ಕುವೆಂಪುರವರು ಹುಟ್ಟಿದ್ದು ಅವರ ತಾಯಿಯ ತವರುಮನೆಯಾದ ಚಿಕ್ಕಮಗಳೂರು ಜಿಲ್ಲೆಯ ಕೊಪ್ಪ ತಾಲ್ಲೂಕಿನ 'ಹಿರೇಕೊಡಿಗೆ'ಯಲ್ಲಿ. ಅವರ ತಂದೆಯ ಊರು ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿ ತಾಲ್ಲೂಕಿನ ಮತ್ತೂರು ಹೋಬಳಿಯ 'ಕುಪ್ಪಳಿ'ಯಲ್ಲಿ ಅವರ ಬಾಲ್ಯ ಕಳೆದದ್ದು. ಎರಡೂ ಗ್ರಾಮಗಳೂ ಆಯಾ ಜಿಲ್ಲೆಗಳ ಗಡಿಗೆ ಅತಿ ಸಮೀಪದ ಗ್ರಾಮಗಳು. ಈಗ ಗೊಂದಲ ಪರಿಹಾರವಾಗಿದೆಯೆಂದು ನಂಬುತ್ತೇನೆ.

ಕುಪ್ಪಳಿಯಲ್ಲಿ ಕವಿಶೈಲ ಹಾಗೂ ಕವಿಮನೆಗಳಿದ್ದರೆ, ಹಿರೇಕೊಡಿಗೆಯಲ್ಲಿ ಕುವೆಂಪು ಸಂದೇಶ ಭವನವಿದೆ. ಕುಪ್ಪಳಿಯಿಂದ ಒಂದು ಮೈಲಿ ದೂರದಲ್ಲಿದೆ, ಶಿವಮೊಗ್ಗ ಹಾಗೂ ಚಿಕ್ಕಮಗಳೂರು ಜಿಲ್ಲೆಗಳ ಗಡಿ. ಆ ಊರಿನ ಹೆಸರೂ 'ಗಡಿಕಲ್ಲು'!