ಗೆಳೆಯ ಪ್ರಕಾಶ್ರವರೆ,

ಈರೆನ ವಿಚಾರ ಎಡ್ಡೆ ಉಂಡು !

ಯನ್ನ ತುಳು ಬರ್ಪುಜಿ . ಅರ್ಥ ಅಪುಂಡು ..

ಪ್ರಾರಂಭಿಸಿ... ತುಳು ಕೂಡ ಕನ್ನಡದ ಅಂಗ ಭಾಷೆ

ಪ್ರಕಾಶ್ ಶೆಟ್ರೆ,

ಈರ್ ಪಣ್ಣ ಸರಿ. ಆಂಟ ತುಳು ಲಿಪಿ ಮಲಯಾಳಂ ಲಿಪಿತ್ತ ರೀತಿ ಅತ್ತು. ಮಲಯಾಳಂ ಲಿಪಿ ತುಳು ಲಿಪಿತ್ತ ಲೆಕ್ಕ ಉಂಡು. ಇತ್ತೆ ಕನ್ನಡೊಟ್ಟು ಬರೆಪ್ಪೆ.

ನೀವು ಹೇಳೀದ್ದು ಸರಿ. ಆದರೆ ತುಳು ಲಿಪಿ ಮಲಯಾಳಂ ಲಿಪಿ ರೀತಿ ಅಲ್ಲ. ಮಲಯಾಳಂ ಲಿಪಿ ತುಳು ಲಿಪಿ ರೀತಿ. ಯಾಕೆಂದರೆ ತುಳು ಬಾಷೆ, ಲಿಪಿ, ಮಲಯಾಳಂಗಿಂತ ಹಳೆಯದು. ಈಗಿನ ಪರಿಸ್ಥಿತಿ ಏನೆಂದರೆ, ಹಳೆ ತುಳು ಲಿಪಿಯನ್ನು ಯಾರೂ ಬಳಸುತ್ತಿಲ್ಲ. ತುಳು ಸಾಹಿತಿಗಳು ಕನ್ನಡ ಲಿಪಿಯನ್ನು ಬಳಸುತ್ತಾರೆ. ತುಳು ಭಾಷೆಯಲ್ಲಿ ಕನ್ನಡ ಭಾಷೆಗಿಂತ ನಾಲ್ಕು ಅಕ್ಷರಗಳು ಜಾಸ್ತಿ ಇವೆ. ಕನ್ನಡ ಲಿಪಿಯಲ್ಲಿ ಈ ನಾಲ್ಕು ಅಕ್ಷರಗಳನ್ನು ಸೇರಿಸಬೇಕೆಂದು ನಾನು ಯುನಿಕೋಡ್ ಕನ್ಸೋರ್ಟಿಯಂಗೆ ತಿಳಿಸಿದ್ದೆ. ಯುನಿಕೋಡ್‌ನಲ್ಲಿ ತುಳು ಭಾಷೆಯನ್ನು ಸೇರಿಸಲು ತುಳು ಭಾಷಿಗರು ಹೋರಾಡಬೇಕು. ನಾನು ಈ ಬಗ್ಗೆ ಎರಡು ವರ್ಷಗಳ ಹಿಂದೆಯೇ ಸ್ವಲ್ಪ ಕೆಲಸ ಮಾಡಿದ್ದೆ. ಮಂಗಳೂರಿನಲ್ಲಿ ಆಗಿನ ತುಳು ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರಾಗಿದ್ದ ವಾಮನ ನಂದಾವರ ಅವರನ್ನು ಭೇಟಿ ಮಾಡಿ ಅವರು ಏನು ಮಾಡಬೇಕೆಂದು ವಿವರಿಸಿದ್ದೆ. ಅವರ ಅವಧಿ ಮುಗಿಯಲು ಎರಡು ತಿಂಗಳು ಮಾತ್ರವಿದ್ದ ಕಾರಣ ಅವರು ಯಾವ ಹೆಜ್ಜೆಯನ್ನೂ ಇಡಲಿಲ್ಲ. ಎರಡು ತಿಂಗಳ ಹಿಂದೆ ಬೆಂಗಳೂರಿನಲ್ಲಿ ಈಗಿನ ಅಧ್ಯಕ್ಷರಾಗಿರುವ ಸೀತಾರಾಮ ಕುಲಾಲರನ್ನು ಭೇಟಿ ಮಾಡಿ ಎಲ್ಲ ವಿವರಿಸಿದೆ. ಅವರು ಎರಡು ತಿಂಗಳ ನಂತರ ಈ ಬಗ್ಗೆ ಯೋಚಿಸೋಣ ಎಂದಿದ್ದಾರೆ.

