ವಯ್ಬವಣ್ಣ!!

ಯಾವುದಪ್ಪ ನಮ್ಮ ದೇಸ? ಈಗಿರುವ 'ಇಂಡಿಯಾ' ಅನ್ನೋ ದೇಸ ಬರಿ ೬೦ ಏಡು ಹಳೇದು. ಅದಕ್ಕಿ ಮುಂಚಿನ ಪಂರಗಿಯವರು ಆಳಿದ್ದ ದೇಸ ಅದು ಬರಿ ೨೦೦ ಏಡು ಹಳೇದು.

ಆದರೆ ನಮ್ಮ ಕನ್ನಡ ದೇಸ ಕಡ್ಮೆ ಅಂದ್ರೂ ೧೪೦೦ ಏಡು ಹಳೇದು.

ಕನ್ನಡ ದೇಸ ಅಂದರೆ, ಕನ್ನಡ ನೆಲ, ಕನ್ನಡ ನುಡಿ, ಕನ್ನಡರು, ಕನ್ನಡ ಅಡುಗೆ, ಕನ್ನಡ ಉಡುಗೆ, ಕನ್ನಡ ನಂಬಿಕೆಗಳು. ಕವಿರಾಜಮಾರ್ಗವೂ ಇದನ್ನೇ ಹೇಳುವುದು. ಬಂಗಾಳವನ್ನು ಆಳಿದ ಸೇನರು "ನಾವು ಕನ್ನಡರು" ಅಂತ ಹೆಮ್ಮೆ ತೋರಿದ್ದಾರೆ.
( ಇವೊತ್ತು ನಾವು ಯಾವುದೋ ಕಾರಣಗಳಿಂದ ಇಂಡಿಯ ಅನ್ನೋ 'ನೆಲಚೌಕಟ್ಟಿನ' ಒಂದು ಚೂರಾಗಿದ್ದೇವೆ, ಏಸಿಯಾ ಅನ್ನು continentನ ಲ್ಲಿ ಸಿರಿಲಂಕೆಯೆಂಬ ದೇಸದಂತೆ. ).

೧೯೪೭ ಗಂಟ ನಮ್ಮ ಎಮ್ಮೆನಾಡು(ಮೈಸೂರು) ಒಂದು ಸೊತಂತ್ರ ದೇಸವೇ ಆಗಿತ್ತು. ಪಂರಗಿಯವರಿಗೆ ಕಪ್ಪ ಕೊಡತಿದ್ವು ಅದಿರಲಿ, ಆದರೆ ಮೈಸೂರು ದೇಸಕ್ಕೆ ತನ್ನದೇ ಆದ ರಾಸ್ಟ್ರ ಹಾಡು, ಬಾವುಟ, ನುಡಿ ಇತ್ತು.

ಕನ್ನಡ ದೇಸದ ನಾಡುನುಡಿ, ದೇಸನುಡಿ( National language ) ಆಗಿ ಕಡ್ಮೆ ಅಂದ್ರು ೨೦೦೦ ಏಡುಗಳಿಂದ ಕನ್ನಡವೇ ಇತ್ತು. ೧೯೪೭ ಆದ ಮೇಲೆ ಅಲ್ವ ನಮ್ಮನ್ನು ಹಿಂದಿಯವರು ದೆಅಲಿ ಇಂದ ಆಳಕ್ಕೆ ಸುರು ಮಾಡಿದ್ದು. ಹಿಂದಿ ಮತ್ತು ಸಕ್ಕದದ ಮೇಲೆ ಏಡೇಡಿಗೂ ೬೦೦ ಕೋಟಿ ಚಲ್ಲಿ "ಹಿಂದಿ ಪ್ರಚಾರ ಸಭೆ", ಸಕ್ಕದ ಓದೋರಿಗೆ ರೊಕ್ಕ, ಸಕ್ಕದದ ಪಂಡಿತರನ್ನು ರಾಜ್ಯಪಾಲರು, ಹೀಗೆ ಮಾಡ ಹತ್ತಿದ್ದು.!!

೫೦೦೦ ಏಡುಗಳಿಂದ ಈ ತೆಂಕಣ ಏಸಿಯಾದಲ್ಲಿ ಒಂದೇ ನಡಾವಳಿ ಇತ್ತು, ಇದೆ ಅಂತ ಒಂದು ಗುಂಪು ಕೂಗ್ತಾನೆ ಇದೆ. ಆದರೆ ಅದು ದಿಟವೇ?

