ಇನ್ನೊಂದು ಪದ ಪೋಲ್=ಹೋಲು, ಅಂತೆ ಇದು ಇನ್ನೊಂದರಂತೆ ಎಂದು ಉಪಮೆ ಕೊಡುವಾಗ ಅವ್ಯಯವಾಗಿ ಹೞಗನ್ನಡ, ನಡುಗನ್ನಡದಲ್ಲಿ ಬಳಕೆಯಾಗುತ್ತಿದ್ದ ಇನ್ನೊಂದು ಕ್ರಿಯಾಪದ. ಈ ಪದವು ಮಧ್ಯದ ಪಕಾರ ವಕಾರವಾಗಬೇಕೆಂಬ ನಿಯಮವಿರುವುದಱಿಂದ ವೋಲ್ ಎಂದೂ ಸಾಮಾನ್ಯವಾಗಿ ಕಾಣುತ್ತದೆ. ಅನುನಾಸಿಕದ ಮುಂದೆ ಬಂದಾಗ ಬೋಲ್ ಆಗುತ್ತದೆ. ಕೆಲವು ವೇಳೆ ಹ್ರಸ್ವವಾಗಿ ಪೊಲ್, ವೊಲ್, ಬೊಲ್ ರೂಪಗಳು ಕಾಣಬರಬಹುದು. ಆದರೆ ವ್ಯಾಕರಣದ ಪ್ರಕಾರ ಹ್ರಸ್ವವಾಗುವುದು ತಪ್ಪು. ಪೂರ್ವದ ಹೞಗನ್ನಡದಲ್ಲಿ ಹಾಗಾಗಿ ಒಕಾರಕ್ಕೆ ಹ್ರಸ್ವವಿಲ್ಲ.