ಈ ಅರಿವು ಅನ್ನುವುದರ ಇರುವಿಕೆ ನಿಜವಾದರೆ, ಅದು ಹುಟ್ಟಿನಿಂದಲೇ ಮಾನವನಿಗೆ ಏಕೆ ತಿಳಿದಿಲ್ಲ? ಯೋಗ, ಧ್ಯಾನ, ಇವೆಲ್ಲ ಮಾಡಿದ ಮೇಲೆ ತಿಳಿಯುತ್ತೆ ಅಂತ ಯಾಕೆ ಹೇಳುತ್ತಾರೆ? Why is every human being not born enlightened(if there is something called enlightenment?) ಇದು ನನ್ನ ಪ್ರಶ್ನೆ.

ಆತ್ಮಕ್ಕೆ, ಜನ್ಮಗಳಿಗೆ ಇನ್ನೂ ಖಚಿತ ಸಾಕ್ಷಿ ಸಿಕ್ಕಿಲ್ಲ.

ಅಂದಹಾಗೆ ಭೈರಪ್ಪರವರ "ನಾಯಿ-ನೆರಳು" (ಪುಸ್ತಕ - ಸಿನಿಮಾ ಕಥೆಯಲ್ಲಿ ಬೇರೆ ರೀತಿ ಇದೆ) ಬಗ್ಗೆ ಆಸಕ್ತಿ ಹುಟ್ಟಿಸುವ ಸಂಗತಿಗಳಿವೆ.

ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ

ಮಾಧವ,
ಇದು ಕೇಳಿದ್ದೇನೆ. ಆದ್ರೂ ಇದು ಏಕೆ ಹೀಗೆ complicated process ಆಯ್ತು? ಇದನ್ನು ಹೀಗೆ ಮಾಡಿದ್ದು ಯಾರು ಅಂತೆಲ್ಲಾ ಅನ್ಸತ್ತೆ.

ಮೈಯ ಕಣಕಣದಲ್ಲೂ ಹಾಸುಹೊಕ್ಕಾಗಿರತ್ತೆ ಅಂತ ಹೇಳ್ತಾರೆ. ತಪ್ಪು ಅನ್ನಕ್ಕೆ ಇದೇನೂ ಸರ್ಕಾರಿ ನಿಯಮ ಅಲ್ವಲ್ಲ!!

"ಏರಿದವನು ಚಿಕ್ಕವನಿರಬೇಕು"

ಮಾಯ್ಸ,
ಕುಂಡಲಿನಿ ಶಕ್ತಿಯ ಬಗ್ಗೆ ಕೇಳಿದ್ದೀರ? ಇದು ದೇಹದಲ್ಲಿ ಬೆನ್ನೆಲುಬಿನ ತುದಿಯಲ್ಲಿ ಸುಪಾವಸ್ತೆಯಲ್ಲಿರುತ್ತೆ, ಮತ್ತು ಯೋಗಕ್ರಿಯೆಗಳಿಂದ ಇದನ್ನು ಮೇಲಕ್ಕೆ ಹರಿಯುವಂತೆ ಮಾಡಿದಲ್ಲಿ, ತಲೆಯಲ್ಲಿರುವ ಕೊನೆಯ ಚಕ್ರವಾದ ಸಹಸ್ರಾರ ಚಕ್ರದಲ್ಲಿ ಇದು ಸಂಪೂರ್ಣ ಜಾಗೃತಗೊಳ್ಳುತ್ತದೆ. ಇದನ್ನೇ ಆತ್ಮ ಅನ್ನುತ್ತಾರೇನೋ.

ಆತ್ಮ ಇಲ್ಲ ಅಂತ ನಂಬಿದರೆ, ಹುಟ್ಟು ಮತ್ತು ಸಾವನ್ನು ಹೇಗೆ ವಿವರಿಸುತ್ತೀರಿ? ದೇಹಕ್ಕೆ ಜೀವ ಎಲ್ಲಿಂದ ಬರುತ್ತೆ ಮತ್ತು ಸತ್ತಾಗ ಎಲ್ಲಿಗೆ ಹೋಗುತ್ತೆ?