ಹಾಗಾದರೆ ಹರ್ಷವರ್ದನ ಕುರಿತು ಬರೆದ ಹರ್ಷಚರಿತೆಯಲ್ಲಿ ಪುಲಿಕೇಶಿಯ ಪಡೆಯನ್ನು ರಾಕ್ಷಸಪಡೆ, ಪುಲಿಕೇಶಿಯ ನಾಡು, ರಕ್ಕಸ ನಾಡು ಅಂತ ಏಕೆ ಕರೇತಿದ್ರು, ಆ ಬಡಗಿನವರು? ತೆಂಕಣದವರನ್ನು ಅನಾಗರಿಕರು, ಕಾಡುಜನ ಅನ್ನೋ ಹೊತ್ತಗೆಗಳೂ ಇವೆಯಂತೆ.!

ನಮ್ಮ ಕಾವೇರಿ ಸೀಮೆಯಲ್ಲೇ :
ಕನ್ನಡರು, ತಮಿಳರು(ಚೋಳರು, ಪಾಂಡ್ಯರು, ಕೊಂಗರು ), ಚೇರರು( ಕೇರಳರು), ಎಮ್ಮೆನಾಡಿಗರು( ಕನ್ನಡರು ಬೇರೆ, ಮಹಿಷಮಂಡಲದವರು ಬೇರೆ ಎಂದಿದ್ದ ಕಾಲವೂ ಇತ್ತು ), ತಿಗಳರು, ಬಡಗರು, ಸೋಲಿಗರು, ಇರುಳರು, ತೊದರು, ಒಕ್ಕಲಿಗರು, ಇರುಳಿಗರು, ಕಾಡು ಕುರುಂಬರು, ಜೇನು ಕುರುಂಬರು, ಕೊಡವರು, ಕನ್ನಡ ಹಾರುವರು, ತುಳುವರು ಇನ್ನು ಮುಂತಾದವರು...

ಇವರ ನಡೆ, ನಂಬಿಕೆ, ನುಡಿ, ಉಣಿಸು, ಉಡುಗೆ ಎಲ್ಲವೂ ಬೇರೆ ಬೇರೆ.

ಅದರಲ್ಲೂ ಬಡಗರು, ತೊದರು ಗಿಡಮರಗಳನ್ನು, ಬೆಟ್ಟವನ್ನು ಕಡವಳವೆಂದು ತಿಳಿದವರು. ಇವರು ಲಿಂಗವಾಗಲಿ, ಇನ್ಯಾವ ಬೊಂಬೆಯ ಮುಂದೆ ಕೈಮುಗಿದವರಲ್ಲ. ಆದರೆ ಇವರ ನಂಬಿಕೆಯನ್ನು ಬದಲಿಸಿ, ಇವರನ್ನು ಗೊಂಬೆಗಳ ಪೂಜೆ ಮಾಡಿಸಿದ್ದಾರೆ.

ಈ ಎಲ್ಲ ಬೇರೆತನಗಳನ್ನು ಒಂದೇ ಹೆಸರಲ್ಲಿ ಕರೆದು, ಇದು ಹಿಂಗೇ, ನಮ್ಮ ನಡೆ ಅಂದ್ರೆ ರಾಮಾಯಣ, ಮಾಬಾರತ, ವೇದ, ಬಾಗವತ ಇಲ್ವೇ ಇನ್ಯಾವುದು ಸಕ್ಕದಹೊತ್ತಗೆಯಲ್ಲಿ ಹೇಳಿದ ಹಂಗೆ ಅಂತ ಕರೆಯೋದು, ಏಟು ಸರಿ.!!
ಕನ್ನಡದ ನೆಲದ ನಡೆನುಡಿಯನ್ನು ಕನ್ನಡವಲ್ಲದ ನುಡಿಯ ಹೊತ್ತಗೆ ಸರಿಯಾಗಿ ಹೇಗೆ ಹೇಳಲಾದೀತು?

ಈ ಬೇರೆ ಬೇರೆ ನಡೆಗಳು, ಅವರ ನುಡಿಗಳನ್ನು ಅಳಿಸಿ, ಒಂದೇ ನಡೆಯ ಕಡೆಗೆ, ಒಂದೇ ನುಡಿಯ ಕಡೆಗೆ ಒಯ್ಯವುದು, ಒಂದು ನಡೆಯ ಉಳಿವಿಗಾಗಿ, ಬೆಳೆವಿಗಾಗಿ, ಹಲಹಲವು ನಡೆನುಡಿಗಳ ಬೇರನ್ನೇ ಕಡಿದಂತಾಗುವುದು.!!

