ಮಹೇಶರೆ,

ವಾಲ್ಮೀಕಿ ರಾಮಾಯಣದ ಪೂರ್ಣ ಪಾಠ ಇಲ್ಲಿದೆ.

http://www.sanskritdocuments.org/mirrors/ramayana/valmiki.htm

ಸಂಸ್ಕೃತ ಚೆನ್ನಾಗಿ ತಿಳಿದಿರುವ ನಿಮಗೆ ಹೆಚ್ಚಿನ ವಿವರ ಅಗತ್ಯವಿಲ್ಲ. ಉತ್ತರ ಕಾಂಡದ ನೂರನೇ ಅಧ್ಯಾಯದಲ್ಲಿ ಇಪ್ಪತ್ತೈದು ಶ್ಲೋಕಗಳಲ್ಲಿ ರಾಮನ ಸ್ವರ್ಗಾರೋಹಣವನ್ನು ವಿವರಿಸಲಾಗಿದೆ.

ಸಂಸ್ಕೃತದ ಪರಿಚಯ ಹೆಚ್ಚಿಲ್ಲದವರಿಗೆ ಇಲ್ಲಿ ಸ್ವಲ್ಪ ವಿವರಗಳನ್ನು ಕೊಡುತ್ತಿದ್ದೇನೆ

ಶ್ಲೋಕ ೧:

ಅಧ್ಯರ್ಧಯೋಜನಂ ಗತ್ಚಾ ನದೀ ಪಶ್ಚಾನ್ಮುಖಾಶ್ರಿತಾಮ್
ಸರಯೂಂ ಪುಣ್ಯಸಲಿಲಾಂ ದದರ್ಶ ರಘುನಂದನಃ

ಅರ್ಧ ಯೋಜನ ನಡೆದು, ಪಶ್ಚಿಮಾಭಿಮುಖವಾಗಿ ಹರಿಯುತ್ತಿರುವ (?) ಪುಣ್ಯತೀರ್ಥವಾದ ಸರಯೂ ನದಿಯನ್ನು ರಾಮನು ಕಂಡನು

ಶ್ಲೋಕ ೫:

ಸರಯೂ ಸಲಿಲಂ ರಾಮಃ ಪದ್ಭ್ಯಾಂ ಸ್ಮುಪಚಕ್ರಮೇ

ಸರಯೂ ನದಿಯ ನೀರನ್ನು ರಾಮನು ತನ್ನ ಪಾದಗಳಿಂದ ಹೊಕ್ಕನು

ಶ್ಲೋಕ ೬:

ತತಃ ಪಿತಾಮಹೋ ವಾಣೀಮಂತರಿಕ್ಷಾದಭಾಷತ
ಆಗಚ್ಚ ವಿಷ್ಣೋ ಭದ್ರಂ ತೇ ದಿಷ್ಟ್ಯಾ ಪ್ರಾಪ್ತೋಸಿ ರಾಘವ

ನಂತರ ಪೂರ್ವಜರ ಮಾತು ಆಕಾಶದಿಂದ ಕೇಳಿಬಂತು: ಓ ರಾಘವನೇ , ಮಂಗಳವಾಗಲಿ ನಿನಗೆ. ನೀನು ನಿನ್ನ (ವಿಷ್ಣು) ಲೋಕವನ್ನು ಹೊಂದಲಿರುವೆ(?)

ಶ್ಲೋಕ ೭:

ಭ್ರಾತೃಭಿಃ ಸಹ ದೇವಾಭೈಃ ಪ್ರವಿಶಸ್ವ ಸ್ವಕಾಂ ತನುಮ್
ವೈಷ್ಣವೀಂ ತಾಂ ಮಹಾತೇಜಸ್ತದಾಕಾಶಂ ಸನಾತನಂ

ತಮ್ಮಂದಿರೊಡನೆ, ನೀನು ನಿನ್ನದೇ ಆದ ಆ ಕಾಶದಷ್ಟು ಪ್ರಕಾಶಮಾನವಾದ ಮಹಾ ತೇಜಸ್ಸಿನ ತನುವನ್ನು ಪ್ರವೇಶಿಸು.

ಶ್ಲ್ಲೋಕ ೧೦:

ಪಿತಾಮಹ ವಚಃ ಶ್ರುತ್ವಾ ವಿನಿಶ್ಚಿತ್ಯ ಮಹಾಮತಿಃ
ವಿವೇಶ ವೈಷ್ಣವಂ ತೇಜಃ ಸಶರೀರಃ ಸಹಾನುಜಃ

ತನ್ನ ಪೂರ್ವಜರ (ಅಜ್ಜನ?) ಮಾತನ್ನು ಕೇಳಿ, ಆ ಧೀಮಂತನು ತನ್ನ ತಮ್ಮಂದಿರೊಡನೆ, ದೇಹದ ಸಮೇತ ವೈಷ್ಣವ ತೇಜಸ್ಸಿನನ್ನಿ ಒಂದಾಗಿ ಸೇರಿ ಹೋದನು.

-ಹಂಸಾನಂದಿ

-ಹಂಸಾನಂದಿ