ನನಗೆ ಲಗ್ನಗಳನ್ನು ಹೇಗೆ ಲೆಕ್ಕಹಾಕುತ್ತಾರೆಂದು ಗೊತ್ತಿಲ್ಲ.

ಆದರೆ ಅಭಿಜಿತ್ ಅನ್ನುವುದು ಒಂದು ನಕ್ಷತ್ರ - ಒಂದು ಕಾಲದಲ್ಲಿ ೨೮ ನಕ್ಷತ್ರಗಳನ್ನು ಹೇಳುತಿದ್ದರು. ಆ ಸರಣಿಯಲ್ಲಿ, ಶ್ರವಣ ಮತ್ತೆ ಧನಿಷ್ಟಾ ನಡುವೆ ಈ ನಕ್ಷತ್ರ ಬರುತ್ತೆ. ಆದರೆ, ಸುಮಾರು ೨ ಸಾವಿರ ವರ್ಷಗಳಿಂದ ೨೭ ನಕ್ಷತ್ರಗಳ ಪಟ್ಟಿಯನ್ನೇ ಬಳಸುತ್ತಿರುವುದರಿಂದ ಅಭಿಜಿತ್ ಹೊರಗೆ ಹೋಗಿದೆ.

ಇನ್ನೊಂದು ವಿಶೇಷವೆಂದರೆ (ನಿಮ್ಮ ಪ್ರಶ್ನೆಗೆ ಸಂಬಂಧ ಪಡದ) - ಅಭಿಜಿತ್ ನಕ್ಷತ್ರವು ಆಕಾಶದ ಉತ್ತರಾರ್ಧಗೋಳದಲ್ಲಿ ಕಾಣುವ ಅತಿ ಪ್ರಕಾಶಮಾನವಾದ ನಕ್ಷತ್ರ.

-ಹಂಸಾನಂದಿ
ಪುರಂದರ ದಾಸರ ರಚನೆಗಳಿಗಾಗಿ ಇಲ್ಲಿ ಚಿಟಕಿಸಿ :- http://purandara.wordpress.com/

ಅಭಿಜಿತ್ ಲಗ್ನಕ್ಕೂ ಅಭಿಜಿತ್ ತಾರೆಗೂ ಸಂಬಂಧವಿಲ್ಲ!

ಲಗ್ನವೆಂದರೆ ಆಯಾ ಸ್ಥಳದಲ್ಲಿ ಆ ಕಾಲದಲ್ಲಿ ಪೂರ್ವದಿಕ್ಕಿನಲ್ಲಿ (ಉದಯಿಸುತ್ತಿರುವ) ಕಾಣುವ ರಾಶಿ ಅಥವಾ ಅಸೆಂಡೆಂಟ್.
ಇದನ್ನು, ರೈಟ್ ಅಸೆನ್‍ಶನ್ ಆಫ್ ಸೈಡೀರಿಯಲ್ ಝೋಡಿಯಾಕ್ ಅಥವಾ ನಾಕ್ಷತ್ರಿಕ ಕಾಲಮಾನರೀತ್ಯಾ ರಾಶಿಯ ಉದಯದ ಮೇಲೆ ಲೆಕ್ಕ ಹಾಕುತ್ತಾರೆ.
ಉದಾ: ಬೆಂಗಳೂರಿನ (ಉ ಅಕ್ಷಾಂಶ ೧೨-೫೮, ಪೂ ರೇಖಾಂಶ ೭೭-೩೬) ಜೂನ್ ೨೬ ೨೦೦೮ ರ ಬೆಳಿಗ್ಗೆ ೧೦:೩೦ ಕ್ಕೆ ಉದಯಿಸುವ ರಾಶಿ ಸಿಂಹ; ಆದ್ದರಿಂದ ಆ ಕಾಲಕ್ಕೆ ಆ ತಾಣಕ್ಕೆ ಅದು ಸಿಂಹಲಗ್ನ. ಕಾಲ-ದೇಶಗಳು ಬದಲಾದರೆ, ಸಹಜವಾಗಿಯೇ ಲಗ್ನವೂ ಬದಲಾಗುತ್ತದೆ.
ಉದಾ: ಬೆಂಗಳೂರಿನ ಅದೇ ದಿನದ ಸಂಜೆ ೬:೩೦ ಕ್ಕೆ ಲಗ್ನ ಧನುಸ್ ಆಗುತ್ತದೆ;
ಜೂನ್ ೨೬ ೨೦೦೮ ರ ಸಂಜೆ ೬:೩೦ಕ್ಕೆ ಸ್ಯಾನ್ ಫ್ರಾನ್ಸಿಸ್ಕೋನಲ್ಲಿ ಲಗ್ನ ವೃಶ್ಚಿಕವಾಗುತ್ತದೆ.

