ಮಾರಾಯ..

ಇಲ್ಲಿ ನಿಮಗೆ ಹೊತ್ತಗೆ ಗೊತ್ತಿಲ್ಲ ಅಂದರೆ ಕನ್ನಡದ ಒಂದು ಒರೆ/ಪದ ಗೊತ್ತಿಲ್ಲ..

ಹಾಗಾದರೆ ಇಂಗ್ಲೀಶ್ ಮಾತಾಡುವಾಗಲೂ ಹೀಗೇ ಮಾತಾಡ್ತೀರ?
come for ಊಟ ಅಂತೀರ? ಆದರೆ ಲಂಚಿನಗೆ ಬಾ ಅನ್ನಬೋದು ಅಲ್ವ?

ಹೀಗೆ ಸಂಸ್ಕೃತದಲ್ಲೂ ಗುಬ್ಬಿ ಏಕಃ ಪಕ್ಷಿಃ ಎಂದು ಹೇಳಿಕೊಡಲ್ಲ ಬದಲಿಗೆ ಚಷಕಃ ಎಂದೇ ಗುಬ್ಬಿಗೆ ಹೇಳಿಕೊಡೋದು.. !!

ವಿಶಯ ಇರೋದು ಬಲುಕಡಮೆ ಬಳಸಿ ಅಂತ, ಬಳಸಲೇಬೇಡಿ ಅಂತ ಅಲ್ಲ.. !! ಅಚ್ಚಕನ್ನಡದ ಮಾತಲ್ಲ ಇದು.. !!

"ಭಾಷೆ ಇರೋದು ನಮಗೆ ಅರ್ಥ ಆಗಲಿ ಅಂತ ಅಲ್ವಾ?"
ಇಲ್ಲಿರುವ ಮೂರು ಮುಕ್ಕಾಲು ಮಂದಿಗೆ ಇಂಗ್ಲೀಶ್ ಬರತ್ತೆ ಹಾಗಂತ ಅದರಲ್ಲೇ ಮಾತಾಡಣ. ಅರ್ತ ಆಗತ್ತಲ್ಲ? ಇನ್ನು ಕನ್ನಡ-ಗಿನ್ನಡ ಯಾಕೆ?

ತಲೆಸಾಲನ್ನು ಸರಿಯಾಗಿ ಓದಿ "ಕನ್ನಡ ಉಳಿಸಲು ಆಡುಮಾತು-ಬರಹದಲ್ಲಿ ಬಲುಕಡಮೆ ಸಂಸ್ಕೃತವನ್ನು ಬಳಸಿ"

ಕನ್ನಡ ಉಳೀಬೇಕು ಅಂದರೆ ಕನ್ನಡದ ಒರೆಗಳು ಉಳೀಬೇಕು
ಕನ್ನಡ ಒರೆಗಳು ಉಳೀಬೇಕು ಅಂದರೆ ಹೊರನುಡಿಒರೆಗಳು ಕಡಮೆ ಆಗಬೇಕು
ಕನ್ನಡದಲ್ಲಿ ಬಲುಹೆಚ್ಚು ಇರುವ ಹೊರನುಡಿಒರೆಗಳು ಸಂಸ್ಕೃತದವು
ಅದಕ್ಕೆ ಸಂಸ್ಕೃತದ ಹೆಚ್ಚುವರಿ ಎರವಲು ಬಂದ ಒರೆಗಳ ಕಡಮೆಯಾಗಬೇಕು...
ಇದೇ ಲಾಜಿಕ್ಕು/ತರ್ಕ/ಎಣಿಕೆ ಇಂಗ್ಲೀಶೂ ಮುಂತಾದ ಹೊರನುಡಿಒರೆಗಳಿಗೂ ಹೊಂದುವುದು...!!

=====================================
ಮಾಯ್ಸ!

ನಿಮ್ಮ ಅನಿಸಿಕೆ ತಪ್ಪು..

ಕಕ್ಕಸುಮನೆ ಶೌಚಾಲಯ
ಅಚ್ಚುಮನೆ ಮುದ್ರಣಾಲಯ
ದೊಡ್ಡ ಬೆಂಗಳೂರು => ಬೃಹತ್ ಬೆಂಗಳೂರು

ಇವೆಲ್ಲ ಸಂಸ್ಕೃತದ ಹೊಡೆತವೇ>..
ಇಂಗ್ಲೀಶೂ ಬೇಡ, ಸಂಸ್ಕೃತವೂ ಬೇಡ.. ಇಂದು ಕನ್ನಡ ನಿಗಂಟು ಎಂದು ಹೊರಬಂದಿರುವ ಹಲವು ಒರೆಗಂಟಲ್ಲಿ ೫೦% ಹೆಚ್ಚು ಸಂಸ್ಕೃತಪದಗಳಿವೆ...

ಒಮ್ಮೆ ನೋಡಿ.. ನಿಮ್ಮ ಅನಿಸಿಗಿಂತ ಲೆಕ್ಕ ಸಂಸ್ಕೃತವನ್ನೇ ಬೆರಳುಮಾಡಿ ತೋರುವುದು..

’ಬೃಹತ್ ಬೆಂಗಳೂರು ಮಹಾನಗರ ಅಭಿವೃದ್ಧಿ ಪ್ರಾಧಿಕಾರ’ ಕನ್ನಡವಲ್ಲ ಸಂಸ್ಕೃತ !!

