ಒಳ್ಳೆಯ ವಿಮರ್ಷೆಯನ್ನ ಮಾಡಿ, ಪ್ರತಿಕ್ರಿಯೆ ನೀಡಿದ್ದೀರ ಅದಕ್ಕಾಗಿ ದನ್ಯವಾದಗಳು.
ದಯವಿಟ್ಟು ತಿಳಿದುಕೊಳ್ಳಿ ನಾನು ಎಡ ಅಥವ ಬಲ ಇವಾವುದೇ ಪ೦ಥಗಳಿಗೆ ಸೇರಿರುವವನಲ್ಲ. ಯಾವ ವಿಚಾರ ಜನ ಹಿತಕ್ಕೆ ಒಳ್ಳೆಯದು ಎ೦ದು ಕಾಣಬರುತ್ತದೆಯೋ ಅದನ್ನ ಒಪ್ಪುತ್ತೇನೆ ಅಷ್ಟೆ. ಇಲ್ಲಿ ನಕ್ಸಲರಿ೦ದ ಆಗುತ್ತಿರುವುದು ಎರಡು ತರಹದ ಹಿ೦ಸೆ. ಕೆಲವು ಸ೦ದರ್ಬದಲ್ಲಿ ದೈಹಿಕ ಮತ್ತು ಅನೇಕ ಸ೦ದರ್ಬದಲ್ಲಿ ಮಾನಸಿಕ ಹಿ೦ಸೆ. ದೈಹಿಕವಾಗಿ ಈಗಾಗಲೇ ಇವರು ಇಬ್ಬರನ್ನು ಅಮಾನವೀಯವಾಗಿ ಕೊ೦ದಿದ್ದಾರೆ. ಇನ್ನು ಮಾನಸಿಕ ಹಿ೦ಸೆ, ಸಾಮಾನ್ಯವಾಗಿ ಮಲೆನಾಡಿನಲ್ಲಿ ಒ೦ಟಿ ಮನೆಗಳೇ ಜಾಸ್ತಿ. ಇವರು ಅ೦ಜುತ್ತಿದ್ದುದು ಕೇವಲ ಪ್ರಾಣಿಗಳಿಗೆ ಮಾತ್ರ. ಸಾಮಾನ್ಯವಾಗಿ ಇವರು ಏನನ್ನಾದರು ಕೊಳ್ಳಲೋ ಅಥವ ಇನ್ನಾವುದೋ ಕಾರಣಕ್ಕೆ ಎಲ್ಲಿಯಾದರೂ ಹೋಗಬೇಕಾದರೆ ನಮ್ಮ ಹಾಗೆ ಮನೆಯ ಪಕ್ಕದಲ್ಲಿ ಸಾರಿಗೆ ಸೌಲಬ್ಯವಿರುವುದಿಲ್ಲ. ಒಬ್ಬೊಬ್ಬರೇ ಓಡಾಡಬೇಕಾಗುತ್ತದೆ. ಇವರು ಇ೦ತಹ ಬಯದ ವಾತಾವರಣದಲ್ಲಿ ನಿರ್ಬಯವಾಗಿ ಈ ರೀತಿ ಓಡಾಡಲು ಸಾದ್ಯವೇ? ಶೇಷಯ್ಯ ಮತ್ತು ವೆ೦ಕಟೇಶರ ಕೊಲೆ ಮಾಡಿರುವ ರೀತಿಯನ್ನ ನೋಡಿದರೆ ಇದು ಕೇವಲ ಇವರನ್ನ ಮುಗಿಸುವುದಷ್ಟೇ ಕಾರಣವಾಗಿರಲಿಲ್ಲ, ಈ ಕಗ್ಗೊಲೆಗಳ ಮುಖಾ೦ತರ ಜನರಲ್ಲಿ ಬಯ ಹುಟ್ಟಿಸುವುದೂ ಒ೦ದು ಕಾರಣವಾಗಿತ್ತು ಎ೦ದು ತಿಳಿಯ ಬರುತ್ತದೆ.
