ಹತ್ತಿ ಬೀಜವನ್ನು ಬಿತ್ತಿ, ೧೮೦ ದಿನಗಳಲ್ಲಿ ಅದು ಹತ್ತಿ ಯನ್ನು ಬಿಡುತ್ತಿತ್ತು. ಮತ್ತು ಕಟಾವ್ ಮಾಡಲಾಗುತ್ತಿತ್ತು. ಆದರೆ ವಿಶ್ವದ ಎಲ್ಲಾ ಭಾಗಗಳಲ್ಲೂ ನಡೆಸಿದ ತೀವ್ರ ಸಂಶೋಧನೆಗಳು, ಮತ್ತು ವೈಜ್ಞಾನಿಕ ಪದ್ಧತಿಗಳಿಂದಾಗಿ, ಅದು ಸುಮಾರು ೧೩೦ ದಿನಗಳಲ್ಲೇ ಕೊಯ್ಲಿಗೆ ತಯಾರಾಗುತ್ತದೆ.

ಹತ್ತಿಯನ್ನು" ಕೃಷ್ಣ ಫೈಬರ್ " ಎಂದು ಕರೆಯೋಣ ಅನ್ನಿಸುತ್ತೆ. ಕೃಷ್ಣನಿಗೆ ಜನ್ಮ ಕೊಟ್ಟಿದ್ದನ್ನು ಬಿಟ್ಟರೆ, ದೇವಕಿ ಬೇರೆ ಯೇನೂ ಮಾಡಲಿಲ್ಲ. ಅವನನ್ನು ಸಾಕಿ-ಸಲಹಿದ್ದು ಯಶೋದೆಯಲ್ಲವೇ ? ಇಲ್ಲೂ ಅಷ್ಟೆ ; ಹತ್ತಿ ಬಟ್ಟೆಗಳನ್ನು ಮಾಡುವ ವಿಧಾನ ವಿಶ್ವಕ್ಕೆ ತೋರಿಸಿ ನಾವು ಸುಮ್ಮನಾದೆವು. ಅದನ್ನು ವೃದ್ಧಿಪಡಿಸಲಿಲ್ಲ.
ಆ ತಂತ್ರಜ್ಞಾನ, ವಿಶ್ವದಾದ್ಯಂತ ಬಿರುಗಾಳಿಯಂತೆ ಹರಡಿ, ವಸ್ತ್ರೋದ್ಯೋಗದಲ್ಲೆ ಒಂದು ಬೃಹತ್ ಕ್ರಾಂತಿ ತಂದದ್ದು -ಯೂರೋಪಿಯನ್ನರು. ಅಮೆರಿಕನ್ನರು. ಬಹುಪಾಲು ಅಮೆರಿಕನ್ನರೂ ಯೂರೋಪಿನವರಲ್ಲವೇ ! ಮುಂದಿನದೆಲ್ಲಾ ಇತಿಹಾಸ !

ಹತ್ತಿ, ಮತ್ತು ಹತ್ತಿಪದಾರ್ಥಗಳ ಬಗ್ಗೆ ಮಾಡಿದ ಸಂಶೋಧನೆಗಳು, ವಿಶ್ವದ ಪುಟಗಳಲ್ಲಿ ಮೊದಲನೆಯದೆಂದು ದಾಖಲಾಗಿದೆ. ಆದರ ಗಾತ್ರ, ಬಹುಶ: ವಿಶ್ವದ ಇತಿಹಾಸದಲ್ಲೇ ನಡೆಸಿದ ಎಲ್ಲಾ ಫೈಬರ್ ಗಳ ಸಂಶೋಧನೆಗಳಿಗಿಂತ ಅಂದಿನಕಾಲದಲ್ಲಿ - ಸಿಂಹಪಾಲು ಪಡೆದಿತ್ತು, ಎನ್ನುವ ವಿಷಯ ಇಲ್ಲಿ ತಿಳಿಸಲು ಹರ್ಷವಾಗುತ್ತದೆ !