’ನುಲಿ’ ಎಂದರೆ ತಿರುಚಿದ, ಹಿಂಡಿದ ಮುಂತಾದ ತಿಳಿವಿದೆ. ಹೊಟ್ಟೆ ಹಿಂಡಿದಂತಾದ ನೋವು ಅನ್ನುವ ಅರಿಮೆಯೂ ಇದೆ. ಅದರಂತೆ ಬೆಂದ ನುಲಿಯಾ ಸಂದಿಸಬಹುದೇ? ಅಂದರೆ ಒಮ್ಮೆ ಪಟ್ಟ ನೋವನ್ನು ಮತ್ತೆ ಮತ್ತೆ ಪಡಲಾರೆವು, ಅದರಲ್ಲಿ ನೋವಿದೆ ಅಂತ ತಿಳಿದಾಗ ಅದರಿಂದ ದೂರವಾಗುತ್ತೇವೆ.

ಪಂಚಾಕ್ಷರಿಯಲ್ಲಿ ದಗ್ಧವಾದ( ಅದು ಧಗ್ದ/ಧಗ್ಧ ಅಲ್ಲಾ, ದಗ್ಧ) ನಿರ್ದೇಹಿಗೆ ಸಂದೇಹವುಂಟೆ?
ಅಂದರೆ ಪಂಚಾಕ್ಷರ(ಓಂ ನಮಃ ಶಿವಾಯ)ದಲ್ಲಿ ನಿಶ್ಯಂಕಿತರಾದ, ನಿರ್ದೇಹಿಗೆ(ಮೈಇಲ್ಲದ ಅಂದರೆ ಆತ್ಮಕ್ಕೆ) ಸಂದೇಹ, ಸಂಶಯಗಳು ಕಾಡವು.

ದಗ್ಧ ಅಂದರೆ ಸುಟ್ಟು ಹೋದ, ನಿಶ್ಯಂಕಿತವಾದ ಎಂಬ ತಿಳಿವುಗಳಿವೆ. http://baraha.com/nighantu

ಈ ವಚನದ ಒಟ್ಟಾರೆ ತಿಳಿವು,

ಅಟ್ಟುದನಡುವರೇ?, ಒಮ್ಮೆ ಅಟ್ಟುದನ್ನು ಮತ್ತೆ ಒಲೆಯ ಮೇಲಿಟ್ಟು ಅಡುವದಿಲ್ಲ, ಸುಟ್ಟುದ ಸುಡುವರೆ? ಇಲ್ಲ, ಸುಟ್ಟು ಬೂದಿಯಾದುದನ್ನು ಮತ್ತೆ ಸುಡಲಾಗದು, ಬೆಂದ ನುಲಿಯಾ ಸಂಧಿಸಬಹುದೇ? ಪಟ್ಟ ನೋವನ್ನು ಯಾರೂ ಮತ್ತೆ ಬಯಸಲಾರರು, ಪಂಚಾಕ್ಷರಿಯಲ್ಲಿ ದಗ್ಧವಾದ ನಿರ್ದೇಹಿಗೆ ಸಂದೇಹವುಂಟೆ? ಓಂ ನಮಃ ಶಿವಾಯ ಮಂತ್ರದಿಂದ ನಿಶ್ಯಂಕಿತರಾದವರು ಮತ್ತೆ ಸಂದೇಹಪಡಲಾರರು. ಇದು ಕಾರಣ ಕೂಡಲ ಸಂಗನ ಶರಣರು ಭ್ರಾಂತು ಸೂತಕ ಕ್ರೀಯಾವಿಹಿತರು, ಹೀಗೆ ಕೂಡಲ ಸಂಗನ ಶರಣರು ಭ್ರಾಂತಿಗಳಿಂದ ಕೂಡಿದ ಕರ್ಮಗಳಿಂದ ವಿಹಿತರು/ಮುಕ್ತರು.

ದಗ್ಧಸ್ಯ ದಹನಂ ನಾಸ್ತಿ ಪಕ್ವಸ್ಯ ಪಚನಂ ಯತಾ!
ಜ್ಞಾನಾಗ್ನಿದಗ್ಧದೇಹಸ್ಯ ನ ಪುನರ್ದಹನಕ್ರಿಯಂ!!

ಇದನ್ನೂ ಯಾರು ಬರೆದುದು? ಚನ್ನಬಸವಣ್ಣರೇ?

ಇಲ್ಲಿ ಪುನರ್ದಹನ ಅಂದ್ರೆ ಮರುಜನುಮ ಅಂತ ನನ್ನ ಅನ್ನಿಸು.

ಯಾರು ಅರಿವಿನ ಬೆಂಕಿಯಲ್ಲಿ ಇಡಿಯಾಗಿ ಬೆಯ್ಯವರೋ ಅವರಿಗೆ ಮರುಹುಟ್ಟು ಇಲ್ಲ. ಅಂದ್ರೆ ಹುಟ್ಟು-ಸಾವುಗಳ ತಿಗುರಿ/ಚಕ್ರದಿಂದ ಬಿಡುಗಡೆ( ಮೋಕ್ಷ )

ನನಗೆ ವಚನದಲ್ಲಿ ಸಂದೇಹವುಂಟೇ ಅಂದ್ರೆ ಈ ಬಿಡುಗಡೆ ಸಿಗುವುದರಲ್ಲಿ ಸಂದೇಹಬೇಡ, ಅದು ನಿಕ್ಕುವ ಎಂದಂತೆ ಅನ್ನಿಸಿತು.!!

ಸಂಗನರು ಚನ್ನಾಗಿ ಬಿಡಿಸಿದ್ದಾರೆ. ಈ ಎಳೆಯನ್ನು ಎಳೆದ ಸವಿತಾಗೆ ನನ್ನಿ!