ಎಂಕ್ಟೇಸಪ್ಪ : ಏನ್ ಎಂಟಣ್ಣಾ ಗೊತ್ತಾಯ್ತ, 'ಯಾಹು ಇಂಡಿಯಾದೊರು', ಕನ್ನಡದಲ್ಲಿ ಒಂದು 'ಸೈಟ್' ತೆಗೆದಿದ್ದಾರೆ. ಅದೊಂದು 'ದಿನ ಪತ್ರಿಕೆ' ತರ್ಹ ಇದೆ. ನಿನ್ಗೂ ಹೆಮ್ಮೆ ಅಲ್ಲೇನಪಾ ?

ಎಂಟಣ್ಣ : ಔದು ಕಣಪ್ಪೊ, ನಮ್ಮ ಬಸ್ವರಾಜು ಏಳ್ತಾ ಇದ್ದ, ಕಣಪ.

ಎಂಕ್ಟೇಸಪ್ಪ : ಸಂತೊಷನಾ ? ಹೆಂಗೆ ಅಂತ..

ಎಂಟಣ್ಣ : ಒಳ್ಳೆ 'ತೊಗ್ರಿನುಚ್ಚಿನುಂಡೆ' ತಿಂದು 'ನೊರೆ ಆಕ್ಳಾಲು' ಕುಡ್ದಂಗಾತು ಕಣಪೊ.

ಎಂಕ್ಟೇಸಪ್ಪ: ಅದೇನ್ ಅಂಗಂದ್ರೆ ? ನಿಜ್ವಾಗ್ ಸಂತೊಷ ಆಗ್ಲಿಲ್ವಾ ? 'ಬ್ಯಾಳೆ ವೋಳ್ಗೆ' 'ಬೆಣ್ಣೆಕಾಸಿದ್ ತುಪ್ಪ' ಉಂಡಗ್ ಆಯ್ತದೆ, ಅಂತಲ್ವಾ ನಿನಗೆ ಸಂತೊಷ ಆದಾಗ್ ಹೇಳೋದು ?

ಎಂಟಣ್ಣ : ಅಲ್ಲಪ್ಪ ಮಾಡಿದ್ತೆಪ್ನೇ ಮಾಡ್ತಾನೆ ಇರ್ತೀರಲ್ಲ,.. ನೀವು ಅಂಗೆಯ, ಆ ದ್ಯಾವೇಗೌಡ್ರು ಅಂಗೇಯ..

ಎಂಕ್ಟೇಸಪ್ಪ : ಏನ್ ಆಂಗಂದ್ರೆ, ಎಂಟಣ್ಣ ?

ಎಂಟಣ್ಣ : ನೀನೇ ಒಸಿ ಏಳು; ಎಂಕ್ಟೇಸಪ್ಪ, 'ಯಾಹೂ ಬೆಂಗ್ಳೂರು ಅಂತಲ್ವ್ರಾ ಎಳೋದು', ಮತ್ತೂ 'ಬ್ಯಾಂಗ್ಳೋರ್ 'ಯಾಕೇ ಅಂತೀರಿ ? !

ಎಂಕ್ಟೇಸಪ್ಪ : ನೀನ್ ಸರಿ. ಸರಿಯಾಗ್ ಹೇಳ್ದೆ ಕಣಪ ಎಂಟಣ್ಣ !

ಎಂಟಣ್ಣ : "ಅಂಗ್ ಏಳ್ ಅಟ್ಟದ್ ಮ್ಯಾಗ್ ಕುಂಡ್ರಿಸಿದ್ರೆ ಆದೀತ, ನೀನೊಳ್ಳೆ , ಯಾಮಾರ್ಸ್ ಬ್ಯಾಡಿ ! ಕುಡ್ಯಕ್ ನೀರಿಲ್ಲ ; "ಒಟ್ಟೆಗ್ ಕೂಳಿಲ್ದೆ ಸಾಯೊ ಪರಿಸ್ತಿತಿ ಬಂದೊಯ್ತ್ " ನೋಡಪ. ನಮ್ಮ ದೇಸ್ದಗೆ ಕಾವೇರಿ ನದಿ ಅರಿ ತೈತೆ, ಆದ್ರೆ ಈ ಬವ್ಣೆ ಬಂದೊಗದೆ, ಯಾರ್ಗೇಳಿ ಏನ್ ಪ್ರಯೊಜ್ನ. ನೀವೆ ಎಳಿ"...