ಈಗ ನಿಮ್ಮ ಪ್ರಶ್ನೆಗೆ ಉತ್ತರ:
ಬೆಳಿಗ್ಗೆ ಸೂರ್ಯೋದಯಕ್ಕೆ ಪೂರ್ವದಲ್ಲಿ ಸೂರ್ಯನೂ ಕಾಣುವುದರಿಂದ, ಆಗ ಲಗ್ನದಲ್ಲೇ ಸೂರ್ಯನು ಇರುತ್ತಾನೆ.
ಇದನ್ನೇ ಲಗ್ನಸೂರ್ಯ ಅಥವಾ ಒಂದನೇ ಮನೆಯಲ್ಲಿ ಸೂರ್ಯ ಇದ್ದಾನೆ ಎನ್ನುವುದು.
ಕಾಲ ಸರಿದಂತೆ. ಸೂರ್ಯ ಏರುತ್ತಾ ಹೋಗಿ ಪಡುವಣಕ್ಕೆ(ಹಿಂದಕ್ಕೆ) ಚಲಿಸುತ್ತಾನೆ; ಪೂರ್ವದಲ್ಲಿ ಕಾಣುವ ಲಗ್ನದ ರಾಶಿ ಬದಲಾಗುತ್ತಾ (ಮುಂದಕ್ಕೆ) ಹೋಗುತ್ತದೆ.
ಅಂದರೆ, ಲಗ್ನ(ಒಂದನೇ ಮನೆ) ಸೂರ್ಯನಿಂದ ಬದಲಾಗುತ್ತಾ, ಎರಡನೇ, ಮೂರನೆ ಮನೆಗಳಾಗುತ್ತಾ ಹೋಗಿ ಮಾರನೆಯ ದಿನದ ಸೂರ್ಯೋದಯಕ್ಕೆ ಮುನ್ನ
೧೨ ಮನೆಗಳನ್ನೂ ದಾಟಿ ಬರುತ್ತದೆ!

ಸೂರ್ಯನಿಂದ ಲಗ್ನವು ನಾಲ್ಕನೇ ಮನೆಯಾದಾಗ, ಅದಕ್ಕೆ "ಅಭಿಜಿತ್" ಲಗ್ನವೆನ್ನುತ್ತಾರೆ! ಅಥವಾ ಸೂರ್ಯ ಸರಿಯಾಗಿ ನೆತ್ತಿಯ ಮೇಲೆ ಬರುವಾಗ ಕಾಣುವ ಲಗ್ನವೇ ಅಭಿಜಿಲ್ಲಗ್ನ!
ಇನ್ನೊಂದು ರೀತಿ ಹೇಳಿದರೆ, ನಭೋಬಿಂದು (ಮೀಡಿಯಂ ಸೀಲೀ) ವಿನಲ್ಲಿ ರವಿಯಿರುವಾಗ ಪೂರ್ವದಲ್ಲಿ ಕಾಣುವ ಲಗ್ನವೇ(ಅಸೆಂಡೆಂಟ್) ಅಭಿಜಿತ್.

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.

ಅಭಿಜಿತ್ ಒಂದು ಶುಭ ಯೋಗ (ಲಗ್ನ)
ಸರ್ವ ಯೋಗ ಲಗ್ನ ಅಂತಾರೆ
ಈ ಲಗ್ನದಲ್ಲಿ ಯಾವುದೇ ಕೆಲಸ ಮಾಡಿದರೂ ಜಯ ನಿಶ್ಚಿತ

http://thereda-mana.blogspot.com/

ರೂಪ