"ಞ ಮತ್ತು ಙ ಹವ್ಯಕಕನ್ನಡದಲ್ಲೂ ಇದೆ, ತುಳುವಿನಲ್ಲೂ ಇದೆ. ಕಯ್ಯಾರ ಕಿಞ್ಞಣ್ಣ ರೈ ಎಮ್ಬುದನ್ನು ಕಿಂನಣ್ಣ ಅಥವ ಕಿನ್ನಣ್ಣ ಎನ್ದು ಬರೆಯಲಾಗುವುದಿಲ್ಲ. ಡಿ ಎನ್ ಶಙ್ಕರ ಭಟ್ಟರು ಅನುಸ್ವಾರದ ಬಳಕೆಯನ್ನು ವಿರೋಧಿಸುತ್ತರೆ.ಹಾಗಾದರೆ 'ಸಂಗೀತ'ವನ್ನು ಸಙ್ಗೀತ ಎನ್ದು ಬರೆಯಬೇಕಲ್ಲವೇ?"

ಇದಕ್ಕೆ ಉತ್ತರದ ಪ್ರಯತ್ನ :

ಞ ಮತ್ತು ಙ ಬಗ್ಗೆ "ಕನ್ನಡ ನುಡಿ ನಡೆದು ಬಂದ ದಾರಿ"ಯಲ್ಲಿ ಚನ್ನಾಗಿ ಹೇಳಿದ್ದಾರೆ. ಪ್ಲೀಸ್ ಓದಿ.

ಕನ್ನಡದ ಯಾವುದೇ ಪದ ಇವೆರಡರಿಂದ ಮೊದಲಾಗಲ್ಲ.. ಓಸುಗರ

೧) ಮೂಲದ್ರಾವಿಡದಲ್ಲಿ ’ಞ’ ಇಂದ ಮೊದಲಾಗುತ್ತಿದ್ದ ಒರೆಗಳು ಕನ್ನಡದಲ್ಲಿ ಞ ಇಂದ ಮೊದಲಾಗುವುವು.
ಮಾದರಿ
ಞೇಯಿರ => ನೇಸರ
೨) ’ಕಿಞ್ಞಣ್ಣ’ ಈ ಒಂದು ಒರೆಯನ್ನು ಬಿಟ್ಟು ಕನ್ನಡದಲ್ಲಿ ಎಲ್ಲೂ ಞ ಮತ್ತು ಙ ಮೂಗುಲಿಗಳು ಇಡಿಯಕ್ಕರ(ಪೂರ್ಣವ್ಯಂಜನ/ವ್ಯಂಜನ+ಸ್ವರ) ಆಗಿ ಬರುವುದೇ ಇಲ್ಲ.

ಮಾದರಿ, ಆನೆ, ಹಣ, ಆಮೆ, ಅಣತಿ ಹಾಗೆ ಆಞೆ ಹಙ, ಅಞತಿ ಇಂತ ಒರೆಗಳಿಲ್ಲ.

೩) ಇನ್ನು ಮೂಗುಲಿಗಳು ಅರೆವ್ಯಂಜನ( ಸ್ವರವಿಲ್ಲದ್ದು ) ಆಗಿ ಒರೆಯ ನುಡುವೆ ಬರುವೆಡೆ ನಾವು ಕನ್ನಡದಲ್ಲಿ ’೦’ರ ಬಳಕೆ ಮಾಡುವೆವು.
ಮಾದರಿಗಳು
ಅನ್ದ => ಅಂದ
ಅಣ್ಟು => ಅಂಟು
ಅಞ್ಚೆ => ಅಂಚೆ
ಅಙ್ಕೆ => ಅಂಕೆ
ಅಮ್ಬು => ಅಂಬು
ಸಞ್ಗೀತ => ಸಂಗೀತ (ಸಞ್ಗೀತ ಅಂತ ಬರೆಯೋದು ತಮಿಳು ಪದ್ದತಿ. ಏಕೆಂದರೆ ತಮಿಳಲ್ಲಿ ೦ ಇಲ್ಲ )
ಶಙ್ಕರ ಅಂತ ಯಾವ ಕನ್ನಡಿಗನೂ ಬರೆಯಲ್ಲ ಅದು ಎಂದಿನಿಂದಲೂ ಶಂಕರವೇ.

೪) ಞ್ ಮತ್ತು ಙ್ ಇಂದ ಕನ್ನಡದ ಯಾವ ಒರೆಯೂ ಕೊನೆಯಾಗಲ್ಲ.

ಇದು ಞ ಮತ್ತು ಙ ಎಂಬ ಲಿಪಿಅಕ್ಷರ/ಬರೆಗುರುತುಗಳು ಮಾಮೂಲಿ ಬಳಕೆಯ ಕನ್ನಡಕ್ಕೆ ಹೇಗೆ ಅನವಶ್ಯಕ/ಬೇಡವಾದುದು ಎಂದು ತೋರಲು ಶಂಕರಭಟ್ಟರು ನೀಡಿರುವ ಅಂಶಗಳು. ಇದರಲ್ಲಿ ಯಾವ ಕೊರತೆಯಾಗಲಿ ತಪ್ಪು ಇಲ್ಲ.

