ಅಕ್ಷರ ಕೀಳೋದರ ಬಗ್ಗೆ ನನ್ನ ಅನಿಸಿಕೆ ಇದು

ಸಾವಿರಾರು ವರ್ಷದಿಂದ ಅನೇಕ ಪ್ರಯೋಗಗಳನ್ನು ಮಾಡಿಕೊಂಡ ಒಂದು ನುಡಿಯ ಲಿಪಿಯಿಂದ ಅಕ್ಷರಗಳನ್ನು ಕೀಳೋದು ನನಗೆ ಸರಿಯೆನಿಸುವುದಿಲ್ಲ. ಹಾಗೂ ಅದೂ ಸಾಧ್ಯವೂ ಇಲ್ಲ. ಹಾಂ!!!! ಬಲಪ್ರಯೋಗದಿಂದ ಆಗಬೇಕಷ್ಟೇ (ಱ,ೞ ವನ್ನು ಕಿತ್ತುಹಾಕಿಸಿದ ಹಾಗೆ). ಈ ಱ,ೞ ವಿಶಯದಲ್ಲಂತೂ ಎದ್ದು ಕಾಣುತ್ತದೆ ಕನ್ನಡದ ಮೇಲೆ ಸಂಸ್ಕೃತ ಪಂಡಿತರು ಮಾಡಿರುವ ಅಪಚಾರ. ಅವರು ಅನುಸರಿಸುವ ಇಬ್ಬಗೆ ನೀತಿ. "ಱ,ೞ" ಕಶ್ಟವಂತೆ, "ಋ, ಷ" ಕಶ್ಟವಲ್ಲವಂತೆ !!!!!

ಹಾಗಾದರೆ, "ವಿಷಯದ" ಬಗ್ಗೆ ನನ್ನ ಅನಿಸಿಕೆ ಏನು ?

೧. ವಿಷಯವನ್ನು "ವಿಶಯ, ವಿಸ್ಯ, ವಿಶ್ಯ" ಅಂತ ಬರೆದವನನ್ನು ಹಳ್ಳಿಗುಗ್ಗು, ಕೀಳು, ಅಸಂಸ್ಕೃತ ಎನ್ನಬೇಡಿ ಅಶ್ಟೇ.
೨. ವಿಷಯವನ್ನು ಕನ್ನಡದಲ್ಲಿ ಬರೆಯಬೇಕಾದಾಗ "ವಿಷಯ" ಎಂತಲೇ ಬರೆಯಬೇಕು ಅಂತ ನಿಯಮ ಹಾಕಬೇಡಿ. ಬೇಕಿದ್ದರೆ, ಸಂಸ್ಕೃತದಲ್ಲಿಯೇ (ಅತವಾ ಸರಿಯಾಗ ಹೇಳಬೇಕಿದ್ದರೆ ದೇವನಾಗರಿಯಲ್ಲಿ) ಬರೆಯಬೇಕಾಗಿ ಬಂದಾಗ, विषय ಅಂತ ಬರೆಯಿರಿ. ಅದು ನಿಮ್ಮ ಇಷ್ಟ. ನನಗೆ "ವಿಷಯ" ಎನ್ನುವಂತಹ ಕಾನ್ಸೆಪ್ಟ್ ಬೇಕು, ಆದರೆ ನನಗೆ ಆ ಕಾನ್ಸೆಪ್ಟ್ ಬೇಕಿದ್ದರೆ ನೀವು ಹೇಳುವ ಹಾಗೆಯೇ ನಾನು ಬರೆಯಬೇಕು ಎಂಬ ನಿಯಮ ಹಾಕಬೇಡಿ. ಅದು ಒಂದು ರೀತಿಯ ದಬ್ಬಾಳಿಕೆ!!!. :ಸೀರಿಯಸ್: ನೀವು ಹೇಳೋದು ಹೇಗೆಂದರೆ, ಕಂಪ್ಯೂಟರ್ ಬಳಸಬೇಕಾದರೆ, ಪಾಶ್ಚಿಮಾತ್ಯರು ಹೇಗೆ ಬಳಸುತ್ತಾರೋ ಹಾಗೆ ನಾನು ಬಳಸಬೇಕು ಎಂದಂತೆ ಆಗುತ್ತದೆ.