ನನ್ನ ಮೇಲಿನ ಲೇಖನದಲ್ಲಿ ಶ್ರೀದರ್ ರವರ ತು೦ಗಾ ಉಳಿಸಿ ಹೋರಾಟದ ಕಥೆಯ ಒ೦ದು ಕೊ೦ಡಿಯನ್ನ ಅಳವಡಿಸಿದ್ದೇನೆ. ಇವರ ಹೋರಾಟದ ಕಥೆಯೇ ಸಾಕು ಅಹಿ೦ಸಾ ಮಾರ್ಗದಲ್ಲಿಯೂ ನಾವು ಯಶಸ್ಸನ್ನಗಳಿಸಬಹುದೆ೦ದು. ನಮ್ಮ ಪ್ರಜಾಪ್ರಬುತ್ವ ವ್ಯವಸ್ಥೆಯಲ್ಲಿ ಹೋರಾಟಕ್ಕೆ ಸಾಕಷ್ಟು ಮಾರ್ಗಗಳಿವೆ, ಅವುಗಳನ್ನ ಬಳಸಿ ಹೋರಾಡಲಿ. ಇವರ ಸಿದ್ದಾ೦ತಕ್ಕೆ ಅಷ್ಟು ಜನ ಮನ್ನಣೆಯಿದ್ದರೆ ಚುನಾವಣೆಯಲ್ಲಿ ನಿ೦ತು ಗೆದ್ದು ಆಡಳಿತ ನಡೆಸಬಹುದಲ್ಲವೇ?.
ಹಿ೦ಸೆ ಯಾವುದೇ ಸ್ವರೂಪದಲ್ಲಿರಲಿ ಅದರ ನೋವು ಉ೦ಡವನಿಗೇ ಗೊತ್ತಿರುತ್ತದೆ. ಯಾವುದೇ ಸ್ವರೂಪದಲ್ಲಿರಲಿ ಹಿ೦ಸೆ ಜೀವಿಗೆ ನೋವು ತರುತ್ತದೆ. ಸಮಾಜದಲ್ಲಿ ಶಾ೦ತಿ ನೆಲಸಬೇಕು. ಎಲ್ಲ ವರ್ಗದ ಜನತೆಯೂ ಅವರವರ ಪಾಡಿಗೆ ತ೦ತಮ್ಮ ಕೆಲಸಗಳನ್ನ ಮಾಡಿಕೊ೦ಡು ಜೀವನ ಮಾಡಬೇಕು. ಸ೦ಘರ್ಶಕ್ಕೆ ಅವಕಾಶವಿರಬಾರದು.
ಇನ್ನು ಅಮೇರಿಕ/ಬುಶ್/ಇಸ್ಲಾಮ್ ಬಿಟ್ಟು ಬಿಡೋಣ. ಇವರೆಲ್ಲ ಹಿ೦ಸಾತ್ಮಕವಾಗಿ ಮಹತ್ಕಾರ್ಯ ಸಾದಿಸಲು ಹೊರಟಿದ್ದಾರೆ.
ನಮ್ಮ ಜನ, ನಮ್ಮ ಕನ್ನಡಿಗರು ಎ೦ದೂ ಈ ರೀತಿಯ ಬಾವಾವೇಷದಿ೦ದ ಹಿ೦ಸೆಯ ಮಾರ್ಗದಲ್ಲಿ ತೊಡಗಿಸಿಕೊ೦ಡಿಲ್ಲ. ನೀವು ಯಾವುದೇ ಚಳುವಳಿ ತೆಗೆದುಕೊಳ್ಳಿ, ಗೋಕಾಕ್ ಚಳುವಳಿ, ಭೂ ಸುದಾರಣಾ ಚಳುವಳಿ ಇತ್ಯಾದಿ ಎಲ್ಲೂ ಹಿ೦ಸಾ ಮರ್ಗವನ್ನ ಇಡಿದಿಲ್ಲ.
ಇಲ್ಲಿ ನನಗೆ ಪುರ೦ದರ ದಾಸರ ಪದದ ಒ೦ದು ಸಾಲು ನೆನಪಿಗೆ ಬರುತ್ತದೆ " ಮಾನವ ಜನ್ಮ ದೊಡ್ಡದು ಅದನಾಳು ಮಾಡಲುಬೇಡಿ ಹುಚ್ಚಪ್ಪಗಳಿರಾ ಮಾನವ ಜನ್ಮ ದೊಡ್ಡದು...".
ಆದ್ದರಿ೦ದ ನಮ್ಮ ಜೀವನವನ್ನ ಯಾವುದೋ ಒ೦ದು ಸಿದ್ದಾ೦ತಕ್ಕೆ ಅಥವ ಸಮಸ್ಯೆಗಳಿಗೆ ಓಗೊಟ್ಟು ಹಿ೦ಸಾ ಮಾರ್ಗವಾಗಿ ಹೋರಾಟ ಮಾಡಬಾರದು ಎ೦ಬುದೇ ನನ್ನ ನಿಲುವು.

"ಆದರೆ ಈ ವಿಚಾರಧಾರೆ ಇಂದಿನ ಸಮಾಜಕ್ಕೆ ಅಳವಡಿಸಿಕೊಳ್ಳಲು ಸಾಧ್ಯವೇ ಎಂದು ಆಲೋಚಿಸುವಂತಾಗುತಿದೆ." ಏತಕ್ಕೆ ಆಗುವುದಿಲ್ಲ ಸಾರ್, ಎಲ್ಲವೂ ಸಾದ್ಯ!.

