ರಾಜನೆ೦ದರೆ ಭಾರೀ ಮಜ..ನಮ್ಮ ಮೈಸೂರಿನ ಅರಸರು ಯಾವಾಗಲೂ
ಮಾಡಲ್ ಗಳ ಸೆರಗಿನಲ್ಲಿಯೆ ಅವಿತು ಕೊ೦ಡು 'ನಾನೇ ಇನ್ನು ರಾಜ' ಅ೦ತ
ಭ್ರಮೆ ಪಡುತ್ತಿರುತ್ತಾರೆ. ನಮ್ಮ ಜನ ಕೂಡ ಈ ಪ್ಲೇ ಬಾಯ್ ಗೆ ಓಟು ಹಾಕಿ
ಪಾರ್ಲಿಮೆ೦ಟ್ ಮೆ೦ಬರ್ ಮಾಡಿದ್ದಾರಲ್ಲಾ ??
ಮೊನ್ನೆ ಇವರು ಆಚರಿಸಿದ FASHION SHOWಗೆ ಸ್ವತ:
ಸಿದ್ದರಾಮಯ್ಯನವರು ಬ೦ದಿದ್ದರು. "ಅರಮನೆಯನ್ನು ಸರ್ಕಾರ ಸ್ವಾಧೀನ ಪಡೆಸಿಕೊಳ್ಳುತ್ತದೆ",
ಎ೦ದೆಲ್ಲಾ ಗಲಿಬಿಲಿ ಮಾಡಿ, ಈಗ ಅವರೇ ಎಲ್ಲಾ ಮರೆತು ಮಾಡಲ್ ಗಳ ತೊಡೆಯ ಸೊ೦ದಿಯಲ್ಲಿ
ಸಿಳುಕಿರುವರಲ್ಲಾ ?? ಇನ್ನು ನಮ್ಮ ರಾಜರು ತಮ್ಮ ಮುಖವನ್ನು ದಸರಾದಲ್ಲಿ ಬಿಟ್ಟರೆ, ಈ ರೀತಿ
ಅರೆಬೆತ್ತಲೆ ಹೆಣ್ಣು ಮಾಡಲ್ ಗಳ ನಡುವೆ ಕಾಣಿಸಿಕೊಳ್ಳುತ್ತಾರೆ.
ಕಾಳಿದಾಸ ತನ್ನ ರಘುವ೦ಶ ಕಾವ್ಯದಲ್ಲಿ,ಇ೦ತಹ ಒಬ್ಬ ರಾಜನಾದ ಅಗ್ನಿವರ್ಣನ ಬಗ್ಗೆ ಈ ರೀತಿ ಬರೆಯುತ್ತಾನೆ.

/****************************************
ಇ೦ದ್ರಿಯ ದಾಸನಾಗಿ ಭೋಗ ಸಾಮ್ರಾಜ್ಯದಲ್ಲಿ ವಿಹರಿಸುತ್ತ ಸದಾ ಸ್ತ್ರೀ ಸಹವಾಸ ದಲ್ಲಿ ನಿರತನಾಗಿದ್ದ
ಅವನಿಗೆ ಕರ್ತವ್ಯ ಪ್ರಜ್ನೆಯೇ ಇರಲಿಲ್ಲ.ಹಗಲು ರಾತ್ರಿ ಒ೦ದು ಕ್ಷಣವೂ ಬಿಡದೆ ಅ೦ತ: ಪುರದ
ರತೀ ಸುಖ ಸಾಮ್ರಾಜ್ಯದಲ್ಲಿ ಮೈಮರೆತಿದ್ದ ಅವನ ದರ್ಶನವೇ ಪ್ರಜೆಗಳಿಗೆ ದುರ್ಲಭವಾಯಿತು.

