನ್ನು ಕೇಳುತ್ತಾ ನಮಗೆ ಚಿಂತನೆಗೆ ಹಚ್ಚುತಿರುವರೋ ಅಥವಾ ಪ್ರಶ್ನೆಗಳನ್ನು ಕೇಳಿ ದಿಕ್ಕು ಕೆಡಿಸಲು ಪ್ರಯತ್ನಿಸುತ್ತಿರುವರೋ ತಿಳಿಯದು... ಕೇವಲ ಒಬ್ಬರನ್ನು ಹಿಡಿದುಕೊಂಡು ಪ್ರಶ್ನೆಗಳ ಸುರಿ ಮಳೆ ಸುರಿಸಿದ ತಕ್ಷಣ ಚರ್ಚೆಯಾಗದು...

೧) ನಾನು ಬೇಕೆಂದು ನಿಮ್ಮ ದಿಕ್ಕು ತಪ್ಪಿಸುತ್ತಿಲ್ಲ. ನನಗೆ ಈ 'ಹಿಂದು' ಯಾವ ದಿಕ್ಕು ಅಂತ ತಿಳಿದಿಲ್ಲ. ಸರಿ ದಿಕ್ಕಲ್ಲಿ ಸಾಗಿಸುವ, ಇಲ್ಲ ತಪ್ಪಿಸುವುದು ನಿಮ್ಮ ಕೈಯಲ್ಲೇ ಇರುವುದು. ನನಗೆ ನೀವು ಯಾವ ದಿಕ್ಕು ತೋರಿ 'ಇದೇ ಹಿಂದು' ಎಂದರೂ ನನಗೆ ಗೊತ್ತಾಗಲ್ಲ.
೨) ಇಲ್ಲಿ ಕೇಳ್ಮೆಗಳಿಲ್ಲದೇ ಅರಿವಾಗದು. ನನ್ನ ಕೇಳ್ಮೆಗಳನ್ನು ತೀರಿಸಬೇಕೆಂದೂ ಇಲ್ಲ. ಗೊತ್ತಿರದಿದ್ದರೆ ಗೊತ್ತಿಲ್ಲ, ಅಷ್ಟೇ!

ನೀವು ಹಿಂದು ಎನ್ನುವುದನ್ನು ಅಸ್ತಿತ್ವವೇ ಇಲ್ಲದ ಪದ ಅನ್ನಿ...

ಹಿಂದು ಅನ್ನೋದು ಇದೆ.( ಒರೆಗಂಟು ತೋರುವುದು ). ಆದರೆ ಈ ಹಿಂದು ಅನ್ನೋದು ಒಂದು ದರುಮ ಅಲ್ಲ. ಹಿಂದು ಅನ್ನೋದು ಒಂದು 'ಬಾಳ ಬಗೆ'ಯೂ ಅಲ್ಲ. ಅದು ಬರೀ ಇರಾನಿಗರು/ಪಾರಸಿಗರು ಸಿಂದು ಹೊಳೆಯ ಈಚೆ ಬದಿಯ( ಮೂಡಣ ಬದಿ ) ಮಂದಿಯನ್ನು ಕರೆದ 'ಹೆಸರು' ಅಷ್ಟೇ. ಇದು ನನ್ನ ತಿಳಿವಳಿಕೆ. ಇದು ಮಾರ್ಪಡಬಹುದು. ಆದರೆ ಇನ್ನೂ ಅದು ಮಾರ್ಪಡಲು ತಕ್ಕು ನಿಕ್ಕುವ ಓಸುಗರ ಕಂಡಿಲ್ಲ ನಾನು.

ಆದರೆ ಶತಮಾನಗಳ ಕಾಲ ಒಂದು ಜನಸಮೂಹ ಆಚರಿಸಿಕೊಂಡು ಬಂದ ಆಚರಣೆಗಳನ್ನು, ಪಾಲಿಸಿಕೊಂಡು ಬಂದ ನಂಬಿಕೆಗಳನ್ನು, ಜೀವನ, ಸಾಹಿತ್ಯ, ಕಲೆ, ಅಭಿವ್ಯಕ್ತಿಯಲ್ಲಿ ಅಳವಡಿಸಿಕೊಂಡ ರೂಪುರೇಷೆಯನ್ನು ಏನೆಂದು ಕರೆಯುವಿರಿ?

