"ಮ್ಯುಲ್ " Mule, ಅಂದ್ರೆ ಹೇಸರ್ ಕತ್ತೆ, ಅಂತ ಯಾರೋ ಅಂದ್ಕೊಂಡ್ರಂತೆ. ಹಾಗೇನಿಲ್ಲ. ಅದೇ Industrial Revolution ಸಮಯದಲ್ಲಿ ವಿಲಿಯಮ್ ಆರ್ಕ್ ರೈಟ್, " ಸ್ಪಿನ್ನಿಂಗ್ ಜೆನ್ನಿ" ಯಂತ್ರವನ್ನು ತಯಾರಿಸಿ ಇಂಗ್ಲೆಂಡ್ ಜನರನ್ನೆಲ್ಲಾ ಚಕಿತಗೊಳ್ಸ್ದಾ ಅಂತ ಹೇಳಿದ್ದೆ. ಅದಾದ್ ಮೇಲೆ ಇನ್ನೊಬ್ಬ ಮಹಾನುಭಾವ, ’ಸ್ಯಾಮ್ಯುಯೆಲ್ ಕ್ರಾಂಟನ್ ” ೧೭೭೫ ರಲ್ಲಿ ಮತ್ತೊಂದ್ ಯಂತ್ರ ತಯಾರಿಸಿ, ಇನ್ನೊಂದ್ ವಿಕ್ರಮನ ಸಾಧಿಸಿದನಂತೆ. ಮ್ಯೂಲ್ ಯಂತ್ರ, ಸ್ಪಿನ್ನಿಂಗ್ ಜೆನ್ನಿ, ಮತ್ತು ವಾಟರ್ ಫ್ರೇಮ್ ಯಂತ್ರಗಳ, ಕಾರ್ಯ ವೈಖರಿಯ ಮುಂದಿನ ಹೆಜ್ಜೆ, ಅಂತ ಎಲ್ರೂ ಹೆಳ್ತಾರೆ. ಅವನು ಎಷ್ಟು ಪ್ರಸಿದ್ಧಿ ಹೊಂದಿದ ಅಂದ್ರೆ, ಅವನ್ ಸತ್ಮೇಲೆ ಅಲ್ಲಿನ್ ಜನ ಒಂದ್ ಸ್ಮಾರಕ ಮಾಡಿದಾರೆ. ಅದರ ಕಲ್ಲಿನ್ ಮೇಲೆ, " ಇದು ಬ್ರಿಟನ್ ನ ಪ್ರಖ್ಯಾತ ಹತ್ತಿದಾರದ ಯಂತ್ರನಿರ್ಮಾಪಕನಿಗೆ ನಾವು ಸಲ್ಲಿಸುವ ಪ್ರೀತಿಪೂರ್ಣ ಶ್ರದ್ಧಾಂಜಲಿ" ಎಂದು ಬರೆದ ಆ ಪ್ರೀತಿಯ ಸಾಲುಗಳನ್ನು ಇಂದಿಗೂ ಓದಬಹುದು. ಆ ಯಂತ್ರದ ಹೆಸರೇನು ಗೊತ್ತೆ ? ಮ್ಯೂಲ್ .ಹೌದು- ಕನ್ನಡದಲ್ಲಿ ತರ್ಜುಮೆಮಾಡಿದ್ರೆ, ಅದು ಕತ್ತೆಯಲ್ಲ ; ಹೇಸರಗತ್ತೆ ಅಂದಾಗುತ್ತೆ.

ಯಾಕೆ, ಈ ಹೆಸರು ? ಅದು ಮಾಡೋ ಕೆಲ್ಸನೂ ಹಾಗೆ ಇದೆಯಲ್ಲ. ಕತ್ತೆ ಕೆಲ್ಸ. ಈ ಯಂತ್ರ ಬಳಕೆಗೆ ಬಂದಾಗ ಕೆಲವರಿಗೆ ತಮ್ಮ ಮನೆ ಕಸುಬು ಎಲ್ಲಿ ಹೋಗುತ್ತೋ, ಅಂತ ಭಯ ಇತ್ತಂತೆ. ಕ್ರಾಂಟನ್ ಮನೆಯ ಮೇಲೆ ಕಲ್ಲು ತೂರಾಟ ಮಾಡಿ, ತಮ್ಮ ಬೇಸರ ವ್ಯಕ್ತಪಡಿಸಿದರು ಅವ್ರು, ಅಂತ ಚರಿತ್ರೆಯ ಪುಟಗಳು ವರದಿ ಮಾಡಿವೆ ! ಯಾರಾದರೂ ಒಳ್ಳೆ ಕೆಲ್ಸ ಮಾಡಿದ್ರೆ ಎಲ್ಲ್ರಿಗೂ ಹೊಟ್ಟೆಕಿಚ್ಚು. ಇದು ನಮ್ಮ ದೇಶಕ್ಕೆ ಅಥವಾ ನಮಗೇ ಮೀಸಲಲ್ಲ. ಇಂಗ್ಲೆಂಡಿನ ಜರರಿಗೂ ಆಗ ಇತ್ತು !