ಇಲ್ಲಿ ಹೆಚ್ಚಿಗೆ ಬರೆಯಬೇಕಾಗಿಲ್ಲ. ಇದು ಮತ್ತೊಂದು ಅರಿಮೆಯ ಕೊರತೆಯ ಬರಹ. ( ಯಾಕೆ ಅಂತ ಮುಂದೆ ತಾಳ್ಮೆ ಇಂದ ನೋಡಿರಿ ) ಅರಿಮೆಯ ಕೊರತೆಯಿಂದ ಬರುವುವು, ತಪ್ಪರಿವುಗಳೇ!!

ಕೊರೆತೆಗಳು
೧) ಪಿರುತಿ ಅಂದರೆ? ಪಿರೀತಿ ಅಂತ ಕೇಳಿದ್ದೀನಿ. ಇದು ಹಳ್ಳಿ-ಕನ್ನಡದ ಅರಿವಿನ ಕೊರತೆ ತೋರುವುದು. ಪಿರುತಿ ಯಾಕೆ ಆಗಲ್ಲ, ಅಂದರೆ ಪ್ರೀತಿ = ಪಿರೀತಿ, ಇಲ್ಲ ಪೀತಿ ಆಗುವುದು ( ಹಿಂದಿಯಲ್ಲಿ ಪ್ರಿಯಾ = ಪಿಯಾ ). ಇನ್ನು ಕನ್ನಡದಲ್ಲಿ ಪ್ರೀತಿಗೆ ಎಲ್ಲರಿಗೂ ಗೊತ್ತಿರುವ ಒಲುವು, ಒಲುಮೆ, ಮತ್ತು ಹೆಚ್ಚು ಗೊತ್ತಿರದ ಕೂರ್ಮೆ, ಕಾದಲ್/ಕಾದಲ್ಮೆ ಇವು ಇದೆ.
೨) Practicalಗೆ ಕನ್ನಡದಲ್ಲಿ ಒರೆ ಇಲ್ವಾ? "ಆಗೋ ಹಾಗಿರೋದು", "ಅಕ್ಕು", "ನಡೆಯುವಂತಹ", ಇರಲಿ.
೩) "ನಮ್ಮ ಮನೆಮಾತು ಕನ್ನಡವಲ್ಲ, ಹಿಂದಿಜಾತಿಯ ಒಂದು ಉಪಭಾಷೆ." , ನಿಮ್ಮ ಮನೆಯಲ್ಲಿ ಕನ್ನಡ ಮಾತಾಡಲ್ಲ ಅಂದ ಮೇಲೆ ನಿಮಗೆ ಬರೀ ಹೊರಗಡೆ ಕನ್ನಡ ಗೊತ್ತಿರುತ್ತದೆ. ಮನೆಮಾತು ಕನ್ನಡದವರ ಒರೆಗಳು ನಿಮಗೆ ಅನಿತ್ತು ತಿಳಿದಿರಲ್ಲ. ಇನ್ನು ನೀವು ಬೆಂಗಳೂರಲ್ಲಿ ಇದ್ದರೆ, ಕತೆ ಮುಗಿಯಿತು!!

೪)

ನಮ್ಮ ಮನೆಮಾತಿನಲ್ಲಿ English, ಕನ್ನಡದ ಅನೇಕ ಶಬ್ದಗಳನ್ನು ಉಪಯೋಗಿಸುತ್ತೇವೆ, ನಮ್ಮದೇ ಭಾಷೆಯ ಶಬ್ದಗಳಿದ್ದರೂ ಕೂಡಾ. ಉದಾ: ಎಡ, ಬಲ ಅಥವಾ left, right ಎನ್ನುವುದೇ ರೂಢಿ ಹೊರತು ನಮ್ಮ ಮನೆಮಾತಿನ ಶಬ್ದಗಳಲ್ಲ.

