'ಸಂಪದ'ದಲ್ಲಿ ಹಲವಾರು ಬದಲಾವಣೆಗಳು
ಸಂಪದ ದೊಡ್ಡದಾಗುತ್ತಿದ್ದಂತೆ ಇಲ್ಲಿರುವ ಲೇಖನಗಳನ್ನು ತಲುಪಲು ಕಷ್ಟವಾಗುತ್ತಿದೆ ಎಂದು ಹಲವರಿಂದ ದೂರು ಬಂದಿತ್ತು. ಅಲ್ಲದೇ ಮುಖ್ಯ ಪುಟದಲ್ಲಿ ಲೇಖನಗಳಿಗೆ ಬರಿಯ ಸಂಪರ್ಕಗಳು ಮಾತ್ರ ಇದ್ದರೆ ಚೆನ್ನ ಎಂದು ಹಲವರು ಅಭಿಪ್ರಾಯ ಪಟ್ಟಿದ್ದರು. ಪ್ರತಿ ದಿನ ತಪ್ಪದೇ ಸ್ಲಾಶ್ ಡಾಟ್ ಓದುವ ನನ್ನಂತಹ web addictಗಳು ಅಂತಹ ಮುಖ್ಯ ಪುಟಗಳಿಗೆ ಹೊಂದಿಕೊಂಡು ಬಿಟ್ಟಿರುತ್ತೇವಾದ್ದರಿಂದ ಬಹುಶಃ ನಮಗೆ ಕಷ್ಟವೆನಿಸದು. ಆದ್ದರಿಂದ ಎಲ್ಲರಿಗೂ ಸರಿಹೊಂದುವ ಬದಲಾವಣೆ ಮಾಡಿದರೆ ಒಳ್ಳೆಯದೆಂದುಕೊಂಡು ಈ ಹೊಸ ರೀತಿಯ main page ನಿಮ್ಮ ಮುಂದಿಡುತ್ತಿದ್ದೇನೆ. ನಿಮಗೆ ಇದು ಎಷ್ಟು ಹಿಡಿಸಿತು ಎಂಬುದನ್ನು ಹಾಗೂ ನಿಮ್ಮ ಸಲಹೆಗಳನ್ನು ತಪ್ಪದೆ ತಿಳಿಸಿ.
ಈ ವಾರದಿಂದ 'ಸಂಪದ'ದಲ್ಲಿ ಸೇರಿಸಲಾಗುವ ಪ್ರತಿ ಲೇಖನಕ್ಕೂ ಲೇಖಕರಿಗೆ 'ಪಾಯಿಂಟ್ಸ್' ದೊರೆಯುವುದು. ತಮಾಷೆಯಲ್ಲ
ಸದಸ್ಯರಲ್ಲಿ ಬರೆಯುವ ಹವ್ಯಾಸವನ್ನೂ ಹೀಗಾದರೂ ಹೆಚ್ಚು ಮಾಡಬಹುದೋ ನೋಡೋಣವೆಂದು ನಡೆಸಿರುವ ಪ್ರಯೋಗ.
