ತೀರ ಕೊರಗುವಷ್ಟೆನೂ ಸೊರಗಿಲ್ಲ ಅನಿಸುತ್ತಿದೆ.. ನಾನು ಕಂಡಂತೆ ಇತ್ತೀಚೆಗೆ ಸುಮಾರು ಹೊಸ ಹೊಸ ಸದಸ್ಯರು ಸೇರಿದ್ದಾರೆ ಮತ್ತು ಚಟುವಟಿಕೆಯಿಂದಿದ್ದಾರೆ.
ಮೊದಲು ನೆಡೆಯುತ್ತಿದ್ದ ’ಗಂಭೀರ’ ಚರ್ಚೆಗಳೂ ಬಹಳ ದಿನ ನೆಡೆದಾಗ ಮೆರುಗು ಕಳೆದುಕೊಂಡು ಬೇಸರ ಬರಿಸುವುದು ಸಹಜ. ಒಂದಷ್ಟು ದಿನ ಸಂಪದದಲ್ಲಿ ಯಾವುದೇ ವಿಷಯದ ಬಗ್ಗೆ ಹಾಕಿದರೂ ಕೆಲವರಿಂದ ಅದರಲ್ಲಿನ ಅಕ್ಷರ, ಭಾಷೆಯ ಬಗ್ಗೆ, ವ್ಯಾಕರಣದ ಬಗ್ಗೆ ಚರ್ಚೆ ತಿರುಗಿಬಿಡುತ್ತಿದ್ದುದು ವಿಪರ್ಯಾಸವಾಗಿತ್ತು. ಆದರೆ ಈಗ ಅಂತಹವರ ’ಹಾವಳಿ’ ಕಡಿಮೆಯಾಗಿ ವಿಷಯದ ಮೇಲೆ ಚರ್ಚೆ ನೆಡೆಯುತ್ತಿದೆ. ಅದೇ ಖುಷಿ. ಸುಮಾರು ಹಳೆಯ ಸದಸ್ಯರು ಇಲ್ಲಿ ಮಾತನಾಡುವುದನ್ನು ಕಡಿಮೆ ಮಾಡಿರುವುದು/ನಿಲ್ಲಿಸಿರುವುದಂತೂ ಹೌದು. ನಾವು ಆದಷ್ಟು ಜನಕ್ಕೆ ಸಂಪದವನ್ನು ಪರಿಚಯಿಸಿ ತೊಡಗಿಸಿಕೊಳ್ಳುವಂತೆ ಮಾಡಬೇಕು. ಈ ಮೊದಲು ಹೇಳಿದಂತೆ ಸಂಪದಕ್ಕೆ ’ಕನ್ನಡ’ವೊಂದೇ ಮಿತಿಯಾಗಿದ್ದರೆ ಸಾಕು.

*****************
......ನಾದವಂತೆ ವೇದವಂತೆ
ಒಂದೂ ತಿಳಿಯೇ ನಾ.........
*****************

"ಕನ್ನಡದ ಬಗ್ಗೆ ನಡೆಯುವ ಚರ್ಚೆಗಳನ್ನು ಆಸಕ್ತಿಯಿಂದ ಕೇಳುವವರಿದ್ದಾರೆ ಓದುವವರಿದ್ದಾರೆ", ಎಂಬ ಅಂಶವನ್ನು ತಿಳಿದು ತುಂಬಾ ಸಂತೋಷವಾಯಿತು. ಅಂದಹಾಗೆ, ಅಹಂಕಾರಿ, ಕನ್ನಡವನ್ನು ಕುರಿತಾದ ಚರ್ಚೆಗಳೇನು ನಿಂತಿಲ್ಲ. ಉಲ್ಲಿ, ಊಗಳ ಚರ್ಚೆ ಗಮನಿಸಿಯೇ ಇರುತ್ತೀರಿ

ಆಕ್ಚುಲಿ ಹೇಳಬೇಕೆಂದರೆ, "ಸಂಸಾರದಲ್ಲಿ ಮಕ್ಕಳೆಷ್ಟಿರಬೇಕು" ಎಂಬುವಷ್ಚರ ಮಟ್ಟಿಗೆ, ಪ್ರಚಲಿತ ವಿದ್ಯಮಾನಗಳ ಬಗ್ಗೆ ಚರ್ಚೆಗಳು ನಡೆಯುತ್ತಿರುವುದು ಒಳ್ಳೆಯ ಬೆಳವಣಿಗೆಯಂತೆ ನನಗೆ ಕಾಣುತ್ತಿದೆ. ಇದು ಮೆಚ್ಚಬೇಕಾದ ಅಂಶ. ವ್ಯಾಕರಣಗಳ, ಹಳಗನ್ನಡ ಇವುಗಳ ಮೇಲಿನ ಚರ್ಚೆ ಇದ್ದೇ ಇರುತ್ತೆ ಬಿಡಿ. ಆದರೆ ಆದರ್ಶವಾದದ ಜೊತೆಗೆ ವಾಸ್ತವಜ್ಞಾನವೂ ಇರಬೇಕಲ್ಲ ಹಾಗೆ, ಇವುಗಳ ಜೊತೆ ಪ್ರಚಲಿತ ವಿದ್ಯಮಾನಗಳನ್ನೂ ಚರ್ಚೆಸಿ ಬಹಳಷ್ಟು ಅಂಶಗಳನ್ನು ತಿಳಿದುಕೊಳ್ಳೋಣ.

ಗುಱುಱಾಜ
www.kannadaguru.blogspot.com

ಹಾಗೆನಿಲ್ಲ ಅನ್ಸುತ್ತೆ ಅಹ೦ಕಾರಿಯವರೇ, ಸ೦ಪದ ಎನ್ನುವುದು ಒ೦ದು ವಿಭಿನ್ನ ಅಭಿರುಚಿಗಳಿರುವ ಜನರ ದೊಡ್ಡ ಕುಟು೦ಬದ೦ತೆ.ಕೆಲವರಿಗೆ ಗ೦ಭೀರ ಚರ್ಚೆಗಳು ಇಷ್ಟವಾಗುತ್ತವೆ. ಇನ್ನು ಕೆಲವರಿಗೆ ಈ ರೀತಿಯ ಹಾಡು ಜುಗಲಬ೦ದಿಗಳ ಚರ್ಚೆಗಳು.ಎರಡೂ ತಪ್ಪಲ್ಲ. ಅಲ್ಲದೇ ಒಟ್ಟೊಟ್ಟಿಗೆ ಎಲ್ಲಾ ರೀತಿಯ ಚರ್ಚೆಗಳು ಸ೦ಪದದಲ್ಲಿ ನಡೆಯುತ್ತವೆ ಮಾತು ಸ೦ಪದಿಗರು ಎರಡೂ ರೀತಿಯ ಚರ್ಚೆಗಳಲ್ಲಿ ಪಾಲ್ಗೊಳ್ಳುತ್ತಾರೆ(ಸ೦ಪದದಲ್ಲಿ ಕವಿತೆ,ಜುಗಲ್ ಬ೦ದಿಗಳ ಚರ್ಚೆ ನಡೆಯುತ್ತಿದ್ದಾಗಲೇ ,ಪ್ರತಾಪ ಸಿ೦ಹರ ಲೇಖನದ ಬಗ್ಗೆ ಮತ್ತು ಹಾವೇರಿಯ ರೈತನ ಬಗ್ಗೆ ಕೂಡಾ ಚರ್ಚೆ ನಡೆಯುತ್ತಿದೆ) .