ಒಮ್ಮೆ ಅವರನ್ನೆಲ್ಲೋ ಕಾರಿನಲ್ಲಿ ಕರೆದುಕೊಂಡು ಹೋಗುತ್ತಿರಲು ಅವರು backseat driving ಮಾಡುತ್ತ directions ಕೊಡಲು ಶುರು ಮಾಡಿದರು. ನನಗೆ ದಾರಿ ಸರಿಯಾಗಿ ಗೊತ್ತಿರಲಿಲ್ಲ.

ಪುಣ್ಯಾತ್ಮರು ಎಡ ಬಲ ವೆಂದು ಕನ್ನಡದಲ್ಲಾಗಲಿ, left, right ಎಂದು ಇಂಗ್ಲೀಷಲ್ಲಾಗಲಿ ಹೇಳದೇ, दांये, बांये ಎಂದು ನಮ್ಮ ಮನೆಮಾತಿನಲ್ಲಿ ಹೇಳಿ ನನಗೆ ಗೊಂದಲವಾಗಿ ತಪ್ಪು ತಪ್ಪು ತಿರುಗಿ ಎಲ್ಲೋ ಗುದ್ದಿಬಿಟ್ಟೆ.

ನೀತಿ: ಅಭಿಮಾನ ಇರಬೇಕು, ಆದರೆ ದುರಭಿಮಾನ ಇದ್ದರೆ ಅದು ಅಪಘಾತ, ಅನ್ - ಅರ್ಥ, ಅಪಾರ್ಥಗಳಿಗೆ ಕಾರಣವಾಗುತ್ತದೆ

ಮೊದಲು ನಮ್ಮ ತಾಯ್ನುಡಿ ಸರಿಯಾಗಿ ಕಲಿತು, ಆಮೇಲೆ ಬೇರೆಯವರ ತಾಯ್ನುಡಿಯ ಬಗ್ಗೆ!!. ಇದು ಮಾದರಿಯೇ? ನಮಗೆ ಎಡ, ಬಲ ಗೊತ್ತಾಗುವುದು, ನಮ್ಮ ಮನೆಮಾತು, ತಾಯಿಮಾತು, ತಂದೆಮಾತು, ಅಜ್ಜನ ಮಾತು ಅಜ್ಜಿಯ ಮಾತು, ಗೆಳೆಯರ ಮಾತು ಇವೆಲ್ಲ ಕನ್ನಡವೇ. ಮನೆಮಾತು ಕನ್ನಡವಲ್ಲದ ನಿಮಗೆ ಕನ್ನಡದ ಮೇಲಿರುವ ಅನಿಸು/ಭಾವನೆ ನಮಗಿಂತ ಬೇರೆ/ಭಿನ್ನವಾಗಿ ಇದ್ದೇ ಇರುವುದು. ಈ ನೆಲದಲ್ಲಿ ಇದ್ದೀವಿ ಅಂತ ನೀವು ಕನ್ನಡ ಕಲಿತಿರ ಬಹುದು. ಒಂದು ವೇಳೆ ನೀವು ಡೆಲ್ಲಿಯಲ್ಲಿದ್ದರೆ ಮೇಲು ಬಿದ್ದ ಕನ್ನಡ ಕಲಿಯುತ್ತಿದ್ರ?

ಆ ನೀತಿ, ಕನ್ನಡ ಮನೆಮಾತಲ್ಲದ ಎಲ್ಲರಿಗೂ ಸರಿಯೇ, ಏಕಂದರೆ ಅವರಿಗೆ pratical ಆಗಿ ಕನ್ನಡ ಮಾತಾಡೋದು ಹೀಗೆ, ಅವರಿಗೆ ದಿಟವಾಗಲೂ ಕನ್ನಡ ಕಲಿಯಕ್ಕೆ ಹುರುಪಿದ್ರೆ ನಮ್ಮ ಬೆಂಗಳೂರು ಹಿಂಗೆ ಆಗುತ್ತಿತ್ತಾ?