ಮಾಡಬೇಕಾಗಿರುವುದು: ತುಳು ಸಾಹಿತಿಗಳು ಒಂದೆಡೆ ಸೇರಿ ತುಳು ಭಾಷೆಯನ್ನು ಬಳಸಲು ಕನ್ನಡ ಲಿಪಿಗೆ ಸೇರಿಸಬೇಕಾಗಿರುವ ಅಕ್ಷರಗಳ ಪಟ್ಟಿ ತಯಾರಿಸುವುದು. ತುಳು ಭಾಷೆಯ ಅಕಾರಾದಿ ವಿಂಗಡಣೆ ಹೇಗಿರಬೇಕು ಎಂದು ತೀರ್ಮಾನ ಮಾಡುವದು. ಒಂದು document ತಯಾರಿಸಿ ಅದನ್ನು ಕರ್ನಾಟಕ ಸರಕಾರ > ಭಾರತ ಸರಕಾರ ಮೂಲಕ ಯುನಿಕೋಡ್ ಕನ್ಸೋರ್ಟಿಯಂಗೆ ಕಳುಹಿಸುವುದು. ಈ ಎಲ್ಲ ಕೆಲಸಗಳಲ್ಲಿ ತಾಂತ್ರಿಕ ಸಹಾಯ ನಾನು ಮಾಡುತ್ತೇನೆ ಎಂದು ಮಾತು ಕೊಟ್ಟಿದ್ದೆ. ತುಳಿ ಭಾಷಿಗರು ಕ್ರಿಯಾಶೀಲರಾಗಬೇಕು. ನಾನು YahooGroupsನಲ್ಲಿ tulucomputing ಎಂಬ ಪಂಗಡವನ್ನೂ ಹುಟ್ಟುಹಾಕಿದ್ದೆ. ಯಾವ ಚಟುವಟಿಕೆಯೂ ಇಲ್ಲದೆ ಅದು ಸತ್ತುಹೋಯಿತು.
ಕೆಲವು ಲಿಂಕ್‌ಗಳು-
1. ಹಳೆ ತುಳು ಲಿಪಿ.
2. ಉಡುಪಿಯ ಪ್ರಾದೇಶಿಕ ಸಂಶೋಧನಾ ಕೇಂದ್ರದವರು ತಯಾರಿಸಿದ ತುಳು ನಿಘಂಟಿನ ಮೂರು ಪುಟಗಳು. ಇವು ತುಳು ವರ್ಣಮಾಲೆ ಮತ್ತು ಅವುಗಳ ಅಕಾರಾದಿ ವಿಂಗಡಣೆಯನ್ನು ತೋರಿಸುತ್ತವೆ - ಪುಟ -1, ಪುಟ -2, ಪುಟ -3.
3. ತುಳು ಭಾಷೆ ಬಗ್ಗೆ ನಾನು ಕೊಟ್ಟ ಮಾಹಿತಿ ಪ್ರಕಾರ ಯುನಿಕೋಡ್ ಕನ್ಸೋರ್ಟಿಯಂ ಸದಸ್ಯರಾದ ಮೈಕೇಲ್ ಎವರ್‌ಸನ್ ಅವರು ತಯಾರಿಸಿರುವ ತುಳು draft proposal.

ಸಿಗೋಣ,
ಪವನಜ
-----------
Think globally, Act locally