ಅಬ್ಬ ಸಂಸ್ಕೃತ ಸತ್ತಿದೆ ಎಂದು ಹೇಳಿದ್ದಕ್ಕೆ ನನ್ನಿ.. ಹಲವರು ಇನ್ನು ಅದನ್ನು ಮರುಹುಟ್ಟುಹಾಕು ಸರ್ಕಸ್ ಮಾಡುತ್ತಿದ್ದಾರೆ. ಅದರ ಹೊಡೆತ ಕನ್ನಡಕ್ಕೆ ಬೀಳುತ್ತಿದೆ.
=====================================
ಮಾಯ್ಸ!

ದಯವಿಟ್ಟು ಡಿ.ಎನ್.ಶಂಕರ ಬಟ್ಟರ ಹೊತ್ತಿಗೆಗಳನ್ನು ಓದಿ ಮತ್ತು ಇಲ್ಲೆ ಸಂಪದದಲ್ಲೇ ಆಗಿರುವ ಚರ್ಚೆಗಳನ್ನು ನೋಡಿ. ಆಮೇಲೆ ಹೇಳಿ ಸಕ್ಕದದಿಂದ ತೊಂದರೆಯಿಲ್ಲ, ನೋಡೋಣ.

ಇಂಗಲೀಸಿನಿಂದ ಎಲ್ಲ ನುಡಿಗಳಿಗೆ(ತಮಿಳು,ತೆಲುಗು..) ತೊಂದರೆಯಾಗಿದೆ. ಆದರೆ ಸಕ್ಕದದಿಂದ ತೊಂದರೆಯಾಗಿರುವುದು ಬರೀ ಕನ್ನಡಕ್ಕೆ. ಅದರಲ್ಲೂ ಬರಹಗನ್ನಡಕ್ಕೆ.

ಯಾದೃಚ್ಚಿಕ, ವಾಙ್ಮಯ,ಶೌಚಾಲಯ,ಧೂಮಪಾನ ನಿಷೇಧಿಸಲಾಗಿದೆ, ಖಗೋಳವಿಙ್ಞಾನ,ಕಾರಾಗೃಹ, ಪುರುಷರು,ನಿಷ್ಕರ್ಷೆ..ಅಬ್ಬ . ..ಈ ತೆರನಾದ ಪದಗಳು ಕನ್ನಡವನ್ನು ಹಾಡು ಹಗಲೇ ಕೊಲ್ಲುತ್ತಿವೆ. ಇವೆಲ್ಲ ಪದಗಳು ಇಂದು ಸುದ್ದಿಯೋಲೆಗಳಲ್ಲಿ ದಿನ ಬರುವ ಪದಗಳು ಅತ್ವ ದೊಡ್ಡ ಬಸ್ ನಿಲ್ದಾಣದಲ್ಲಿ ಕಾಣಬರುವ ಪದಗಳು. ನಾವು ನಮ್ಮ ಮನೆಯಲ್ಲಿ ಬೇರೆಯವರಂತೆ ನಡೆದುಕೊಳ್ಳಬೇಕಾಗಿದೆ. ನಮಗೆ ನಮ್ಮ ನುಡಿ ನಮ್ಮದಲ್ಲ ಅನ್ನಿಸತೊಡಿಗಿದೆ ಈ ಸಕ್ಕದ ಪದಗಳಿಂದ.

--
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು

ಕೀರ್ತಿ೨ಕಿರಣ್(ನಿಮ್ಮ ಹೆಸರಿನಲ್ಲಿ ಏನೋ ಸೆಳೆತವಿದೆ), "ಅಹಂಕಾರ" ಅಡ್ಡಬರದಿದ್ದರೆ , "ದೊಡ್ಡ ದೊಡ್ಡ ಮಂದಿಗಳೇ" ಅನ್ನೋದಕ್ಕಿಂತ ಎಲ್ಲರನ್ನೂ ಸೇರಿಸಿ "ಹಿರಿಯರೆ" ಅನ್ನಬಹುದು. ಕೇಳೋಕ್ಕೆ ಹಿತವಾಗಿರತ್ತೆ.

ಹೊಸ ಮಾತುಕತೆ ತೆಗೆಯಲು ಮನವಿ...

ಪ್ರಸ್ತಾಪ = ಮಾತೆತ್ತು
ಪ್ರತ್ಯಯ = ಒಟ್ಟು
ಬರಹ ರೂಪಕ್ಕೆ ಇಳಿಸು = ಬರಹಕ್ಕೆ ತರು
ಆಯಾ ಪ್ರದೇಶ = ಆ ಜಾಗ
ಮುಜುಗರ = ಇರುಸುಮುರುಸು
ಚಾಲ್ತಿಗೆ ಬರು = ಬಳಕೆಯಲ್ಲಿ ತರು,

ಈ ಮಾತುಕತೆ "ಕನ್ನಡ ಉಳಿಸಲು ಆಡುಮಾತು-ಬರಹದಲ್ಲಿ ಬಲುಕಡಮೆ ಸಂಸ್ಕೃತವನ್ನು ಬಳಸಿ!"
=====================================
ಮಾಯ್ಸ!