೫)

ಆಂಡಯ್ಯನ ಅಚ್ಹ ಕನ್ನಡದ "ಕಬ್ಬಿಗರ ಕಾವ" "ಸುದ್ದ" ಕನ್ನಡದ ಮೊದಲನೇಯ ಹಾಗೂ ಕೊನೆಯ (?) ಬರಹ.
ಅದನ್ನು ಎಷ್ಟು ಮಂದಿ ಕನ್ನಡಪ್ರೇಮಿಗಳು ಅರ್ಥ ಮಾಡಿಕೊಳ್ಳಬಲ್ಲರು

ಅಯ್ಯಾ!! ತಮಗೆ ತಮ್ಮ ತಾಯ್ನುಡಿಯೇ ಸರಿಯಾಗಿ ಬರಲ್ಲ. ನೀವು ನಮ್ಮ ಅಂಡಯ್ಯನ ಅಚ್ಚ(ಅಚ್ಹ ಅಲ್ಲ )ಕನ್ನಡದ "ಕಬ್ಬಿಗರ ಕಾವ/ಸೊಗಸಿನ ಸುಗ್ಗಿ" ಬಗ್ಗೆ ಮಾತಾಡ್ತೀರ? ಹೀಗೆ ಹೇಳ್ತಾ ಹೋದ್ರೆ ಕರ್ನಾಡಿನಲ್ಲಿ ಏಸು ಮಂದಿ ಕವಿರಾಜಮಾರ್ಗ ತಿಳಿಯುವುದು, ಕುವೆಂಪು ರಾಮಾಯಣದರ್ಶನಂ ಸಲೀಸಾಗಿ ತಲೆಗಿಳಿಯುವುದು, ಇನ್ನು ರನ್ನ, ಪಂಪ ಇವರದು?

ಅಂಡಯ್ಯನ "ಕಬ್ಬಿಗರ ಕಾವ"ದ ಮೇಲುತನ ನಿಮಗೆ ತಿಳಿಯಲ್ಲ. ಒಮ್ಮೆ ಅದನ್ನು ಕಲೆ ಹಾಕಿರುವವರ ಮುನ್ನುಡಿ ಓದಿರಿ. ಅದೊಂದು ಕನ್ನಡ ಕಬ್ಬಗಳಲ್ಲಿ ಮೇಲ್ಮಣಿ!! ಇನ್ನು ಇದು ತಿಳಿಯಲ್ಲ, ಯಾಕೆ ನಮಗೆ ಅದನ್ನು ತಿಳಿಯುವ ತಕ್ಕುಮೆ ಇಲ್ಲ. ಅದಕ್ಕೆ ಕನ್ನಡ ಕಲಿಯಬೇಕು. ನಿಮಗೆ ಹುಟ್ಟುತ್ತಾ "ಕಾಳಿದಾಸ, ರಾಘವಾಂಕ"ರ ನೆಗಳ್ಚುಗಳು ತಿಳಿದುಹೋದವೇ? ಅದಕ್ಕಾಗಿ ನೀವು ಏನನ್ನು ಕಲಿಯಲಿಲ್ಲವೇ, ಹೇಳಿಸಿಕೊಂಡಿಲ್ಲವೇ?

ಇದೆಂತ ತರ್ಕ? ಅಂಡಯ್ಯನ ಮೆಚ್ಚುವ ನಮಗೆ ಹಿಡಿಸುವುದು. ತಿಳಿಯುವುದು, ತಿಳಿಯದಿದ್ದರೆ ನಾವು ಕೇಳಿ ತಿಳಿದುಕೊಳ್ಳುವುವೆ. ನಮ್ಮ ಕನ್ನಡದ ಒಂದು ಮೇರು-ಕಬ್ಬದ ಬಗ್ಗೆ ಹೀಗೆ ಹಗೂರವಾದ ಮಾತು ತಕ್ಕುದಲ್ಲ!!