ನನಗೆ ಗೊತ್ತು, ಕೆಲವರಿಗೆ ಕಸಿವಿಸಿಯಾಗಬಹುದು, ಕೆಲವರು ಒಪ್ಪದಿರಬಹುದು. ಆದರೆ ನಾನು ಕನ್ನಡವನ್ನು ಬೇರೆಯವರಿಗೆ (ತಮ್ಮಂದಿರಿಗೆ, ಬೇರೆನುಡಿಯವರಿಗೆ) ಹೇಳಿಕೊಡುವಾಗ ಅವರಿಗೆ ಆದ ಕಶ್ಟವನ್ನು ನೋಡಿ ಹೇಳುತ್ತಿರುವುದು. ಒಬ್ಬ ೨ನೇ ತರಗತಿಯವನಿಗೆ "ಅದು ವಿಶಯ ಅಲ್ಲಪ್ಪಾ, ವಿಷಯ ಅಂತ ಬರೀಬೇಕು, ಅದು ಸಂಸ್ಕೃತ, ಇದು ಕನ್ನಡ" ಅಂತ ಚಿಕ್ಕಂದಿನಲ್ಲಿ ಸಿಕ್ಕಾಪಟ್ಟೆ ಕನ್ಫ್ಯೂಸ್ ಮಾಡಿಸದೆ, ಕನ್ನಡದಲ್ಲಿ ಆಸಕ್ತಿ ಹುಟ್ಟಿಸಿ. ಅದು ಬಿಟ್ಟು, "ಶ" ಬರೆದರೆ ೧ ಅಂಕ ಕಟ್ ಆಗತ್ತೆ, "ಷ" ಬರೆಯಬೇಕು ಅನ್ನೋ ಮನಸ್ಥಿತಿ ಇದ್ರೆ, ಒಂದು ಮಗುವಿಗೆ ಈ ಕಡೆ ಕನ್ನಡದ ಮೇಲೆ ಆಸಕ್ತಿಯೂ ಹೋಗತ್ತೆ, ಅಂಕಗಳೂ ಬರಲ್ಲ.

’ವಿಷಯ’ ಪದವನ್ನೇ ತೆಗೆದುಕೊಳ್ಳಿ. ಅದನ್ನು ವಿಶಯ ಎಂದು ಬರೆಯುವುದನ್ನು ನಾನೊಪ್ಪುವುದಿಲ್ಲ. ಬೇಕಾದರೆ ಬೆಸಯ ಅಥವಾ ಇಸ್ಯ ಎಂದು ಕನ್ನಡೀಕರಿಸಿ ಹೇೞಿ.

ಹೌದಾ. ನಿಮಗೆ ಸ್ಕೂಟರ್ ಬೇಕಾ. ಹಾಗಾದರೆ, ಚುಕೂಟರ್, ಕೂಟರ್ ಎಂದು ಕನ್ನಡೀಕರಿಸಿ ಹೇೞಿ!!!!

’ಶ’ಕಾರ ’ಷ’ ಕಾರದ ಬಗ್ಗೆ ಭಾಷಾತಜ್ಞ ಡಾ. ಕೆ ವಿ ನಾರಾಯಣರು ಏನು ಹೇಳುತ್ತಾರೆ, ನೋಡುತ್ತೀರಾ?
ಹಾಗಿದ್ದೆ ಇಲ್ಲಿ ಚಿಟುಕಿಸಿ.
http://www.prajavani.net/Content/Jul62008/weekly2008070586809.asp

ಪ್ರೀತಿಯಿಂದ
ಸಿ ಮರಿಜೋಸೆಫ್