ಮರಿಜೋಸೆಫರೆ,

ಹಿಂದೆ ಪಕ್ಷಿ ಮುಖವಾಡ ಹಾಕ್ಕೋತಿದ್ದ, ಈಗ ನನ್ನ ಮುಖವನ್ನೇ ಹಾಕ್ಕೊಂಡಿರುವ ನನ್ನ ಸ್ವಂತ ಅಭಿಪ್ರಾಯದಲ್ಲಿ

* ಇದಕ್ಕೆ ಕೀಳರಿಮೆಯೂ ಹಿಂಜರಿಕೆಯೂ ನಾಚಿಕೆಯೂ ಇನ್ನ್ಯಾವುದೂ ಇಲ್ಲ
* ಹಾಕ್ಕೊಂಡಿರೋ ಚಿತ್ರ ಅವರಿಗೆ ಬಹಳ ಪ್ರೀತಿಯದ್ದಾಗಿರಬಹುದು (ನಾನು ನನಗೆ ಬಲು ಇಷ್ಟವಾದ ಆಕಾಶ/ನಕ್ಷತ್ರದ ಥೀಮ್ ಇರುವ ಚಿತ್ರವನ್ನ, ನನ್ನ ಐಡಿ ಆದ ಹಂಸಾನಂದಿ ಅನ್ನೋದಕ್ಕೆ ಹೊಂದೋ ಹಂಸದ ಪಕ್ಷಿಯ ಚಿತ್ರದ ರಾಶಿಯ ಚಿತ್ ಹಾಕ್ಕೊಂಡಿದ್ದೆ; ಹಾಗೇ ಬೇರೆಯವರಿಗೆ ಬೇರ್ಬೇರೆ ಕಾರಣ ಇರಬಹುದು, ಅಥವಾ ಇನ್ಯಾವುದೇ ವಿಶೇಷ ಕಾರಣ ಇಲ್ದೇ ಇರಬಹುದು)
* ಅಂತರ್ಜಾಲದಲ್ಲಿ ತಮ್ಮ ಮುಖ ತೀರಾ ಎಲ್ಲಾ ಕಡೆ ಕಾಣ್ಬಾರ್ದು ಅಂತಿರಬಹುದು
* ತಮ್ಮ ಮುಖಕ್ಕಿಂತ ಅಲ್ಲಿರುವ ಚಿತ್ರ ಅರ್ಥಪೂರ್ಣ ಅನ್ನಿಸಬಹದು (ನನ್ನ ಇಂಗ್ಲಿಷ್ ಬ್ಲಾಗ್ http://neelanjana.wordpress.com/ ನ ಮುಖಪುಟದ ಚಿತ್ರವನ್ನ ನಾನು ಆಗಾಗ ಬದಲಿಸುತ್ತಿರುತ್ತೇನೆ- ಆದರೆ ಆ ಬದಲಾವಣೆಗಳ ಹಿಂದೆ ಒಂದು ಕಾಮನ್ ಥ್ರೆಡ್ ಇರತ್ತೆ)
* ಆಯಾ ಸಂದರ್ಭಕ್ಕೆ ಅವರಿಗೇನನ್ನಿಸ್ತಿದೆಯೋ ಅದನ್ನ ತೋರಿಸೋದಕ್ಕೆ ಈ ಚಿತ್ರ/ಮುಖವಾಡ ಒಂದು ದಾರಿ ಇರಬಹುದು. ಉದಾಹರಣೆಗೆ, ಮಹೇಶ ಅವರು ಈಗ ಅವರ ಮದುವೆಯ ಎಂಗೇಜ್ಮೆಂಟ್ ನ ಉಂಗುರ ತೊಡಿಸಿರೋ ಚಿತ್ರ ಹಾಕ್ಕೊಂಡಿದಾರೆ ನೋಡಿ
* ....

ಹೀಗೇ ಬರೀತಾನೇ ಹೋಗ್ಬಹುದು

-ಹಂಸಾನಂದಿ
ಪುರಂದರ ದಾಸರ ರಚನೆಗಳಿಗಾಗಿ ಇಲ್ಲಿ ಚಿಟಕಿಸಿ :- http://purandara.wordpress.com/