ಇನ್ಹು ಮಿಕ್ಕ ಅಚ್ಚಗನ್ನಡ ಕಬ್ಬಗಳು, ವೈಬವ ಒಂದು ಪಟ್ಟಿಕೊಟ್ಟಿದ್ದಾರೆ. ಕೊಳಂಬೆ ಪುಟ್ಟಣ್ಣಗೌಡರ ಬಗ್ಗೆ ಸುನಿಲ ಬರಹಗಳನ್ನು ಬರೆದಿದ್ದಾನೆ. ಇವೆಲ್ಲ ಓದಿರುವಿರೋ? ಅಚ್ಚ-ಕನ್ನಡ ಕಬ್ಬರ ತಲೆಮಾರುಗಳ ಬಗ್ಗೆ
"ಕನ್ನಡ ಸಾಹಿತ್ಯದ ಗೆಜ್ಜೆ ನಾದ" ಎಂಬ ಹೊತ್ತಗೆಯಲ್ಲಿ ಬಿಡಿಸಿ ಬಿಡಿಸಿ ಒಂದು ಪಂಗಡವೇ ಇದೆ. ನಿಮಗೆ ಇವೆಲ್ಲ ತಿಳಿದಿಲ್ಲ. ಏಕೆಂದರೆ ಅಚ್ಚ-ಕನ್ನಡದ ಕಬ್ಬ ಅಂಡಯ್ಯನ "ಕಬ್ಬಿಗರ ಕಾವನ್" ಇದೊಂದೇ ಎಂಬ ಅರಯಮಿಕೆ/ignorance/ಅಜ್ಞಾನದಿಂದಲೇ ಮಾತಾಡಿ, ಅದೇ ಕೊನೆ ಎಂದು ಐಬು/ಅನುಮಾನ ತೋರಿಸಿದ್ದೀರಿ.

೬)

ನಮ್ಮ ರಾಷ್ಟ್ರಕವಿಗಳ ಬರಹಗಳಲ್ಲಿ ಬರುವ ಪದಗಳನ್ನೆಲ್ಲ ಎಣಿಸಿದರೆ, ಅವುಗಳಲ್ಲಿ ಅಚ್ಚಕನ್ನಡಪದಗಳೆಷ್ಟು, ಸಂಸ್ಕ್ರತಪದಗಳೆಷ್ಟು?
ರಾಷ್ಟ್ರಕವಿ ಎಂದೇ ಏಕನ್ನಬೇಕು, ನಾಡಕಬ್ಬಿಗ ಎಂದು ಏಕನ್ನುತ್ತಿಲ್ಲ?

ಇದಕ್ಕೆ ಕನ್ನಡದ ಮೊದಲ ರಾಷ್ಟ್ರಕವಿ ಯಾರು? ಆ ಬಿರುದನ್ನು ಯಾರು ಮೊದಲು ಕೊಟ್ಟರು ಅಂತ ನೋಡಿರಿ?

೭)

ಮಾನ್ಯ GC (ಗಿರೀಶ ಚಂದ್ರ?) ರು ಈ ಪುಟಗಳಲ್ಲಿ ಇಂದು ಹೇಳಿದ ಹಾಗೆ ಭಾಷೆಯೊಂದು ಸಮೃದ್ಧವಾಗಿ ಬೆಳೆಯುವುದು ಅದು ಬೇರೆ ಭಾಷೆಗಳಿಂದ ಶಬ್ದಗಳನ್ನು ಎಗ್ಗಿಲ್ಲದೇ ಎತ್ತಿಕೊಳ್ಳುವುದರಿಂದ ಹಾಗೂ ಆ ಭಾಷೆಯನ್ನಾಡುವವರ ಅಪಾರವಾದ ಚಟುವಟಿಕೆ, ಅನುಭವ (wealth of different activities) ಗಳಿಂದ. ಉದಾಹರಣೆಗಾಗಿ: ಒಂದು ಪ್ರದೇಶದ ಜನರೆಲ್ಲರ ಉದ್ಯೋಗ, leisure ಗಳೆಲ್ಲವೂ ಯಾವುದಾದರೂ ಒಂದೇ ಚಟುವಟಿಕೆ (ಉದಾ: ಕೃಷಿ ಎಂದುಕೊಳ್ಳೋಣ) ಗೆ ಸೀಮಿತವಾಗಿದ್ದರೆ, ಅವರ ಭಾಷೆಯಲ್ಲಿ ಕೃಷಿಸಂಬಂಧ ಬಿಟ್ಟು ಬೇರೆ ಪದಗಳು ಸಿಗುವುದು ಕಷ್ಟ. GCಯವರೆಂದಂತೆ Englishನ ಅದ್ಭುತ ಬೆಳವಣಿಗೆ ಇದಕ್ಕೆ ಒಳ್ಳೆಯ ಉದಾಹರಣೆ.