ಇಂದು ನಮ್ಮ ಈ ಇಂಡಿಯಾ ದೇಸದಲ್ಲಿ, ನಡೆನುಡಿಗಳ ಸಕ್ಕದಿಸಿಕೆ( sanskritization), ಸಕ್ಕದಿಸಿದ ಕನ್ನಡದ ಹೇರಿಕೆ(ಇದು ಕನ್ನಡನೆಲದ official ಕನ್ನಡ), ಹಿಂದಿ ಹೇರಿಕೆ( Hindi imposition ) ಮತ್ತು ಇಂಗಲೀಸಿನ ಮರಳಿಂದ ನಮ್ಮ ನಮ್ಮ ಸಣ್ಣಪುಟ್ಟ ಪಂಗಡಗಳ ನಡೆನುಡಿ ಅಳಿಸಿ ಹೋಗುತ್ತಿದೆ.

ಹೀಗೆ ಹೇರಿಕೆ ಮುಂದುವರಿದರೆ, ಗರತಿಯ ಪದ, ಡೊಳ್ಳಿನ ಪದ, ಸೋಬಾನೆ ಹಾಡು, ಕೋಲಾಟದ ಹಾಡು, ಬಯಲಾಟ, ಗೊರವರ ಕುಣಿತ ಮುಂದಾವನ್ನು ಬರಿ ಇತಿಹಾಸದ ಹೊತ್ತಗೆಯಲ್ಲಿ ಅಪ್ಪಿತಪ್ಪಿ ಓದಬಹುದು.

ಜಪಾನ್ ದೇಸದಲ್ಲಿ, ಜನರು ಜಪಾನರು, ಅವರ ನುಡಿ ಜಪಾನಿ, ಅವರ ನಡೆ ಜಪಾನಿ ನಡೆ, ಅವರ ಉಡುಗೆ ಜಪಾನಿ ಉಡುಗೆ, ಅವರ ಅಡುಗೆ ಜಪಾನಿ ಅಡುಗೆ.
ಆದರೆ
"ಇಂಡಿಯ/ಬಾರತ" ಒಂದು ನೆಲದ ಚೌಕಟ್ಟ ಆಟೇ. "ಬಾರತ" ಎಂಬ ಒಂದು ನುಡಿಯಿಲ್ಲ, ಒಂದು ನಡೆಯಿಲ್ಲ. ಒಂದು ಉಡುಗೆ ಇಲ್ಲ, ಒಂದು ನಂಬಿಕೆಯಿಲ್ಲ, ಒಂದು ಅಡುಗೆಯಿಲ್ಲ.
ಇರುವುದು ಕನ್ನಡವೆಂಬ ನೆಲ, ಕನ್ನಡವೆಂಬ ನುಡಿ, ಕನ್ನಡವೆಂಬ ನಡೆ, ಕನ್ನಡವೆಂಬ ಉಡುಗೆ, ಕನ್ನಡವೆಂಬ ನಂಬಿಕೆಗಳು, ಕನ್ನಡರ ಅಡುಗೆ!

India is not a country, it is composite of countries. ಅದಕ್ಕೆ ನಮ್ಮ ನಮ್ಮ ನಡೆನುಡಿಗಳನ್ನು ಅವುಗಳ ತನ್ತನಗಳನ್ನು ಉಳಸಿಕೊಂಡು ಹೋಗಲು, ಈ ಹೇರಿಕೆಗಳ ದೊಡ್ಡ ಅಡೆತಡೆ ಇದೆ. ಇವು ನಮ್ಮ ನಮ್ಮ native ನಡೆನುಡಿಗಳು ಅಳಿಸ ಹಾಕುತ್ತಿವೆ.
===========================================================

ನಡೆ / ನಡಾವಳಿ = civilization, culture.