ಒಳಲ್ಕೆರೆ ರೈತ್ರು, ಕಾಳ್ಗಟ್ಟದೊರು, ಚಿತ್ರದುರ್ಗದೊರು ಎಲ್ಲ ಬೆಂಗಳೂರ್ ಗೆ ಒಂಟವ್ರೆ. ನೀರಿಲ್ದೆ ಏನ್ ಮಾಡಕ್ ಆಯ್ತೆದೆ, ನೀನೇ ಒಸಿ ಏಳು . ಆ ತಿಮ್ಮಣ್ಣಾರ್ ಮಕ್ಳು ಒಬ್ನು, ಶಿಮೊಗ್ಗಕ್ ಓದ್ರೆ, ಇನ್ನೊಬ್ಬ ಒಳ್ಳೆ, "ನಿನ್ನೆತ್ರ ಬೆಳೆದ್ ಆಡ್ಕೆ ಗಿಡ್ಗಳೊನೆ" ಬಿಟ್ಟು, ಪಟ್ಣಕ್ ಒ ಗೊ ತಯರಿನಲ್ಲವ್ರೆ. ಏನ್ ಏಳ್ತಿಯಪ್ಪ, ನಮ್ಮ ಪಾಡು. ನಾನು, ಒಳಲ್ಕೆರೆಯಾಗ್ ಇರೊದು,ಒಂದ್ ರಸ್ಯ್ ಕಣಪೊ. "ಒಂದು, ನಮ್ ಪೂರ್ವಿಕ್ರ ಆಸ್ತಿ, ಸ್ವತ್ನ, ಆಳ್ಮಾಡ್ಕಬಾರ್ದು ಅಂತವ ; ಜಿವ ಕೈನಲ್ ಮಡಗ್ಕೊಂಡು ನಾನು, ಪಾರವ್ವ ಇಲ್ಲೆ ಗೈಗೆ ಮಾಡ್ತಿವ್ನಿ ! ಇಲ್ಲೆ ನಾವ್ ಸಾಯಕ್ಕೂ ರೆಡಿ " ! ಎಲ್ ಸತ್ರೆ ಏನ್ಬಿಡು ?

ಕಾವೇರಿಯಮ್ಮನ್ ಇರುದ್ದ, ನಾವ್ ಎಂಗ್ ಏಳಕಾಗ್ತದೆ ? ನೀರ್ಕೊಡೊ ತಾಯಿ ಅವ್ಳು. ನಮ್ಗ್ಯಾಕೊ ಆ ತಾಯಿ ಇನ್ನೂ ಒಲ್ದಿಲ್ವಲ್ಲಪ್ಪ. ಆಯಮ್ಮನ್ ಆಸ್ರೆ ನಮ್ಗೇನಾದ್ರು ಐತಾ ? ಮಂಡ್ಯಾ, ಮೈಸುರ್, ಸೀರಂಗ್ಪಟ್ಣ ಅಂತ ಅವ್ರೆಲ್ಲ ಓರಾಡ್ತವ್ರೆ. ನಮ್ ಸಾನುಬೂತಿ, ತೊರ್ಸೊದ್ ಬಿಟ್ರೆ ನಮ್ಗೇನ್ ಲಾಬ ಅದೆ, ಒಸಿ ಬಿಡ್ಸಿ ಏಳು ?
ದ್ಯಾವೇ ಗೌಡ್ರ್ಗೆ, ಆ ಕುಮಾರಪ್ಪಾರ್ಗೆ ತಿಳ್ಯಾಕಿಲ್ಲೇನು ? ಗೌಡ್ರು ,ದಿಲ್ಲಿ ಸರ್ಕಾರ್ದಗ್ ಇದ್ದು ಬಂದೊರಲ್ವ್ರ ? ಪಂತ್ ಪ್ರದಾನಿ ಅಂದ್ರೆ ಸುಮ್ಕೆನಾ ? ಅವ್ರೇನ್ ಒಸಬ್ರೆ ನೀನೆ ಏಳ್ ಎಂಟೇಸಣ್ಣ ?

ಆ ನಾಗ್ರಾಜಪ್ಪ, ಅನಂತಪ್ಪ, ಚುರೊಪಾರೊ ಆಸ್ತಿ ಮಾರ್ಕಂಡ್ , ಕೆಟ್ಟ ಪಟ್ಣ ಸೇರ್ಲಿಲ್ವ್ರ !