ಆತ್ಮ ದೇಹದಲ್ಲಿ ಎಲ್ಲಿರುತ್ತದೆ ಎಂಬುದಕ್ಕೆ ವಿಜ್ಞಾನದಲ್ಲಿ ಉತ್ತರವಿದೆಯೋ ಇಲ್ಲವೋ ಗೊತ್ತಿಲ್ಲ,
ಆದರೆ ವೇದಗಳಲ್ಲಿನ ವಿವರಣೆ ಅಚ್ಚುಕಟ್ಟಾಗಿದೆ. ಉದಾ:

ನಾರಾಯಣ ಸೂಕ್ತ:
...ಪದ್ಮಕೋಶಪ್ರತೀಕಾಶಂ ಹೃದಯಂ ಚಾಪ್ಯಧೋಮುಖಂ
ಅಧೋನಿಷ್ಟ್ಯಾ ವಿತಸ್ತ್ಯಾಂತೇ ನಾಭ್ಯಾಮುಪರಿ ತಿಷ್ಠತಿ...

ಆತ್ಮ ಅಥವಾ ಪರಮಾತ್ಮ(ನಾರಾಯಣ) ಹೊಕ್ಕಳಿನ ಮೇಲೆ, ಹೃದಯದ ಕೆಳಗೆ,
ತಲೆಕೆಳಗಾದ ಕಮಲದ ಮೊಗ್ಗಿನಂತಹ ಕೋಶಾಕೃತಿಯ ಒಳಗೆ ಪ್ರಕಾಶಿಸುತ್ತಿದ್ದಾನೆ.

... ಜ್ವಾಲಮಾಲಾಕುಲಂ ಭಾತಿ ವಿಶ್ವಸ್ಯಾಯತನಂ ಮಹತ್

ವಿಶ್ವವೆಂಬ ಮನೆಯ ಮೂರ್ತಿರೂಪವಾದ ಜ್ವಾಲೆಯಂತೆ ಕಾಣುತ್ತಾನೆ.

... ತಸ್ಯ ಮಧ್ಯೇ ವಹ್ನಿ ಶಿಖಾ ಅಣೀಯೋರ್ಧ್ವಾ ವ್ಯವಸ್ಠಿತಃ
ನೀಲತೋಯದ ಮಧ್ಯಸ್ಥಾ ವಿದ್ಯುಲ್ಲೇಖೇವ ಭಾಸ್ವರಾ...

ಆ ಕೋಶದ ನಡುವಿನಲ್ಲಿ ಬೆಂಕಿಯ ತುದಿಯಂತಹ ಅತಿ ಸಣ್ಣ ಕಣವಿದ್ದು,
ಕಾರ್ಮೋಡದ ನಡುವಿನಲ್ಲಿ ಮಿಂಚು ಹೊಳೆದಂತೆ ಪ್ರಕಾಶಿಸುತ್ತದೆ.

... ತಸ್ಯ ಶಿಖಾಯಾಂ ಮಧ್ಯೇ ಪರಮಾತ್ಮಾ ವ್ಯವಸ್ಥಿತಃ
ಸ ಬ್ರಹ್ಮ ಸ ಶಿವಸ್ಸಹರಿ ಸೇಂದ್ರ ಸೋಕ್ಷರಃ ಪರಮ ಸ್ವರಾಟ್...

ಆ ಬೆಂಕಿಯಣುವಿನ ಮಧ್ಯೆ ಪರಮಾತ್ಮನಿದ್ದಾನೆ.
ಅವನೇ ಬ್ರಹ್ಮ, ಶಿವ, ಹರಿ, ಇಂದ್ರ ಹಾಗೂ ನಾಶವಾಗದ ಭವ್ಯ ಸ್ವಯಂ ತೇಜಸ್ಸು.

--> ಪಾಶ್ಚಾತ್ಯ ಅನಾಟಮಿಯ ಕಲ್ಪನೆಯೂ ಇಲ್ಲದ ಕಾಲದ ನಮ್ಮ ವೇದಗಳ ವಿವರಣೆ ಅದ್ಭುತವಲ್ಲವೆ!?

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.