ಕನ್ನಡ ನೆಲೆದಲ್ಲಿ ಆದುದನ್ನು 'ಕನ್ನಡ ನಡಾವಳಿ'ಯೆಂದು, ತಮಿಳು ನೆಲದನ್ನು 'ತಮಿಳು ನಡಾವಳಿ' .. ಎಂದು ಕರೆಯುತ್ತೇನೆ. ಕನ್ನಡ ನೆಲದಲ್ಲೂ ಒಕ್ಕಲಿಗ ದರುಮ, ಲಿಂಗಾಯತ ದರುಮ, ಹಾರ್ಬ ದರುಮ, ಕುರುಬ ದರುಮ ಮುಂತಾದ ದರುಮಗಳಿವೆ. ಇವಕ್ಕೆ ತಮ್ಮದೇ ಆದ 'ಸಿದ್ಧಾಂತ', ನಂಬಿಕೆಗಳು ಇದ್ದು, ಅವು ಒಂದಕ್ಕಿಂತ ಒಂದು ಬೇರೆಯಾಗಿದೆ. ಇವನ್ನು 'ಕನ್ನಡ ಜಾತಿಗಳು/ದರುಮಗಳು' ಎಂದು ಒಂದು ಹೆಸರಡಿ ಸೇರುವುದೇ ಹೊರತು, ಒಂದು ಇರಾನಿನ/ಪಾರಿಸಯ ಒರೆಯಾದ 'ಹಿಂದು'ವಿನಡಿ ತನ್ತಾನೇ ಸೇರದು. ಬಲು ಸರ್ಕಸ್ ಮಾಡಿ ಏನೇನೋ ಮಾತುಗಳನ್ನು ಹುಟ್ಟಿಸಿ ಒತ್ತಿ ಸೇರಿಸಬೇಕಷ್ಟೇ.

ಯಾವ ಹಳೆಗನ್ನಡ ಹೊತ್ತಗೆಯೂ, ಸಂಸ್ಕ್ರುತ ಹಳೆ ಕಬ್ಬಗಳು 'ಹಿಂದು' ಒರೆಯ ಚಕಾರ ಎತ್ತಲ್ಲ( ಹಿಂದು ಒರೆ ಇದ್ದರೆ ತೋರಿಸಿ. ಪಾರಸಿಯ ಒರೆ ಇದು ಇರಲ್ಲ ಅಂತ ನನ್ನ ಉಂಕು ). ಇಲ್ವೇ ನೀವು ಹೇಳುವ 'ಒಂದು ನಿಕ್ಕುವ ಸಿದ್ಧಾಂತವೇ ಇಲ್ಲದ ದರುಮ'ವನ್ನು ಯಾವ ಸಂಸ್ಕ್ರುತ/ಕನ್ನಡ ಹೊತ್ತಿಗೆಯೂ ಹೇಳಲ್ಲ( ಭಗವದ್ಗೀತೆಯೂ ಆತ್ಮ ಇದೆ. ಪುನರ್ಜನ್ಮ ಇದೆ ಎಂದು ಹೇಳುವುದು ಅಲ್ವಾ). ಇಂತಹ ಹೊತ್ತಗೆಗಳು ಬರೀ ೧೦೦ ಏಡುಗಳ ಈಚೆ ಹುಟ್ಟಿಕೊಂಡಿರುವವು.

ಈ ಇಂಡಿಯ ಅನ್ನೋ ದೇಶ ಹುಟ್ಟಿದ್ದೇ ಪರಂಗಿಯವರ ಬಂದ ಮೇಲೆ. ಆದರೆ ಕನ್ನಡ ದೇಶ ಕಡಮೆ ಅಂದ್ರೂ ೨೫೦೦ ಏಡುಗಳಿಂದ, ಇತ್ತು. ಇದೆ.

ಈ ಪ್ರಶ್ನೆ ನಿಮಗೆ ಅದನ್ನು ಇಸ್ಲಾಂ ಅಂತ ಕರೆಯುತ್ತೀರಾ... ಕ್ರೈಸ್ತ ಮತ ಅಂತೀರಾ...? ಶಬ್ಧಗಳು ತಮ್ಮ ಸತ್ವ ಕಳೆದುಕೊಂಡಿವೆ ಎಂದ ಮಾತ್ರಕ್ಕೆ ಸತ್ವವೇ ಇಲ್ಲ ಎನ್ನಲಾದೀತೆ?

ಕನ್ನಡ ನಾಡಿನಲ್ಲಿರುವ ಇಸ್ಲಾಮಿಗರು/ಕ್ರಿಸ್ತಿಗರನ್ನು ಕನ್ನಡ ಇಸ್ಲಾಮಿಗ/ಕ್ರಿಸ್ತಿಗ ಅಂತ ಅಂತೀವಿ. 'ಸದ್ದು'ಗಳು ಹುರುಳಿ ಕಳೆದುಕೊಳ್ಳವುದಿಲ್ಲ. ಹುರುಳಿಲ್ಲದನ್ನು ಏನೋ ಹಿರಿ-ಹುರುಳಿದೆಯೆಂದು ಅಂದುಕೊಂಡು ಬಲು ನಾಳುಗಳು ಅದನ್ನೇ ನಂಬಿ, ಕೊನೆ ಅದು ಪೊಳ್ಳು/ಸುಳ್ಳು ಎಂದು ಅರಿವಾದಾಗ, ಈ 'ಸತ್ವ/ಹುರುಳು' ಕಳೆದುಕೊಳ್ಳುವ ಅನಿಸು/ಭಾವ ಬರುವುದು. ಆದರೆ ದಿಟವಾಗಿ ಹುರುಳು ಇರಲೇ ಇಲ್ಲ!

ಇದೆಲ್ಲ ಬೇಡ...

ಎಷ್ಟು ಸಾಲಲ್ಲಿ ಆಗುವುದೋ, ಅಷ್ಟು ಸಾಲಲ್ಲಿ 'ಹಿಂದು ಸಿದ್ದಾಂತ' ತಿಳಿಸಿ.