ದೊರೆಯುವ ಪಾಯಿಂಟ್ಸ್ ಗಳು:
ಪ್ರತಿ ಲೇಖನಕ್ಕೆ: ೧೦
ಪ್ರತಿ ಬ್ಲಾಗ್ ದಾಖಲೆಗೆ: ೨
ಪ್ರತಿಯೊಂದು ಟಿಪ್ಪಣಿ, ಕಾಮೆಂಟು, ಮತ್ತಿತರೆಗಳಿಗೆ: ೧
ಮುಂದೊಮ್ಮೆ ಅತಿ ಹೆಚ್ಚು ಪಾಯಿಂಟುಗಳನ್ನು ಗಳಿಸಿರುವ ಸದಸ್ಯರು ಕೆಲವರಿಗೆ ಏನಾದರೂ ಗಿಫ್ಟು ಕೊಟ್ಟು ಅವರ ಕನ್ನಡ ಪ್ರೇಮಕ್ಕೆ ಮೆಚ್ಚುಗೆ ತೋರಿಸಬಹುದು. ಏನಂತಿರಿ? ![]()

- Login or register to post comments
- 911 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ





RSS:
ಹಿಂದಿನದೇ ಚಂದ
ನೀವೇನೇ ಹೇಳಿ.. ಚಿಕ್ಕ ಲಿಂಕ್ ಗಿಂತ ಪ್ರಿವಿವ್ ನೊಂದಿಗಿನ ಹಿಂದಿನ ಡಿಸೈನ್ ಚೆನ್ನಾಗಿತ್ತು ಅಂತಾ ನನಗೆ ಅನಿಸುತ್ತಿದೆ... ಏನೋ ನನಗೆ ಹೊಸ ಡಿಸೈನ್ ಹಿಡಿಸಲಿಲ್ಲ
ಪ್ರಕಾಶ್ ಶೆಟ್ಟಿ ಉಳೆಪಾಡಿ
ಈಗಿನದೇ ಚಂದ
ನನಗಂತೂ ಈಗಿನ ವಿನ್ಯಾಸವೇ ಚಂದ ಅನ್ನಿಸುತ್ತಿದೆ. ಇದು ನನ್ನ ವೈಯಕ್ತಿಕ ಅಭಿಪ್ರಾಯ.
ಸಿಗೋಣ,
ಪವನಜ
-----------
Think globally, Act locally
ಡಿಸೈನ್ ಬದಲಾವಣೆಗಳು
ಮತ್ತೆ ಸ್ವಲ್ಪ ಬದಲಾವಣೆ ಮಾಡಿದ್ದೇನೆ. ಈಗ ಲಾಗಿನ್ ಆದ ಮೇಲೆ preivewನೊಂದಿಗಿನ ಹಿಂದಿನ ತರಹದ ಡಿಸೈನ್ ಬರುತ್ತದೆ.
ಇನ್ನು ಥೇಟ್ ಮುಂಚಿನ ತರಹದ ಪುಟ ಬೇಕು ಎಂದರೆ, ಅದೂ ಉಂಟು, ಆದರೆ ಲಿಂಕನ್ನು ನೀವೇ ಟೈಪಿಸಿಯೋ ಅಥವಾ ಬುಕ್ಮಾರ್ಕ್ ಮೂಲಕವೋ ಹಾಕಿಕೊಂಡು ಪುಟಕ್ಕೆ ತಲುಪಬೇಕು. ಇಲ್ಲಿದೆ ಆ ಪುಟ, ನೋಡಿ.
--
http://hpnadig.net/blog
http://kn.wikipedia.org
"ಹೊಸ ಚಿಗುರು, ಹಳೆ ಬೇರು"
ಹೊಸ ಬಟ್ಟೆ ಚಂದಿದೆ
ನಾಡಿಗರೇ
ಈಗ ಹಾಕಿರುವ ಹೊಸ ಬಟ್ಟೆ ತುಂಬಾ ಚೆನ್ನಾಗಿದೆ. ಸಿಂಪಲ್ಲಾಗಿ ಒಂದು ಚಡ್ಡಿ ಬನಿಯನ್. ಇಷ್ಟೇ ಸಾಕು ಮಗು ಆರಾಮವಾಗಿ ಆಟ ಆಡಿಕೊಂಡಿರತ್ತೆ.
ಜಾಸ್ತಿಯ ಅಬ್ಬರ ಇಲ್ಲ.
ನನಗಾದ ಇನ್ನೊಂದು ಅನುಭವ ಎಂದರೆ ಸಂಪದದಲ್ಲಿ ಏನನ್ನೇ ಪೋಸ್ಟಿಸಿದರೂ ತಕ್ಷಣ ಮರಳಿ ಬರುವುದು. ಇದಕ್ಕೂ ಬಟ್ಟೆಗೂ ಏನಾದರೂ ಸಂಬಂಧವಿರಬಹುದೇ?
ವಂದನೆಗಳೊಂದಿಗೆ
---
ತವಿಶ್ರೀನಿವಾಸ