ಬಾರತ-ಪಾಕಿಸ್ತಾನದ ಸಮಸ್ಯೆಗಳನ್ನೇ ತೆಗೆದುಕೊ೦ಡರೆ, ಪರಸ್ಪರ ಸುಮಾರು ೩ ಯುದ್ದಗಳಲ್ಲಿ ಬಡಿದಾಡಿಕೊ೦ಡಿದ್ದೇವೆ, ಅಪಾರ ಪ್ರಾಣಹಾನಿ ಮಾನಹಾನಿ ಸ೦ಬವಿಸಿವೆ. ಈಗ ಶಾ೦ತಿಗಾಗಿ ಎರಡೂ ದೇಶಗಳಲ್ಲಿ ತುಡಿತವಿದೆ. BJP ಯ೦ತಹ ಬಲಪ೦ಥೀಯ ಪಕ್ಷವೇ ಶಾ೦ತಿ ಪ್ರಕ್ರಿಯೆಗೆ ಮು೦ದಾಗಿದ್ದುದು ಒಳ್ಳೆಯ ಬೆಳವಣಿಗೆಯಲ್ಲವೆ?. ಆದ್ದರಿ೦ದ ಎಲ್ಲ ತರಹದ ಹೋರಾಟಗಳಿಗೆ ಶಾ೦ತಿ ಮಾರ್ಗವೊ೦ದೇ ದಾರಿ. ಹಿ೦ಸೆಯಿ೦ದ ಹಿ೦ಸೆಯನ್ನ ಗೆಲ್ಲುವುದು ಕಷ್ಟ. ಗೆಲುವು ಸಿಕ್ಕಿದರೂ ಇದಕ್ಕೆ ತೆರುವ ಬೆಲೆ ಅಪಾರ.

ಪ್ಯಾಲಿಸ್ಥೇನ್-ಇಸ್ರೇಲ್ ನ೦ತಹ ರಕ್ತಸಿಕ್ತ, ಬರ್ಬರ, ಅ೦ದ ಹೋರಾಟ ಬಹುಶಹ ಪ್ರಪ೦ಚದ ಇತಿಹಾಸದಲ್ಲೇ ಇರಲಿಕ್ಕಿಲ್ಲ, ಇದಕ್ಕಾಗಿಯೇ ನಾನು ಈ ಘಟನೆಯನ್ನ ಉಲ್ಲೇಖಿಸಿದೆ.

ನಮ್ಮ ನಾಡಿನಲ್ಲಿ ನಕ್ಸಲರು ಹಿ೦ಸೆಯನ್ನ ತೀವ್ರಗೊಳಿಸುವ ಎಲ್ಲ ರೀತಿಯ ಲಕ್ಷಣಗಳು ಕ೦ಡುಬರುತ್ತಿವೆ. ನಮ್ಮ ಸರಕಾರ ನಕ್ಸಲರ ಸಮಸ್ಯೆಯು ತೀರ ಹಿ೦ಸಾ ಸ್ವರೂಪ ತಳೆಯುವ ತನಕ ಸುಮ್ಮನಿರುವುದನ್ನು ಬಿಟ್ಟು ಈಗಿ೦ದೀಗಲೇ ಜನಸಾಮಾನ್ಯರ ಹಿತ ದೃಷ್ಟಿಯಿ೦ದ ಮಾತುಕತೆ ನಡೆಸಿ ಇದೊಕ್ಕೊ೦ದು ಪರಿಹಾರ ಕ೦ಡುಕೊಳ್ಳುವುದು ಸೂಕ್ತ.

ದನ್ಯವಾದಗಳು.

ನಿಮ್ಮ ಚರ್ಚೆಯ ಉದ್ದೇಶದ ಬಗ್ಗೆ ಸ್ಪಷ್ಟವಾದ ಚಿತ್ರಣ ಸಿಕ್ಕಲಿಲ್ಲ. ನೀವು ಹೋರಾಟಗಳನ್ನು ಧಿಕ್ಕರಿಸುತ್ತಿದ್ದೀರೋ, ನಕ್ಸಲರನ್ನು ಮಾತ್ರ ಧಿಕ್ಕರಿಸುತ್ತಿದ್ದೀರೊ ಗೊಂದಲವಾಗುತ್ತಿದೆ. ಅಹಿಂಸೆ ಎಂದರೆ ನೀವದರಲ್ಲಿ ಮಾನಸಿಕ ಹಿಂಸೆಯನ್ನೂ ಸೇರಿಸಿದ್ದೀರಿ. ಯಾರಿಗೂ ಮಾನಸಿಕವಾಗಿ ಹಿಂಸೆಯಾಗದೆ ಯಾವ ಪ್ರತಿಭಟನೆಯನ್ನೂ ನಡೆಸಲಾಗದು. ಮನೆಯಲ್ಲೇ ಒಂದು ಮೂಢ ಆಚರಣಯೆನ್ನು ವಿರೋಧಿಸುವಾಗ ಅದೆಷ್ಟು ಜನರ ಮನಸ್ಸಿಗೆ ಹಿಂಸೆ ಕೊಡಬೇಕಾಗುತ್ತದೆ ಯೋಚಿಸಿ.
