ಕಳೆದ ವಾರ ಸಂಪದದಲ್ಲಿ ಹಲವಾರು ಚಿಕ್ಕ ಪುಟ್ಟ ಬದಲಾವಣೆಗಳನ್ನು ಮಾಡಿದೆವು. ಸದಸ್ಯರು ಕಳುಹಿಸಿದ ಸಲಹೆಗಳನ್ನು ಪರಿಶೀಲಿಸಿ ಸಾಧ್ಯವಾದಾಗಲೆಲ್ಲ ಉತ್ತಮಪಡಿಸುವತ್ತ ಗಮನಹರಿಸಿದ್ದೇವೆ. ಕೆಲವು ಬದಲಾವಣೆಗಳು ಎಲ್ಲರಿಗೂ ಹಿಡಿಸದಿರಬಹುದು. ಹಿಡಿಸದಿದ್ದರೆ ತಪ್ಪದೆ ನಮಗೆ ತಿಳಿಸಿ, ನಿಮ್ಮ ಸಲಹೆ/ಅಭಿಪ್ರಾಯಗಳನ್ನೂ ಕಳುಹಿಸುತ್ತಿರಿ. ಸಂಪದಕ್ಕಾಗಿ ಕೆಲಸ ಮಾಡುತ್ತಿರುವ ನಾವೆಲ್ಲರೂ ಬಿಡುವಿನ ಸಮಯದಲ್ಲಿ ಈ ಕಾರ್ಯಗಳನ್ನು ನಿರ್ವಹಿಸುತ್ತಿರುವುದರಿಂದ ಸಲಹೆಗಳನ್ನು ಕೂಡಲೆ ಕಾರ್ಯಗತಗೊಳಿಸಲಾಗದಿದ್ದರೂ ಸಮಯವಾದಂತೆ ಖಂಡಿತ ಕೈಗೆತ್ತಿಕೊಳ್ಳುವೆವು.

ಹಾಗೆಯೇ ನೀವು ಕಳುಹಿಸಿದ ಸಂದೇಶಕ್ಕೆ ಹಿಂದೆ ಉತ್ತರ ಬಂದಿಲ್ಲವೆಂದು ಬರೆಯದೆ ಇರಬೇಡಿ. ಇ-ಮೇಯ್ಲುಗಳ dozeಉ ಹೆಚ್ಚಾದಾಗ ಹಲವು ಮೇಯ್ಲುಗಳು ಓದಲ್ಪಟ್ಟರೂ ಉತ್ತರ ಪಡೆಯದೆ ಕಳೆದುಹೋಗುತ್ತವೆ. ಕಳೆದ ವಾರ ಬರೆದ ಚರ್ಚೆಯ ವಿಷಯಕ್ಕೆ ಸ್ಪಂದಿಸಿ ಆಸಕ್ತಿಯಿಂದ ಪತ್ರ ಬರೆದ ಎಲ್ಲ ಓದುಗರಿಗೂ ವಂದನೆಗಳು.

ಬರೆಯುತ್ತಿರಿ.

- ಹರಿ ಪ್ರಸಾದ್ ನಾಡಿಗ್

ಸದಸ್ಯರ ಗಮನಕ್ಕೆ: ಸಂಪದದ ಸಕ್ರಿಯ ಸದಸ್ಯರಿಗೆ ಈಗ ಗೂಗಲ್ ವತಿಯಿಂದ username @ sampada.net ಎಂಬಂತಿರುವ ಇ-ಮೇಯ್ಲ್ ಐಡಿ ಲಭ್ಯ (ಗಮನಿಸಿ: ಲಾಗಿನ್ info ಬೇರೆ ಬೇರೆ). ನಿಮಗೊಂದು ಐಡಿ ಬೇಕಿದ್ದರೆ ನಮಗೊಂದು ಮೇಯ್ಲ್ ಹಾಕಿ. (ಜೀಮೇಯ್ಲ್ ಐಡಿಯಂತೆಯೇ ಇದೂ ಕೂಡ, ಹೆಸರು ಮಾತ್ರ @sampada.net ಎಂದಿರುತ್ತದೆ. ಮತ್ತೇನೂ ವಿಶೇಷವಿಲ್ಲ. ಸ್ಟ್ರಿಕ್ಟಾಗಿ ಸಕ್ರಿಯ ಸದಸ್ಯರಿಗೆ ಮಾತ್ರ.)