ನಾನಂತೂ ಇಂತಹ ಪದ್ಯ ಕಂಡಿರಲಿಲ್ಲ, ಕೇಳಿರಲಿಲ್ಲ. ಅಲ್ಲ, ಜನ ಹೇಗೇಗೆಲ್ಲಾ ಆಟ ಆಡ್ತಾರೆ ನೋಡಿ. ಸರಿ ಇಲ್ಲಿ, ನಾನು ಒಂದಷ್ಟು ಸ್ಪರ್ಧೆಗಳನ್ನು ಏರ್ಪಡಿಸುತ್ತಾ ಇದ್ದೀನಿ. ಗೆದ್ದವರಿಗೆ ಒಳ್ಳೆಯ ಬಹುಮಾನ ನೀಡಲಾಗುವುದು ಅಳ(ಗ್ಯಾರೆಂಟಿ).

ಸ್ಪರ್ಧೆ ೧. ಇದರ ಅರ್ಥ ಬಿಡಿಸಬೇಕು

ಜಡೆಯಿಡುಕುಱೆಡೆಯೆಡೆಯೊಳಡಿಯಿಡುವ ಕಡಲತಡಿ
ವಿಡಿದುಡುಗಡಣದೊಡೆಯನೊಡಲೊಡಕು ನಡನಡುಗಿ
ಬಡಕರಿಸಿ ಮಿಡುಮಿಡುಕಲಡಿಗಡಿಗೆ ಜಡಿಜಡಿದು ಪಡಪಡಿಪ ನಡುನಯನದ
ಮಡುವಿಡುವ ಜಲಧಿಯಂ ಕಡೆವ ಕಡೆಯೊಳ್ ಮೂಡಿ
ಘುಡುಘುಡಿಸಿ ಪಡೆಯ ಪಡಲಿಡೆ ಕೆಡಪುವುದ ತುಡುಕಿ
ಪಿಡಿದೊಡನೆ ಪೊಸೆದು ಕೊರಳೆಡೆ ತೊಡೆದ ಹಂಪೆಯ ಮೃಡಂ ಬಿಡದೆ ಸಲಹುಗೆಮ್ಮ

ಸ್ಪರ್ಧೆ ೨. ಈ ಪದ್ಯ ಇರುವ ಕೃತಿ ಗಮಕಿಗಳ ಕೈಗೆ ಸಿಕ್ಕು, ಕರ್ನಾಟಕದ ಮೂಲೆ ಮೂಲೆಗೆ ಹರಡಿಬಿಡ್ತಂತೆ. ಸಂಪದದಲ್ಲಿ ಗಮಕಿಗಳು ಯಾರಾದರು ಇದ್ದರೆ ತಮ್ಮ ನೈಪುಣ್ಯವನ್ನು ತೋರ್ಪಡಿಸಲು ಉತ್ತಮ ಅವಕಾಶ.

ಸ್ಪರ್ಧೆ ೩. ಇದನ್ನು ಬೇರೆ ನುಡಿಗೆ ಅನುವಾದ ಮಾಡಬೇಕು. ಮುಖ್ಯವಾಗಿ ಇಂಗ್ಲೀಷಿಗೆ. ಸಾಧ್ಯವೋ.

ಕೊಸರು
೧. ಇಷ್ಟೆಲ್ಲ ಆದಮೇಲೆ ಇದು ಯಾವ ಪದ್ಯ ಹೇಳಬೇಕಲ್ಲವೇ. ಊಹುಂ!! ಸ್ವಲ್ಪ ಕಷ್ಟಪಡಿ.
೨. ಇದಕ್ಕೆ ಒಂದು ಮ್ಯೂಸಿಕ್ ಟ್ಯೂನ್ ಮಾಡಬೇಕು. ಸಂಗೀತ ಬಲ್ಲವರು ಸ್ವಲ್ಪ ಇತ್ತಕಡೆ ಗಮನ ಹರಿಸಿ.