ಚಾಗದ ಭೋಗದಕ್ಕರದ...

ಚಾಗದ ಭೋಗದಕ್ಕರದ ಗೇಯದ ಗೊಟ್ಟಿಯಲಂಪಿನಿಂಪುಗ-
ಳ್ಗಾಗರಮಾದ ಮಾನಿಸರೆ ಮಾನಿಸರಂತವರಾಗಿ ಪುಟ್ಟಲೇ-
ನಾಗಿಯೊಮೇನೊ ತೀರ್ದಪುದೆ ತೀರದೊಡಂ ಮಱಿದುಂಬಿಯಾಗಿ ಮೇಣ್‍
ಕೋಗಿಲೆಯಾಗಿ ಪುಟ್ಟುವುದು ನಂದನದೊಳ್‍ ವನವಾಸಿ ದೇಶದೊಳ್‍||

ತೆಂಕಣಗಾಳಿ ಸೋಂಕಿದೊಡಮೊಳ್ನುಡಿಗೇಳ್ದೊಡಮಿಂಪನಾಳ್ದ ಗೇ-
ಯಂ ಕಿವಿವೊಕ್ಕೊಡಂ ಬಿರಿದ ಮಲ್ಲಿಗೆಗಂಡೊಡಮಾದ ಕೆಂದಲಂ-
ಪಂ ಕೆಡೆಗೊಂಡಡಂ ಮಧುಮಹೋತ್ಸವಮಾದೊಡಮೇನನೆಂಬೆನಾ-
ರಂಕುಸವಿಟ್ಟೊಡಂ ನೆನೆವುದೆನ್ನ ಮನಂ ವನವಾಸಿ ದೇಶಮಂ||

ಇದನ್ನು ನಾವು ಆರನೇ ತರಗತಿಯಲ್ಲಿ ಓದಿದ ಜ್ಞಾಪಕ. ಆವಾಗ ಒಂದಕ್ಷರಾನೂ ಅರ್ಥ ಆಗಿರಲಿಲ್ಲ !!! :-).

ಚಾಗದ (ತ್ಯಾಗದ)ಭೋಗದ (=) ಅಕ್ಕರದ(ವಿದ್ಯೆಯ) ಗೇಯದ (ಸಂಗೀತದ) ಗೊಟ್ಟಿಯ(ವಿಚಾರದ) ಅಲಂಪಿನ(ರಸಿಕತೆಯ) ಇಂಪುಗ
ಳ್ಗೆ(ಸೊಗಸುಗಳಿಗೆ) ಆಗರವಾದ (=) ಮಾನಿಸರೆ ಮಾನಿಸರ್‍ (ಸಾರ್ಥಕಜೀವಿ) ಅಂತವರಾಗಿ ಪುಟ್ಟಲೇ
ನಾಗಿಯುಮೇನೊ ತೀರ್ದಪುದೇ (ಅಂತವರಾಗಿ ಹುಟ್ಟದೆ ಏನೋ ಆಗಿಬಿಟ್ಟರೆ ಆಯಿತೇ?) ತೀರದೊಡಂ ಮರಿದುಂಬಿಯಾಗಿ ಮೇಣ್‌
ಕೋಗಿಲೆಯಾಗಿ ಪುಟ್ಟುವುದು ನಂದನದೊಳ್‌ ಬನವಾಸಿ ದೇಶದೊಳ್ (ಬನವಾಸಿ ದೇಶವೆಂಬ ನಂದನದಲ್ಲಿ ಮರಿದುಂಬಿಯಾಗಿ ಅಥವಾ ಕೋಗಿಲೆಯಾಗಿ ಆದರೂ ಹುಟ್ಟಬೇಕು)

ತಪ್ಪಿದ್ದರೆ ಕ್ಷಮಿಸಿ,

ಪ್ರೀತಿಯಿಂದ
ಸಿ ಮರಿಜೋಸೆಫ್