ಮಹೇಸಣ್ಣ, ನಮ್ ಇಂಡಿಯಾನಾ ಒಂದ್ ಹೊತ್ತಲ್ಲಿ 'ಬಂಗಾರದ ಗುಬ್ಬಿ' ಅಂತಿದ್ರು ಹೊರಗಿನವರು ಗೊತ್ತನ? ಹೋಗಲಿ, ಈಗಿನ ಹೊತ್ತನ್ನೇ ತುಗೋರಿ, ಜಗದಾಗಿನ ಎಲ್ಲರಿಗಿಂತ ಚೆಂದ್ ಹೆಣ್‍ಮಗಳು ಅಂತಾ ಹೆಸರು ತುಗೊಂಡಿರಕ್ಕಿ(http://abclocal.go.com/wpvi/story?section=entertainment&id=5231013) ನಮ್ಮ ಇಂಡಿಯಾದಕ್ಕಿ. ೨೦೨೦ ರ ಹೊತ್ತಿಗೆ ಇಂಡಿಯಾ ಜಗದೊಳಗ ಎಲ್ಲರಿಗಿಂತ ಗಟ್ಟಿ ನಾಡ್ ಅನ್ಸ್ ಕೊತೈತಿ ಅಂತ ತಿಳದವರು ವಿಚಾರ ಮಾಡಿ ಹೇಳ್ಯಾರ್ ಗೊತ್ತೇನು? ಎಲ್ಲಾ ಐತಿ ನಮ್ ಇಂಡಿಯಾದಾಗ್, ಶ್ಯಾಣಾತನಕ್ಕಂತೂ ಏನೂ ಕಡಿಮಿ ಇಲ್ಲಾ, ಆದ್ರ ಏನ್ ಮಾಡೋದು ಮೊದ್ಲಿಂದ್ಲು ನಮ್ ಇಂಡಿಯಾ ಮ್ಯಾಲ್ ದಂಡೆತ್ತಿ ಬಂದು ನಮ್ಮನ್ ಲೂಟಿ ಮಾಡಿದ್ದೇ ಹೆಚ್ಚು. ಹಾಂಗ್ ಬಂದವರನ್ನು ಒದ್ದು ಓಡಿಸೋದ್ ಆಗಿಲ್ಲ ನಮ್ಮವ್ರಿಗೆ, ತಾಕತ್ ಇಲ್ಲಂತ್ ಅಲ್ಲಾ, ಒಗ್ಗಟ್ ಇಲ್ಲದಕ್ಕ. ತುರುಕ್ರು ನಮ್ ನಮ್ಮೊಳಗಿನ ಒಳಜಗಳಗಳ ಲಾಬ ತುಗೊಂಡು ಆಳಿದ್ರು, ಕತ್ತಿ ತೋರ್ಸಿ, ನಮ್ಮವ್ರನ್ನ್ ತಮ್ ಧರ್ಮಕ್ ಮತಾಂತರ ಮಾಡ್ಕೊಂಡ್ರು, ಇಂಗಲೀಸರೂ ಆದs ಆಟ ಆಡಿದ್ರು, ಅವರೂ ಬಳಕಿ ಮಾಡ್ಕೊಂಡಿದ್ ನಮ್ ಒಳಜಗಳಗಳನ್ನs. ಆದರೂ ನಾವ್ ನಮ್ ನಮ್ಮೊಳಗ್ ಜಗಳಾಡುದ್ ಬಿಟ್ಟಿಲ್ಲಾ, ಆಗ ಮರಾಟರು, ಚಾಲುಕ್ಯರು, ಅವ್ರು ಇವ್ರು ಅಂತೇಳಿ ನಾಡ್‍ಗೋಳ್ ಇದ್ದು, ಈಗ ರಾಜ್ಯಗೋಳ್ ಅದಾವು. ಇದರ ಲಾಬ ತುಗೊಂಡ್ ನಮ್ಮನ್ ಆಳಾಕ್ ಮುಂದ್ ಯಾರ್ ಬರ್ತಾರೋ?

ಓದೋಕಿರಲಿ !!! ಒಬ್ಬ ಕೆಲಸ ಸಿಗದೆ ಇರಾಕ್ ನಲ್ಲಿ ಅಮೇರಿಕಾ ಸೇನೆಗೆ ಕೂಲಿ ಕೆಲ್ಸಾ ಮಾಡ್ತಾಯಿದ್ದಾನೆ.
ಅಲ್ಲಿಗೆ ಹೋಗಿ ಆ ದೇಶವೇ ಚೆನ್ನಾಗಿದೆ ಅ೦ತಾನೇ ? ಅಲ್ಲಿ ಅವನಿಗೆ ಎಲ್ಲಾ ವಿಷಯದಲ್ಲೂ "CARE" ತಗೋತ್ತಾರ೦ತೆ ಅಮೇರಿಕಾದವರು.
ನಮ್ಮಲ್ಲೆ ಯಾವುದೇ 'CARING System" ಇಲ್ವ೦ತೆ. ಇದಕ್ಕೆಲ್ಲಾ MAcaualay ಕಟ್ಟಿಟ್ಟಾ ಶಿಕ್ಷಣ ಪದ್ದತಿ ಯೆ ಕಾರಣ.
ನಮ್ಮನ್ನು ನಮ್ಮ ಭಾಷೆಯಿ೦ದ ಕಿತ್ತು ಬೇರೆ ಯಾರನ್ನೋ ಮಾಡಿಬಿಟ್ಟ.