ಊರಿಂದ ಭಾವ ಬರ್ತಾರೆ, ಏರೋಪ್ಲೇನು ತರ್ತಾರೆ, ಓಡೋಡಿ ಬಂದು ಹತ್ತಿರ ನಿಂತು ಕೆನ್ನೆಗೆ ಮುತ್ತನು ಕೊಡ್ತಾರೆ . . ಇದೊಂದು ಹಳೆಯ ಚಲನಚಿತ್ರಗೀತೆ. ಇಲ್ಲಿ ಒಂದು ಹೆಣ್ಣು ಮಗುವಿನ ನೆಪದಲ್ಲಿ ತಾನೇ ಮುತ್ತು ಪಡೆಯುವಂತೆ ಭಾವಿಸಿ ಪುಳಕಗೊಳ್ಳುತ್ತಾಳೆ.
ಹಿರಣ್ಣಯ್ಯನವರ ಒಂದು ನಾಟಕದಲ್ಲಿ ಅವರು ಯಜಮಾನನಿಗೆ "ಥೂ! ಹಲ್ಕಾ ನನ್ನಮಗ, ಬೋ-ಮಗ, ಕಂತ್ರಿ ಸೂ-ಮಗ, ಲೋಫರ್ ನನ್ಮಗ, ಥೂ ಥೂ ಥೂ" ಎಂದು ಉಗಿದು "ಸಾರ್ ಹೀಗೆ ನಾನು ಉಗೀತಿಲ್ಲ. ಜನ ಉಗೀತಿದ್ದಾರೆ" ಅನ್ತಾರೆ.
ಈ ಎರಡೂ ಸನ್ನಿವೇಶಗಳಲ್ಲಿ ಮನಸ್ಸು ಹೇಳಿದ್ದನ್ನು ಬಾಯಿ ತಿರುಚಿ ಹೇಳಿದೆ.
ಮನಸ್ಸನ್ನು ಬಿಚ್ಚಿ ಹೇಳಲು ಧೈರ್ಯ ಬೇಕು. ಪ್ರಾಮಾಣಿಕತೆ ಇದ್ದಲ್ಲಿ ಧೈರ್ಯ ತಾನೇ ತಾನಾಗಿ ಬರುತ್ತದೆ.

ಇಲ್ಲಿ ಸಂಪದದಲ್ಲೂ ಹಾಗೆ. ಬಿಚ್ಚುಮನ, ಮುಕ್ತಮನದಿಂದ ಸಂವಾದಿಸುವವರು ಮುಖವನ್ನು ತೋರಗೊಡುತ್ತಾರೆ. ನಾನೇನೂ ಮಣೆ ಹಾಕಲು ಅಥವಾ ಮುತ್ತು ಕೊಡಲು ಮುಖ ತೋರಬೇಕು ಎನ್ನುತ್ತಿಲ್ಲ, ಮುಖಕ್ಕೆ ಬಣ್ಣದ ಕನ್ನಡಕ ಹಾಕ್ಕೊಳ್ಳಿ, ರುಮಾಲು ಕಟ್ಟಿಕೊಳ್ಳಿ, ಒಟ್ಟಿನಲ್ಲಿ ಮುಖ ತೋರಿಸಿ.
ಭಾವಚಿತ್ರ ಎಂದು ಬಾಕ್ಸು ಇರುವುದರಿಂದ ಅಲ್ಲಿ ನಿಮ್ಮ ಮುಖವನ್ನಷ್ಟೇ ತೋರಬೇಕು. ಬೇರೆಯವರ ಮುಖವನ್ನಾಗಲೀ ಅಥವಾ ನಿಮ್ಮ ದೇಹದ ಇನ್ಯಾವುದೋ ಅಂಗವನ್ನಾಗಲೀ ಅಲ್ಲ. ಪ್ರಾಣಿ ಮತ್ತು ಹೂವುಗಳನ್ನಂತೂ ಅಲ್ಲವೇ ಅಲ್ಲ.

ನಾಡಿಗರಿಗೆ ಒಂದು ಮಾತು: ಮುಖ ಕೊಟ್ಟು ಮಾತಾಡುವುದು ಬಹುಸಂಖ್ಯೆಯ ಜನರಿಗೆ ಇಷ್ಟವಿಲ್ಲವಾದಲ್ಲಿ ಆ ಬಾಕ್ಸನ್ನೇ ಕಿತ್ತುಹಾಕಿಬಿಡಿ.

ನನ್ನ ಅಭಿಪ್ರಾಯ ಬೇಡವಾದಲ್ಲಿ ಅದನ್ನೂ ಕಿತ್ತು ಹಾಕಿಬಿಡಿ.

ಪ್ರೀತಿಯಿಂದ
ಸಿ ಮರಿಜೋಸೆಫ್

ಎರಡು ತಲೆ ಅನ್ನೋದನ್ನ ಅನ್ವಯಿಸಬಹುದೇನೋ?

ಪ್ರೀತಿಯಿಂದ
ಸಿ ಮರಿಜೋಸೆಫ್