ನನಗೆ ತಿಳಿದಂತೆ,

ಚಿಬಲು, ಚಿಬುಲು, ಚಿಬ್ಲು, ಚಿಬ್ಬಲು, ಚಿಬ್ಬುಲು = ದೋಸೆ ಬೇಯಿಸುವಾಗ ಅದನ್ನು ಮುಚ್ಚಲು ಉಪಯೋಗಿಸುವ ಮುಚ್ಚಳ!
ಮುಗ್ಗಲು = ಹಳಸಿದ, ಹಳೆಯ ವಾಸನೆ ಬರುವ

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.

ಬೆನಕ, ಸಿರಿನಿವಾಸ, ಸುನಿಲ, ಮಾಯ್ಸ ನನ್ನಿ, ತಮ್ಮ ಮರುಲಿಗಳಿಗಾಗಿ
ಬೇರೆ ಬೇರೆ ತಿಳಿವುಗಳು ಸಿಕ್ಕವು.

ನನಗೆ ಗೊತ್ತಿರುವುದು/ ನಾನು ಬಳಸುವುದು ಈ ಅರ್ತಗಳಲ್ಲಿ:-

ಚಿಬ್ಲು ಅಂದಾಗ ನನಗೆ ನೆನಪು ಬರುವುದು ಚಿಬ್ಲಿಡ್ಲಿ . ನಾವು ಈಗಲೂ ಇಡ್ಲಿ ಬೇಯಿಸಲು ಈ ತೆಳ್ಳಗಿನ ಬಿದುರಿನಲ್ಲಿ ಮಾಡಿದ ಚಿಬ್ಲುಗಳನ್ನೆ ಬಳಸೋದು.

ಮುಗ್ಲು = ಹಳಸಾಗಿರುವುದು. ಕೊಳೆತು ಹೋಗಿರುವುದು

ಮೊಗ್ಲು = ಮಗ್ಗುಲು. ಆದರೆ ಆಡುನುಡಿಯಲ್ಲಿ ಮೊಗ್ಲು ಆಗಿದೆ. ಮಾದರಿ: ಬಲ್ ಮೊಗ್ಲಲ್ಲಿ ಏಳಪ್ಪ , ಎಡ್ ಮೊಗ್ಲಲ್ಲಿ ಏಳಬೇಡಪ್ಪೊ
ಉನಿ = ಒದ್ದೆ ಮಾಡು, ನೆನೆ ಹಾಕು . ಇನ್ನೊಮ್ದು ಅರ್ತದಲ್ಲಿ ಇದು ಕೆಲಸಗಳನ್ನು pending ನಲ್ಲಿ ಇಡು ಅಂತ ಆಗುತ್ತೆ.
ಉದಾ: ಅವತ್ತಿನ ಕೆಲಸ ಅವತ್ತೇ ಮಾಡ್ದೆ ಏನ್ ಉನಿಯಾಕಂಡಿದಿಯಪ್ಪ

ಎಕ್ಕತ್ತು = ಇದು ಕತ್ತಿನ ಹಿಂಬಾಗ. ಹೇಗೆ ಬಿಡಿಸುವುದು ಗೊತ್ತಿಲ್ಲ
ಎಡೊತ್ತು = ಎಡ + ಹೊತ್ತು , ಅಂದ್ರೆ ನಮ್ಮಲ್ಲಿ 'ಬಲ'ಕ್ಕೆ ಸರಿ ಮತ್ತು 'ಎಡ' ತಪ್ಪು ಎಮ್ಬ ಅನಿಸು ಇದೆ. ಇಲ್ಲಿ ಎಡ= ಸರಿಯಲ್ಲದ ಎಂಬ ತಿಳಿವು
ಎಡೊತ್ತು = ಸರಿಯಲ್ಲದ ಹೊತ್ತು. ಹೊತ್ತಲ್ಲದ ಹೊತ್ತು
ಮಾದರಿ: ಏನಪ್ಪ ನೀನು ಎಡೊತ್ತಿನಲ್ಲಿ ತಿಂತಾ ಇದಿಯ. ಉಂಡಿದ್ ಮೈಗೆ ಇಡಿತದಾ?

ಮೊಗಳು = ಮುಚ್ಚಳ. ಇದನ್ನು ನಾವು ಎಳನೀರು ಬುಂಡೆ ಕೊಚ್ಚಬೇಕಾದರೆ ಹೇಳದು. ಮೇಲಿನ ಪದರವನ್ನು ಅರ್ದ ಕೊಚ್ಚಿ ಆಮೇಲೆ 'ಮೊಗಳು' ತೆಗೆದು ಎಳನೀರು ಕುಡಿಯದು.

---
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು