ಚಳ್ಳೇ ಹಣ್ಣಿನ ಮರ-ಭೂಷಣ್ ಮಿಡಿಗೇಶಿ

ಚಳ್ಳೇಹಣ್ಣಿನ ಸಸ್ಯ ಶಾಸ್ತ್ರೀಯ ನಾಮಧೇಯ ಕಾರ್ಡಿಯ ಡೈಕಾಟಮ. ಕಾರ್ಡಿಯದಲ್ಲಿ ಸುಮಾರು ೩೦೦ ಪ್ರಭೇದಗಳುಂಟು.

ಸಿರಸಿಯ ಕಾಡಿನಲ್ಲಿ ಗೆಳೆಯರೊಡನೆ ಓಡಾಡುವಾಗ ಅವರು ನನಗೆ ಚಳ್ಳೇಹಣ್ಣನ್ನು ತೋರಿಸಿದ್ದು ಮಾತ್ರವಲ್ಲ, ತಿನ್ನಿಸಿದ್ದರೂ ಕೂಡಾ! :)

ಇದೊಂದು ಬಟಾಣಿ ಗಾತ್ರದ, ನಸು ಹಳಡೀ ಬಣ್ಣದ ಪಾರದರ್ಶಕದ ಹಣ್ಣು. ಮುತ್ತಿನ ಮಣಿಗಳಂತೆ ಕಾಣುತ್ತದೆ. ಸ್ವಲ್ಪ ಹುಳಿಬೆರೆತ ಸಿಹಿ ಸಿಹಿ ಹಣ್ಣು.

ಇದು ಹಕ್ಕಿಗಳ ಬಹು ಮುಖ್ಯ ಆಹಾರ.

ಎಂಡೋಕ್ಲೈಟಾ ಮಲಬಾರಿಕಸ್ ಮುಂತಾದ ಕೀಟಗಳು ತಮ್ಮ ಉಳಿವಿಗಾಗಿ ಚಳ್ಳೇಮರವನ್ನು ಅವಲಂಬಿಸಿವೆ. ಇದರ ಹುಳು ಚಳ್ಳೇ ಎಲೆಗಳನ್ನು ತಿಂದು ಬದುಕುತ್ತದೆ. ಒಂದು ವೇಳೆ ಚಳ್ಳೇಮರ ಈ ಭೂಮಿಯಿಂದ ಕಣ್ಮರೆಯಾಯಿತು ಎಂದಿಟ್ಟುಕೊಳ್ಳಿ. ಆಗ ಎಂಡೋಕ್ಲೈಟವೂ ಸಹಾ ಭೂಮಿಯಿಂದ ನಾಮಾವಶೇಷವಾಗಿಬಿಡುತ್ತದೆ.

-ನಾಸೋ