ತನ್ನ ಮ೦ತ್ರಿಗಳ ಹಿತ ವಚನಗಳಿಗೆ ಬೆಲೆ ಕೊಟ್ಟು ಎ೦ದದರೊ೦ದು ದಿನ ತಾನು ಗವಾಕ್ಷದ
ಮೂಲಕ ಕೇವಲ ಕಾಲುಗಳನ್ನಷ್ಟೇ ಹೊರಚಾಚುತ್ತಿದ್ದನೇ ಹೊರತು ದರ್ಶನ ಕ೦ಕ್ಷಿಗಳಿಗೆ
ಅವನ ಮುಖದರ್ಶನವ೦ತೂ ಆಗುತ್ತಲೇ ಇರಲಿಲ್ಲ.
ಪ್ರಜೆಗಳು ಅವನ ಪಾದಗಳಿಗೇ ರಾಜ ಮರ್ಯಾದೆಯನ್ನು ಸಲ್ಲಿಸಿ ಅಷ್ಟರಿ೦ದಲೇ ತೃಪ್ತಿ ಪಡಬೇಕಾಗಿತ್ತು.

ಬೆಳಗಾಗಿ ಅವನು ಶಯ ಗೃಹವನ್ನು ಬಿಟ್ಟು ಹೊರನಡೆದಾಗ ಅಲ್ಲಿ ಹರಡಿದ್ದ ಅರಿಶಿನ , ಕು೦ಕುಮದ ಹುಡಿಗಳು
ಹರಿದ ಹೂಮಾಲೆಗಳು , ಹೆಜ್ಜೆ ಗುರುತುಗಳು ಅವನ ರಾತ್ರಿಯ ರತೀ ಕೇಳಿಯ ಲ೦ಪಟತೆಯ ರಹಸ್ಯವನ್ನು
ಸಾರಿ ಹೇಳುವ ಪಶು ಜೀವನದ ಸ೦ಕೇತಗಳಾಗಿ ಹಾಗೇ ಉಳಿದಿರುತ್ತಿದ್ದವು.

ಅವನ ಕಾಮ ಚೇಷ್ಟೆಯಿ೦ದ ನರ್ತಕಿಯರು ವಿವಿಧ ಸ೦ಕಷ್ಟಗಳಿಗೆ ಒಳಗಾಗಿದ್ದರು. ಕೆಲವರ
ಕೆಳದುಟಿಯು ಇವನು ಕಡಿದದ್ದರಿ೦ದ ನೋಯುತ್ತಿತ್ತು. ಹೀಗಾಗಿ ಅವರು ಕೊಳಲು ವಾದನ ಹದಗೆಟ್ಟಿತು.
ಅವನ ನಖ ಕ್ಷತದಿ೦ದ ಕೆಲವರ ತೊಡೆಗಳು ಗಾಯಗೊ೦ಡು ವೀಣಾ ವಾದನ ಹದಗೆಟ್ಟಿತು.
ಹೀಗೆ ಆ ಕಲಾವಿದೆಯರು ಹೇಳಿಕೊಳ್ಳಲಾಗದ ನೋವಿನಿ೦ದ ತ೦ತಮ್ಮ ವಾದ್ಯಗಳನ್ನು
ತಪ್ಪು ತಪ್ಪಾಗಿ ನುಡಿಸುತ್ತಿದ್ದರು. ಅದನ್ನು ಕ೦ಡು ಅರಸನು ನಕ್ಕು ನಲಿಯುತ್ತಿದ್ದನು.

ಆ ವಿಷಯ ಲ೦ಪಟನೂ ಎಷ್ಟೋ ವೇಳೆ ತಾನೇ ಸ್ವತ: ಅವರ ಪಾದಗಳ ಬಳಿ ಕುಳಿತು
ಸಿ೦ಗರಿಸುತ್ತಾ ಅವರನ್ನು ಸಮಾಧಾನ ಪಡಿಸುತ್ತಿದ್ದನು. ಆದರೆ ಅವನ ದೃಷ್ಟಿ ಮಾತ್ರ
ಸಡಿಲ ಉಡುಗೆಯೊಳಗಿನಿ೦ದ ಇಣುಕುತ್ತಿದ್ದ ಅವರ ಕಟಿ, ನಿತ೦ಬ , ಜಘನ ಮು೦ತಾದ
ವಿವಿಧ ಅ೦ಗಗಳತ್ತ ಹರಿದಾಡಿತ್ತು. ಇದರಿ೦ದ ಅವನ ಕಾಮದ ಬೆ೦ಕಿಯು ಮತ್ತಷ್ಟು
ಹೆಚ್ಚುತ್ತಿತ್ತೇ ಹೊರತು ಕಡಿಮೆ ಯಾಗುತ್ತಿರಲಿಲ್ಲಾ.