ನೋಡಿ ಮೇಲಿನ ಆರು ಕೊರತೆಗಳು ನಿಮ್ಮ ಈ ಮಾತು ಲೆಕ್ಕಕ್ಕೆ ಬಾರದಂತೆ ಮಾಡುವುದು. ಕನ್ನಡದಲ್ಲಿ ಒರೆಗಳು ಇದೆಯಲ್ಲ. ತಮಗೆ ಗೊತ್ತಿಲ್ಲದಿದ್ದರೆ ಅದು ತಮ್ಮ ಅರಯಮಿಕೆ.

ನೀವು ಬೇಸರಪಟ್ಟುಕೊಂಡರೆ ಅದು ನಮ್ಮ ಹೊಣೆಯಲ್ಲ. ನೀವು ನಿಮ್ಮ ತಾಯ್ನುಡಿಯಲ್ಲದ, ನಮ್ಮ ತಾಯ್ನುಡಿಯಾದ ಕನ್ನಡದ ಬಗ್ಗೆ ಸರಿಯಾದ ಅರಿವಿಲ್ಲದೇ ಏನೇನೋ ಮಾತಾಡಿದ್ದು ನಮಗೆ ಬೇಸರ ತಂದಿದೆ.
ಅದೂ ಅಲ್ಲದೇ ನಮ್ಮ ಹೆಮ್ಮೆಯ ಅಂಡಯ್ಯನ "ಕಬ್ಬಿಗರ ಕಾವನ್" ಅನ್ನೋ ಕನ್ನಡ ಕಬ್ಬದ ಬಗ್ಗೆ, ಅದರಲ್ಲೂ ಅಚ್ಚ-ಕನ್ನಡ(ಅಚ್ಹ ಅಲ್ಲ ಅಣ್ಣ)ದ ಕಬ್ಬಗಳ ಬಗ್ಗೆ ಹಗೂರವಾಗಿ, ತಕ್ಕದಲ್ಲದ ಮಾತು ಹೇಳಿದ್ದೀರಿ. ಇದು ಕೂಡ ಸರಿಯಿಲ್ಲ/ಆಕ್ಷೇಪಾರ್ಹ.

ನೀವು ಇದಕ್ಕೆ ಸಟೆದುಕೊಂಡು ಮಾತನ್ನು ಎಲ್ಲೆಲ್ಲಿಗೋ ಒಯ್ದರೆ ಅದಕ್ಕೆ ನಾವು ಮರುನುಡಿಯಲ್ಲ!! ನಿಮ್ಮ ಈ ಬರಹ ಬಲು ಟೊಳ್ಳು ಮಾತು ಅನ್ನಿಸಿದೆ!! ಅದಕ್ಕೆ ಓಸುಗರ ಹೇಳಾಗಿದೆ.

ನಿಮ್ಮ ಬರಹ ನನಗೆ ಹಿಡಿಸಲಿಲ್ಲ. ನನ್ನ ಅನಿಸು "ಇದರಲ್ಲಿ ಬರೀ ಟೊಳ್ಳು ಮಾತಿದೆ ಹೊರತು, ಯಾವ ಆಳದ ಅರಿವು ಕೊಂಚವೂ ಇಲ್ಲ."
======================================================
ತಿಳಿದಷ್ಟು ತಿಳಿಯಾಗುವುದು ತಿಳಿವು !