ತುಂತುರು ಮಳೆಯಲ್ಲೂ ಆಟದ ಸೊಗಸಿಗೆ ಕಡಿಮೆಯೇನೂ ಇರಲಿಲ್ಲ ; ಆಸ್ಟ್ರೇಲಿಯ, ಶ್ರೀ ಲಂಕಾ ವನ್ನು ೫೩ ರನ್ನುಗಳಿಂದ ಮಣಿಸಿ ವಿಶ್ವಕ್ರಿಕೆಟ್ ಗೆದ್ದಿದೆ.

ಆಸ್ಟ್ರೇಲಿಯ ತನ್ನ ಕ್ರಿಕೆಟ್ ಆಟದ ಶ್ರೇಷ್ಟತೆಯನ್ನು ವಿಶ್ವಕ್ಕೆ ಪ್ರದರ್ಶಿಸಿ, ತನ್ನಮಟ್ಟದ ಮತ್ತೊಂದು ಟೀಮಾದ ಶ್ರೀಲಂಕಾವನ್ನು ಮಣಿಸಿ ೫೩ ರನ್ನುಗಳಿಂದ ವಿಜಯವನ್ನು ಹೊಂದಿದೆ. ನಾವು ಶ್ರೀಲಂಕಾವನ್ನು ಮತ್ತು ಆಷ್ಟ್ರೇಲಿಯದ ಟೀಮುಗಳನ್ನು ಅಭಿನಂದಿಸುತ್ತೇವೆ ; ವಾರಗಳಗಟ್ಟಲೆ ಅನಿರ್ದಿಷ್ಟತೆ, ವಿಸ್ಮಯ, ಸೋಲು- ವಿಜಯಗಳ ಏರು-ಪೇರುಗಳ ಮಧ್ಯೆ ಸೂಪರ್ ೮, ವಿಶ್ವಕ್ಕೇ ಒಂದು ಭಾರಿ ಪ್ರಮಾಣದ ಮನರಂಜನೆ ಒದಗಿಸಿದೆ. ಭಾರತದ ಕ್ರಿಕೆಟ್ ಪಡೆ, ತನ್ನ ರಾಜಕೀಯ, ವೈಯಕ್ತಿಕ, ಮತ್ತು ಇತರೆ ವಿವಾದಗಳ ಸುಳಿಗಳಲ್ಲಿ ಸಿಕ್ಕು, ನಲುಗುತ್ತಿದೆ. ೧.೧ ಬಿಲಿಯನ್ ಜನಸಂಖ್ಯೆಯ ಈ ದೇಶ, ಇನ್ನೂ ತನ್ನ ಶಕ್ತಿಯನ್ನು ಕಂಡುಕೊಳ್ಳಲು ಪರಿತಪಿಸಿದಂತಿಲ್ಲ !