ನೆನ್ನೆ ಅದು ಯಾವ ಗರವೋ, ಬಸವನಗುಡಿಯ ಉಮಾದಲ್ಲಿ ’ಹೊಂಗನಸು’ ಎಂದು ಸಿನಿಮಕ್ಕೆ ಹೋದ್ವು.

ಅಪ್ಪ... ಯಾವಾಗ ಮುಗಿಯತ್ತೆ ಅನ್ನಿಸ್ತಿತ್ತು..

ನನ್ನ ಅನಿಸಿಕೆಯಲ್ಲಿ ಸಿನಿಮ ಒಂದು ಎಂಟರ್‌ಟಯ್ನಮೆಂಟು, ಹೋಗಿ ಒಂದು ಹೂದೋಟವನ್ನೂ, ಕಡಲ-ತೀರವನ್ನು ನೋಡಿದಂತೆ. ಅದರ ಚಲುವು ಸವಿಯುವುದ ಅಶ್ಟೇ, ಅದನ್ನು ಬಿಟ್ಟು "ಈ ಗುಲಾಬಿಯಾಕೆ ಕೆಂಪಗೇ ಇದೆ" ಅಂತೆಲ್ಲ ತೆಲೆಗೆಡಿಸಿಕೊಳ್ಳೋದು ಸರಿಯಲ್ಲ.

ಆದ್ರೆ, ಈ ಸಿನಿಮ ಹೂದೋಟದ ಜಾಗದಲ್ಲಿ ಮುಳ್ಳುದೋಟವನ್ನು, ಕಡಲ-ತೀರದ ಜಾಗ ನೀರೇ ಇಲ್ಲದ ತೊರೆಯ ಹರಿವನ್ನು ನೋಡಿದಂತಾಯ್ತು..

ನಂನಂತ ಹುಡುಗರಿಗೆ ಹಿಡಿಸುವ ಕೆಲವು ಸಂಗತಿಗಳೂ ಇಲ್ಲ . ಹಿರೊಯಿನ್ ಚನ್ನಾಗಿ ಮಾಡಿಲ್ಲ. ಅವರ ಬಟ್ಟೆ-ಸಿಂಗಾರ ಚನ್ನಾಗಿಲ್ಲ. ಇನ್ನೂ ಹಿರೋಗೋ ಹಾಡುಗಳಲ್ಲಿ ಕೆಟ್ಟಕೆಟ್ಟದಾಗಿ ಬಟ್ಟೆಗಳನ್ನು ತೊಡಿಸಿದ್ದಾರೆ.

ಟಯಿಮ್ಸ್ ಆಪ್ ಇಂಡಿಯದಲ್ಲಿ ಈ ಹೊಂಗನಸಿಗೆ ಮೂರು ಚುಕ್ಕಿ ಬಂದಿತ್ತು. ಕನ್ನಡ ಸುದ್ದಿಯೋಲೆಗಳು ಚನ್ನಾಗಿಲ್ಲ ಅಂತ ಬರೆದಿದ್ವು. ’ಗಾಳಿಪಟ’ ಚನ್ನಾಗಿತ್ತಲ್ಲ.. ಅದಕ್ಕೆ ಹೋಗಿದ್ದು.

ನಂಗೆ ತೀರಾ ಬೇಸರವಾಗಿದ್ದು ಹಂಸಲೇಕ ಅವರ ಮ್ಯೂಸಿಕ್ಕು!!