ಕರ್ತವ್ಯ ವಿಮುಖನಾಗಿ ಕಾಮ ಕೇಳಿಯಲ್ಲಿ ಮುಳುಗಿದ್ದರೂ ತನ್ನ ಸ್ಥಾನ ಬಲದಿ೦ದ ಗೌರವವನ್ನು
ಕಳೆದುಕೊಳ್ಳದೇ ಅನ್ಯರ ಆಕ್ರಮಣಕ್ಕೂ ಒಳಗಾಗದೇ ಉಳಿದಿದ್ದುದೊ೦ದು ಪವಾಡವೇ ಸರಿ.

ವೀರ್ಯಹೀನನಾದ ಅವನಿಗೆ ಮಧುಪಾನದಿ೦ದ ಚಿತ್ತ ವಿಕಾರವು೦ಟಾಯಿತು.ಹೀಗಾಗಿ ದೈಹಿಕ ವಾಗಿ ಬಲ ಹೀನನಾದರೂ
ಅವನ ಕಾಮ ಚೇಷ್ಟೆಗಳು ಮಾತ್ರ ತಗ್ಗಲೇ ಇಲ್ಲ.ಇ೦ದ್ರಿಯ ಭೋಗವಶನಾಗಿ ಚಪಲತೆಯಿ೦ದ ಕರ್ತವ್ಯ ವಿಮುಖನಾಗಿ
ದಿನಗಳೆಯುತ್ತಾ ಆಯುರ್ಜ್ಯೋತಿಯನ್ನು ಉರಿಸುತ್ತಿದ್ದ ಅವನ ಚಪಲತೆಯು ಹೆಚ್ಚಿದ೦ತೆಲ್ಲಾ ದೇಹವು ಕೃಶಗೊ೦ಡಿತು.
ಮೃತ್ಯುಮುಖನಾದ ಅವನು ಎಣ್ಣೆ ತೀರಿದ ಬತ್ತಿಯ೦ತೆ ಸಾಯಲು ಸಿದ್ದನಾದನು.

ಕ್ಷಯರೋಗದಿ೦ದ ಅವನ ಮುಖವು ಬಿಳಿಚಿ ಕೊ೦ಡಿತು. ದೇಹವು ರಕ್ತ ಹೀನವಾಗಿ ಕುಗ್ಗಿತು. ಅನ್ಯರ ನೆರವಿಲ್ಲದೆ
ಅತ್ತಿತ್ತ ಚಲಿಸುವುದೂ ಕಷ್ಟವಾಯಿತು.ಜೊತೆಗೆ ಸುಸ್ತು,ಕೆಮ್ಮು, ಇತ್ಯಾದಿ ನೂರೆ೦ಟು ಭಾದೆಗಳು.
ಅರಮನೆಯ ಯಾವ ಅರಗಿಣಿಗೂ ಬೇಕಾಗಲಿಲ್ಲ.ಮೃತ್ಯುಮುಖದೆಡೆಗೆ ವೇಗವಾಗಿ ಸಾಗುತ್ತಿದ್ದರೂ ಕಾಮದಾಹವೂ
ಮಾತ್ರ ಅವನಿಗೆ ತೀರಲೇ ಇಲ್ಲ. ಅದು ಬ್ರಹ್ಮ ರಾಕ್ಷಸನ೦ತೆ ಅವನ ಬೆನ್ನಿಗ೦ಟಿಕೊ೦ಡೇ ಇತ್ತು."
---
ರಘುವ೦ಶ ಮಹಾಕಾವ್ಯ - ಕೆ.ಸುಬ್ರಹ್ಮಣ್ಯ.ವಾಣಿಶ್ರಿ ಪ್ರಕಾಶನ , ಮೈಸೂರು . ಬೆಲೆ 75/-.
---

****************************************/

ನಮ್ಮ ಒಡೆಯರ್ ಕೂಡ ಇ೦ತಹ ಮನುಷ್ಯರ೦ತೆ ಕಾಣುತ್ತಾರೆ. ಅದಕ್ಕೆ ಅನ್ನೋದು
ಮನುಷ್ಯ ಇತಿಹಾಸ ಓದಿ ಏನೂ ಕಲಿತಿಲ್ಲಾ.