ಅವರ ಬರಹಗಳಲ್ಲಿ ನಿಚ್ಚಳವಾಗಿ ಪಂಡಿತರಿಗಾಗಿ ಇಂದು ೫೩ ಅಕ್ಕರದ ದೊಡ್ಡ ವರ್ಣಮಾಲೆಯನ್ನು ಮತ್ತು ಮಾಮೂಲಿ ಮಂದಿಗಾಗಿ ೨೬ ಅಕ್ಕರದ ಒಂದು ಚೊಕ್ಕಟವಾದ ವರ್ಣಮಾಲೆಯನ್ನು ಪ್ರಸ್ತಾಪಿಸಿದ್ದಾರೆ( ತಮಿಳಿನಲ್ಲಿರುವ ಗ್ರಂಥ ಮತ್ತು ತಮಿಳು ಲಿಪಿಯಂತೆ ) ಹೊರತು, ಪಂಡಿತರೂ, ಸಂಸ್ಕೃತವನ್ನು ಕನ್ನಡ ಲಿಪಿಯಲ್ಲಿ ಬರೆಯುವವರು ಕೂಡ ಈ ಅಕ್ಕರಗಳನ್ನು ಬಿಡಿ ಎಂದಿಲ್ಲ.

ಮತ್ತೆ ಅವರ ಬರಹಗಳನ್ನು ಓದಿ.. ಇದು ಸುಸ್ಪಷ್ಟ.
================

ಇನ್ನು ಲಿಪಿ ಅಕ್ಷರಗಳ ಸಂಗತಿ ಆಯಿತು. ಇನ್ನು ಕನ್ನಡಿಗರು ಈ ಞ ಮತ್ತು ಙಗಳನ್ನು ಸ್ವಾಭಾವಿಕವಾಗಿ ಉಲಿಯಬಲ್ಲರೆ? ಎಂಬ ಪ್ರಶ್ನೆಗೆ ಉತ್ತರ
೧) ಒರೆಯ ಮೊದಲಲ್ಲಿ ಉಲಿಯಲಾರರು. ಅಂದ್ರೆ ಮಳಯಾಳಿಗಳಂತೆ ಞೇಯರ ಅನ್ನು ನಾವು(ಕನ್ನಡಿಗರು ಅತಿಹೆಚ್ಚು ಮಂದಿ) ನೇಯರ ಅಂತ ಉಲಿಯುವೆವು ಸ್ವಾಭಾವಿಕವಾಗಿ
೨)ಒರೆಯ ಕೊನೆಯಲ್ಲೂ ಇದೆ.
೩)ಞ ಮತ್ತು ಙಗಳಿಗೆ ಸ್ವರ ಸೇರಿಸಿ ಉಲಿಯಲಾರರು( ಸ್ವಾಭಾವಿಕವಾಗಿ ).

ಇದಕ್ಕೆಲ್ಲ ಆಧಾರ ಪುರಾವೆಗಳಾಗಿ ನಡೆಸಿರುವ ಆರಯ್ಯಗಳ ಬಗ್ಗೆ ಅವರ ಬರಹದಲ್ಲೇ ಓದಿ.

ಆದುದರಿಂದ ಕನ್ನಡಿಗರು ಙ ಮತ್ತು ಞಗಳನ್ನು ಸರಿಯಾಗಿ ಉಲಿಯ ಸಂದರ್ಭ ಒಂದೇ ಒಂದು, ಅದು ಒರೆಯ ನಡುವೆ ಬರುವ ಅರೆವ್ಯಂಜನ ರೂಪ. ಮಾದರಿ ಅಂಕೆ, ಅಂಚೆ

"ಕಯ್ಯಾರ ಕಿಞ್ಞಣ್ಣ" ದಯವಿಟ್ಟು ಇದನ್ನು ಸರಿಯಾಗಿ perfect ಹೇಗೆ ಉಲಿಯುವುದು ಹೇಗೆ ಎಂದು ಒಬ್ಬರು ಆಡಿಯೋ ಹಾಕಿರಿ. ೯೦% ಕನ್ನಡಿಗರು ’ಕಿಞ್ಞಣ್ಣ’ ಸ್ವಾಭಾವಿಕವಾಗಿ ಕಷ್ಟಪಡದೇ ಉಲಿಯಲಾರರು. ( ಇದೆ ವಾದವನ್ನು ಋ ಮತ್ತು ಷಗಳಿಗೂ ಅನ್ವಯ ಮಾಡಬೋದು )

ಕಷ್ಟಪಟ್ಟರೆ, ತರಬೇತಿ ನೀಡಿದರೆ Russian ಅನ್ನು ಕೂಡ ಉಲಿಸಬೋದು. ಆದರೆ ಸಂಗತಿ ಅದಲ್ಲ.
=================