ಮುಂಬೈ ವಿಶ್ವವಿದ್ಯಾಲಯ, ಭಾರತದಲ್ಲಿ ( ೧೮೫೭- ೨೦೦೭) ಪ್ರೆಸಿಡೆನ್ಸಿ ವಿಶ್ವವಿದ್ಯಾಲಯಗಳ ೧೫೦ ವರ್ಷಗಳ ಸುದೀರ್ಘ ಅವಧಿಯಲ್ಲಿ ಮಾಡಿದ ವಿದ್ಯಾಸೇವೆಯ ಸುಮಧುರ ಗಳಿಗೆಗಳನ್ನು ಸ್ಮರಿಸಲು ಹಮ್ಮಿಕೊಂಡ ವಸ್ತುಪ್ರದರ್ಶನ ಈ ದಿನ ಸಾಯಂಕಾಲ ೬ ಗಂಟೆಗೆ ಜವಹರ್ಲಾಲ್ ಲೈಬ್ರೆರಿಯ ಡೀ. ಎನ್. ಮಾರ್ಶೆಲ್ ಸಭಾಗೃಹದಲ್ಲಿ ಉದ್ಘಾಟನೆಯಾಗಲಿದೆ. ವೈಸ್ ಛಾನ್ಸಲರ್ ಶ್ರಿ. ವಿಜಯ್ ಖೋಲೆ ಹೆಳುವಂತೆ, ಈ ಪ್ರದರ್ಶನ ಕೇಂದ್ರ ಸರ್ಕಾರದ Ministry of Cultural Affairs ಜೊತೆ ಜಂಟಿಯಾಗಿ ಮತ್ತು National Archives ಸಹಯೋಗದೊಂದ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ. ಈ ಹಬ್ಬದಲ್ಲಿ ಭಾಗವಹಿಸಲು, ಕೊಲ್ಕತ್ತಾ ಹಾಗೂ ಚೆನ್ನೈ ವಿಶ್ವವಿದ್ಯಾಲಯಗಳೂ ಜೊತೆಗೂಡಿವೆ. ಇದೇ ಸಮಯದಲ್ಲಿ ಅಲ್ಲಿಯೂ ವಿಶ್ವದ್ಯಾಲಯಗಳನ್ನು ಸ್ಥಾಪನೆ ಮಾಡಲಾಗಿತ್ತು. ಪ್ರದರ್ಶನದ ಮಳಿಗೆಯಲ್ಲಿ ಅತ್ಯಂತ ಹಳೆಯ ಫೋಟೋಗಳನ್ನು ಕಾಣಬಹುದು. ವಿಶೇಷವಸ್ತುಗಳು ವರ್ಣರಂಜಿತ ಚಿತ್ರಗಳು ಮತ್ತು ಅಮೂಲ್ಯ ಪುಸ್ತಕಗಳ ಭಂಡಾರವನ್ನು ನಾವು ಅಲ್ಲಿ ಕಾಣಬಹುದು. ಮುಂಬೈ ವಿಶ್ವವಿದ್ಯಾಲಯದಿಂದ ೧೮೮೮ ರಲ್ಲಿ ಪದವಿ ಪಡೆದ ಮುಂಬೈನ (ಅಥವಾ ಭಾರದ ? ) ಪ್ರಥಮ ಮಹಿಳೆ [ಪಾರ್ಸಿ] ಕಾರ್ನೆಲಿಯ ಸೊರಾಬ್ಜಿಯಾ ಫೊಟೊ ಪ್ರಮುಖ ಆಕರ್ಷಣೆಗಳಲ್ಲೊಂದು. ೧೫೦ ವರ್ಷಗಳ ಹಿಂದೆ ಆಗತಾನೆ ಕಟ್ಟಿದ್ದ ಎಲ್ಫಿನ್ಸ್ಟೋನ್ ಕಟ್ಟಡದ ಮುಂದಿನ ರಸ್ತೆಯಲ್ಲಿ ಹೋಗುತ್ತಿರುವ ಎತ್ತಿನ ಗಾಡಿಗಳು ಅಂದಿನ ಜೀವನದ ನೈಜ ಚಿತ್ರಣವನ್ನು ನೀಡುತ್ತವೆ. ಮುಂಬೈ ವಿಶ್ವವಿದ್ಯಾಲಯದ ಲೈಬ್ರರಿ ಕಟ್ಟಡ ಇನ್ನೂ ಆಗ ಪೂರ್ತಿ ಆಗಿರಲಿಲ್ಲ. ಇದನ್ನು ಚಿತ್ರದಲ್ಲಿ ಗಮನಿಸಬಹುದು. ಹೇಳಿಕೊಳ್ಳುವಂತಹ ಯಾವ ಬೃಹತ್ ಕಟ್ಟಡಗಳೂ ತಲೆ ಎತ್ತದ ಸ್ಥಳದಲ್ಲಿ ’ಗೋಥಿಕ್ ಶೈ’ಲಿ” ಯ ಭವ್ಯ ಕಟ್ಟಡದ ವಿಹಂಗಮ ನೋಟ ನೋಡಲು ಅದೆಷ್ಟು ಚೆಂದ !

ವಿಶ್ವವಿದ್ಯಾಲಯ ” ಕಾಲಿನಾ ’ಕ್ಯಾಂಪಸ್ ನಲ್ಲಿ ಮತ್ತು ಜೊತೆ ಜೊತೆಯಾಗಿ ವಿಶ್ವವಿದ್ಯಾಲಯದ ಕೋಟೆ ಶಾಖೆಯಲ್ಲೂ ಪ್ರದರ್ಶನವನ್ನು ಹಮ್ಮಿಕೊಳ್ಳುವ ವ್ಯವಸ್ಥೆಯನ್ನು ಮಾಡಲಾಗುತ್ತದೆಯೆಂದು ವೈಛಾನ್ಸಲರ್, ಶ್ರೀ ವಿಜಯ್ ಖೋಲೆ, ಪತ್ರಿಕಾ ಕರ್ತರಿಗೆ ತಿಳಿಸಿದರು. ಈ ಎಲ್ಲಾ ಚಿತ್ರಗಳ ಪ್ರದರ್ಶನವನ್ನು ’ಮೊಬೈಲ್ ವ್ಯಾನ್ ” ನಲ್ಲಿಯೂ ಸಂಗ್ರಹಿಸಿ ತೊರಿಸುವ ಯೋಜನೆ ಇದೆ. ಇದರಿಂದ ಮಹಾರಾಷ್ಟ್ರದ ಹಳ್ಳಿಗಳ ವಿದ್ಯಾರ್ಥಿಗಳಿಗೆ, ಜನಸಾಮಾನ್ಯರಿಗೂ ಸುಮಾರು ೧೫೦ ವರ್ಷಗಳ ಹಿಂದಿನ ಮುಂಬೈನ ಪ್ರದೇಶಗಳ ಸ್ವರೂಪ, ಜನಜೀವನ, ಮತ್ತು ಅಂದಿನ ದಿನಗಳನ್ನು ನೋಡುವ ಸುಯೋಗ ಸಿಗುತ್ತದೆ.
ಆಸಕ್ತರೆಲ್ಲಾ ಪ್ರದರ್ಶನದಲ್ಲಿ ಪಾಲ್ಗೊಳ್ಳಬಹುದು.