ನಮ್ ಬಸಣ್ಣ ಅದೇ ಏಳ್ತಾವ್ನೆ, "ಮುಂದಿನ್ ವರ್ಸ, ಇದೇ ಕೂಗ್ನಾಗ್ ನನ್ ಸಿಕ್ಸ್ ಬ್ಯಾಡ್ರಿ. ನಾನ್ ಕೇಳೊಪಾಕಿ ಅಲ್ಲ. ಯಾರ್ ಒಪ್ಪಂದ ಮಾಡ್ಕಂಡ್ರು ? ಅದಕ್ಕೇನ್ ಗಡಿ ಗಿಡಿ, ಇಲ್ ವ್ರಾ " ? ಎಂಗೆ ; ಅಳ್ಳಿ ಮುಕ್ಕ , ನಂಗ್ ತಿಳೀತದಲ್ಲಪಾ. ಈ ವ್ಯವಾರ !

ನನಗ್ ತಿಳ್ದಂಗೆ, ಆಗ ಮೈಸುರ್ ಅರ್ಸ್ರ ಕಾರ್ಬಾರು. ಅವರ್ ಕೈನಗೆ, ಎನೊ ಏಳಿ ಬರಸ್ಕಂಡು ಸೈನ್ ಆಕ್ಸ್ಕಂಡವ್ರೆ.. ನಮ್ಗ್ ತಿಳೀದಾ... ಆಗ್ ಚಿಕ್ ರಾಜ್ಯ. 'ಅರಿಅರ' [Harihar] ನೇ ಕೊನೆ ಗಡಿ, ಅಂತ ನಮ್ಮಪ್ಪ ಏಳ್ತಿದ್ದ.

ಈಗ್ನೊಡಿದ್ರೆ , "ವಿಸಾಲ್ಕರ್ನಾಟ್ಕ ಅಂತ ಏಳಿದ್ದೇ ಏಳಿದ್ದು, ಕುಣ್ದ್ -ಕುಪ್ಪಳ್ ಸ್ತಾರಲ್ಲಪ, ಅದೇನ್ ಸುಳ್ಳಾ ? ಅಂಗಿದ್ರೆ ನಮ್ಗೇನು ನೀರು -ಗಾಳಿ, "ಉಣ್ಣಕ್ ಒಂದು ಒತ್ತಿನ್ ಕೂಳು" ಬ್ಯಾಡ ಅನ್ನು , ಅಂಗಂದ್ರೆ. ತೆಗಿ ತೆಗಿ ಎಂಕ್ಟೇಸಪ್ಪ, ಇದೇನ್ ಸರಿಕಾಣಕ್ಕಿಲ್ಲಪ್ಪ. ಸರ್ಕಾರ್ದೊರ್, "ತಿಪ್ಪೆ ಸಾರ್ಸ್ದಂಗ್ ಆಡೊ ಮಾತ್ ನೋಡಿದ್ರೆ ಕೆಟ್ಟ ಕ್ವಾಪ ಬರಕಿಲ್ವ್ರ" ?

ಅಲ್ಲಾಕಣ್ ಎಂಕ್ಟೇಸಪ್ಪ, ನಾವ್ ಕೇಳೊದ್ ತೆಪ್ಪಾ, ಮುಂದಿನ್ ವರ್ಸದಾಗೂ ಇದೇ ಪಜೀತಿ ಇರ್ತದಲ್ಲ. ಆಗ್ ಕೂಗಾಡಾಕಾದ್ರು ಸಕ್ತಿ ಬ್ಯಾಡ್ವ ... " ನೀರ್ ಕ್ವಡಿ, ನಾವೂ ನಿಮ್ ಜತ್ಯಾಗ್ ಕೂಗಾಡ್ , ಒದೆ ತಿಂತೀವಿ. ಆ ಪೊಲಿಸಪ್ಪನೊರ್ತಾವ. " !!

ಎಂಕ್ಟೇಸಪ್ಪ : ಸರಿಕಣಪ್ಪ ಎಂಟಣ್ನ, ನಿನ್ಗಿರೊದ್ರದಲ್ಲಿ ಕಾಲಾಣೆ ಬುದ್ದಿ ಇದ್ರೆ, ನಮ್ಮ ಪರಿಸ್ತಿತಿ ಇಂತಾ ಅಧೊಗತಿಗಿಳಿತಿರ್ಲಿಲ್ಲ. ಸರಿಕಣಪ್ಪ ನಾನ್ ಒರ್ಟೆ. ಶರಣು.

ಎಂಟಣ್ಣ : ಶರ್ಣು, ಓಗ್ ಬಾರಪ್ಪ. "ಆದ್ಯಾವ್ರಿಗ್ ಯಾವಾಗ್ 'ಕರ್ಣೆ'ಬರ್ತದೊ ಯಾರಿಗ್ಗೊತ್ತು" ?