ಇದೆಂಥಾ ಸಂಸ್ಕೃತಿ
August 2, 2007 - 4:50pm — ramesh-m
ಏನ್ಗುರು ಎಂಬ ಬ್ಲಾಗ್ ಒಂದನ್ನು ಯಾರೋ ಉತ್ಸಾಹಿಗಳು ಆರಂಭಿಸಿದ್ದಾರೆ. ಅಂತರ್ಜಾಲದಲ್ಲಿ ಹೀಗೆ ಕನ್ನಡ ಕಾಣಿಸಿಕೊಳ್ಳುವುದು ಸಂತೋಷದ ಸಂಗತಿ. ಆದರೆ ಇದನ್ನು ಸಂದರ್ಶಿಸುವವರ ಸಂಖ್ಯೆ ಹೆಚ್ಚಲಿ ಎಂಬ ಉದ್ದೇಶದಿಂದ ಸಿಕ್ಕ ಸಿಕ್ಕ ಬ್ಲಾಗ್ ಗಳಲ್ಲಿ ಕಂಡ ಲೇಖನಗಳ ಅಡಿಯಲ್ಲಿ ಲೇಖನದ ಬಗ್ಗೆ ಅಭಿಪ್ರಾಯ ಬರೆಯದೆ ಏನ್ಗುರು ಓದಿ ಎಂಬ ಒಂದು ಸಂದೇಶವನ್ನು ಬಿಟ್ಟು ಹೋಗುತ್ತಿದ್ದಾರೆ. ಈ ಬಗೆಯ ಸ್ಪ್ಯಾಮಿಂಗ್ ನನಗೇನೋ ಅಶ್ಲೀಲ ಅನ್ನಿಸುತ್ತದೆ. ಕನ್ನಡದಲ್ಲಿರುವ ಯಾವ ಬ್ಲಾಗಿಗರೂ ಈ ಬಗೆಯ ಸ್ಪ್ಯಾಮಿಂಗ್ ನಲ್ಲಿ ತೊಡಗಿಲ್ಲ. ಏನ್ಗುರು ಬಳಗ ಇನ್ನಾದರೂ ಇದರಿಂದ ದೂರವಿರಲಿ.
- Login or register to post comments
- 435 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಉ: ಇದೆಂಥಾ ಸಂಸ್ಕೃತಿ
ನಿಮ್ಮ ಅಭಿಪ್ರಾಯಕ್ಕೆ ನನ್ನ ಬೆಂಬಲವಿದೆ. ಏನ್ ಗುರು ನಿಮ್ಮ ಪ್ರಚಾರದ ಲಾಲಸೆ ಅತಿಯಾಯ್ತು... ನನ್ನ ಕೆಲವು ಬ್ಲಾಗ್ ಪ್ರತಿಕ್ರಿಯೆಗಳಲ್ಲಿ ಇವರ ಈ ಪ್ರಚಾರದ ಲಿಂಕುಗಳು ಸೇರಿ ತೊಂದರೆಯಾಯ್ತು... ಡಿಲಿಟ್ ಮಾಡಿ ಸಾಕಾಯ್ತು... ಹಾಗೆ ಪ್ರಚಾರ ಮಾಡುವ ಮೊದಲು ಆ ಬ್ಲಾಗ್ ಬರೆಯುವವರಿಗೆ ಸೌಜನ್ಯಕ್ಕಾದರೂ ಒಂದು ಮಾತು ಕೇಳಬೇಕು ಅನ್ನಿಸೊಲ್ಲವಾ? ಏನು ಗುರು ಉತ್ತರಿಸಿ...