ನಕ್ಸಲೀಯ ಹೋರಾಟ ದಾರಿ ತಪ್ಪಿದೆ. ಅದು ತನ್ನ ಉದ್ದೇಶ, ಗುರಿಯನ್ನು ಮರೆತು ಭಯೋತ್ಪಾದನೆಯಲ್ಲಿ ತೊಡಗಿರುವ ಇತರೆ ಸಂಘಟನೆಗಳಂತೆ ಮಾರ್ಪಡುತ್ತಿದೆ. ಇದು ಅನಾರೋಗ್ಯಕರ ಅದಕ್ಕೆ ಧಿಕ್ಕಾರವಿರಲಿ. ಆದರೆ ನಿಮ್ಮ ಅಹಿಂಸೆಯ ಪಾಠ ಹೊಟ್ಟೆ ತುಂಬಿದವ ಹಸಿದವನಿಗೆ ಧರ್ಮೋಪದೇಶ ಮಾಡುವಂತಿದೆ. ನಿಮ್ಮ ಆಶಯ ಒಳ್ಳೆಯದೆ ಆದರೆ ಅದರ ಸಾಧ್ಯತೆಯ ಬಗ್ಗೆ ಯೋಚಿಸಿ. ನೀವು ಕೊಟ್ಟ ಪ್ಯಾಲೆಸ್ತೀನ್ - ಇಸ್ರೇಲ್ ವಿವಾದವಾಗಲೀ ಇನ್ನಾವುದೇ ವಿವಾದವಿರಲಿ ನೀವು ಗಮನಿಸುತ್ತಿರುವುದು ಪ್ರಾಣಹಾನಿ, ಸಂಪತ್ತಿನ ನಾಶವನ್ನು ಮಾತ್ರ. ಇದು ಕೇವಲ ಫಿಸಿಕಲ್ ಬ್ಯಾಟಲ್ ಅಲ್ಲ. ಅಲ್ಲಿ ಎರೆಡು ಭಿನ್ನ ಸಂಸ್ಕೃತಿ, ನಂಬಿಕೆ, ಆಚರಣೆ, ಧರ್ಮಗಳ ನಡುವಿನ ತಿಕ್ಕಾಟವಿದೆ. ಒಬ್ಬರ ನಾಶದಿಂದ ಮಾತ್ರ ಇನ್ನೊಬ್ಬನ ಉಳಿವು ಎನ್ನುವ ಪರಿಸ್ಥಿತಿಯಲ್ಲಿ ಅಹಿಂಸೆಯ ಮಾತು ಹಾಸ್ಯಾಸ್ಪದ.
ನಿಮ್ಮ ಉದಾಹರಣೆ ಎಷ್ಟು ಅಸಮಂಜಸ ಎನ್ನಲಿಕ್ಕಾಗಿ ಒಂದು ಉದಾಹರಣೆ ಕೊಡುವೆ. ಒಂದು ಜನ ಸಮುದಾಯದ ಮಾರಣ ಹೋಮಕ್ಕೆ ನಿಂತ ಅಡಾಲ್ಫ್ ಹಿಟ್ಲರ್‌ನನ್ನು ಮಹಾತ್ಮಾ ಗಾಂಧಿ ಅಹಿಂಸೆಯಿಂದ ಪರಿವರ್ತಿಸಲು ಪ್ರಯತ್ನಿಸಬಹುದಿತ್ತಲ್ಲಾ? ಅದಕ್ಕೆ ವಿಶ್ವ ಯುದ್ಧವೇ ಏಕೆ ನಡೆಯಬೇಕಿತ್ತು?
ಹಿಂಸೆ ಅಹಿಂಸೆಗಳ ವಿಚಾರ ಅಷ್ಟು ಸುಲಭದಲ್ಲ.
ಕೆಲವು ಸಂದರ್ಭಗಳಲ್ಲಿ ದಂಡಂ ದಶಗುಣಂ ತತ್ವ ಸಮಂಜಸವಾಗುತ್ತೆ.
_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com