_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com
ಉ: ಇದೆಂಥಾ ಸಂಸ್ಕೃತಿ
ನನ್ನದೂ ಸಂಪೂರ್ಣ ಸಹಮತಿ ಇದೆ... ನನ್ನ ಬ್ಲಾಗ್-ನಲ್ಲಿ ಹಾಕಿದರೆ ಅದನ್ನು ಡಿಲೀಟ್ ಮಾಡದೆ ಉಳಿಸಿಕೊಳ್ಳುವ ತಾಳ್ಮೆನನಗಿದೆ. ಆದರೆ, ಒಂದು ಸಾಂಘಿಕ ಉದ್ದೇಶದಿಂದ ಕಟ್ಟಿಕೊಂಡ ಗ್ರೂಪ್ ಬ್ಲಾಗ್ ಚಿತ್ರಕವನಕ್ಕೆ ಕೂಡಾ ಈ ಹಾವಳಿ ದಾಳಿಯಿಡುತ್ತದೆ... ಕಮೆಂಟ್ ವಿಭಾಗವನ್ನು ಕವನ ಅಥವಾ ಬರಹಗಳನ್ನು ಪೋಸ್ಟ್ ಮಾಡಲೆಂದು ನಾವಿಟ್ಟಿದ್ದರೆ ಅಲ್ಲಿ ಜಾಹೀರಾತುಗಳು ಪ್ರತ್ಯಕ್ಷವಾಗುತ್ತವೆ... ಏನ್ಗುರೂ, ನಾವ್ಯಾರೂ ಕನ್ನಡ ದ್ವೇಷಿಗಳಲ್ಲ, ಕನ್ನಡದ ಬ್ಲಾಗುಗಳು ಹೆಚ್ಚಿದಷ್ಟು ನಮಗೆಲ್ಲ ಖುಷಿ. ಆದರೆ, ನೀವು ಯಾರು ಅಂತ ಹೇಳಿಕೊಳ್ಳದೇ, ಸಿಕ್ಕಸಿಕ್ಕಂಗೆ ಬಂದು ಜಾಹೀರಾತು ಹಾಕಿದರೆ ಸಹಿಸಿಕೊಳ್ಳೋದು ಕಷ್ಟ ಆಗುತ್ತದೆ... ನಿಂಗೆ ಬೇಗ ಒಳ್ಳೆ ಬುದ್ಧಿ ಬರ್ಲಿ...
ಉ: ಇದೆಂಥಾ ಸಂಸ್ಕೃತಿ
ಶ್ರೀ ಅವರ ಅಭಿಪ್ರಾಯಕ್ಕೆ ನನ್ನ ಸಹಮತವಿದೆ. ನಾನು ನಿರ್ವಹಿಸುತ್ತಿರುವ ಒಂದು ಬ್ಲಾಗ್ ಗೂ ಏನ್ಗುರು ಜಾಹೀರಾತು ಬಂದಿತ್ತು. ತಣ್ಣಗೆ ಡಿಲಿಟ್ ಮಾಡಿ ಬಿಟ್ಟೆ. ಪದೇ ಪದೇ ಇಂಥದ್ದು ಬಂದರೆ ಏನು ಮಾಡುವುದು. ಅವಧಿ ಎಂಬ ಬ್ಲಾಗಿಗರೂ ಇದೇ ಕೆಲಸ ಮಾಡುತ್ತಿರುವಂತೆ ಇದೆ. ಪ್ರತಿಯೊಬ್ಬರೂ ತಮ್ಮ ಬ್ಲಾಗನ್ನು ಹೆಚ್ಚು ಜನ ಓದಲಿ ಎಂದು ಬಯಸುವುದು ಸಹಜ. ಈ ಹೆಚ್ಚು ಜನರನ್ನು ಸೆಳೆಯುವ ಆಸೆ ಉಳಿದವರಿಗೆ ತೊಂದರೆ ಉಂಟು ಮಾಡಬಾರದಲ್ಲವೇ? ಈ ಬಗೆಯ ಸ್ಪ್ಯಾಮಿಂಗ್ ಅನ್ನು ಎಲ್ಲರೂ ಖಂಡಿಸಬೇಕು.
ಇಸ್ಮಾಯಿಲ್ ನನ್ನ ಬ್ಲಾಗ್: http://ismail.in
ಉ: ಇದೆಂಥಾ ಸಂಸ್ಕೃತಿ
ನಾನು ನಿಯಮಿತವಾಗಿ ಓದುವ ಎಲ್ಲಾ ಕನ್ನಡ ಬ್ಲಾಗ್ ಗಳಲ್ಲೂ 'ಏನ್ಗುರು' ಹಾವಳಿ ಇತ್ತು. ಶ್ರೀ ಅವರು ಸರಿಯಾಗಿಯೇ ಬರೆದಿದ್ದಾರೆ. ಈ ವರ್ತನೆ ಅನಪೇಕ್ಷಣೀಯ. ಯಾರಿದನ್ನು ಮಾಡುತ್ತಿದ್ದಾರೋ ಅವರು ಬೇಗ ತಿದ್ದಿಕೊಳ್ಳುವುದು ಉತ್ತಮ. ಇದು ಕನ್ನಡದ ಅಂತರ್ಜಾಲ ಸಮುದಾಯದ ಬಗ್ಗೆಯೇ ಕೆಟ್ಟ ಅಭಿಪ್ರಾಯ ಮೂಡಿಸುವ ವರ್ತನೆ. ಇದು ಏನ್ಗುರು ನಿರ್ವಾಹಕರಿಗೆ, ಅಭಿಮಾನಿಗಳಿಗೆ ಅರ್ಥವಾಗಲಿ.
-ಯಾಮಿ