ಭಾಗೇಕಾಯಿ
February 28, 2008 - 1:58pm — Sunil Jayaprakash
ಮೊಬೈಲಿನಲ್ಲಿ ತೆಗೆದ ಚಿತ್ರ
- Login or register to post comments
- 616 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
- Original
- Thumbnail
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
ಇಂಜಿನಿಯರ್ ಆಗಿ ಕೆಲಸ. ವಯೋಲೀನ್ ಕಲೆ ರೂಢಿಸಿಕೊಳ್ಳಬೇಕೆಂಬುದು ನನ್ನ ಒಂದು ಕಣಸು (ಧ್ಯೇಯ). ಇವುಗಳ ಮಧ್ಯೆ ಆಸೆಗಳು ಚಿಗುರೊಡೆಯುತ್ತಲೇ ಇರುತ್ತವೆ...
RSS:
ಪ್ರತಿಕ್ರಿಯೆಗಳು
ಉ: ಭಾಗೇಕಾಯಿ
ಸುನಿಲ್,
ನಿಮ್ಮ ಪರಿಚಯ ಚಿತ್ರ ಚೆನ್ನಾಗಿದೆ.(ಹಳೇದು ಇನ್ನೂ ಚನ್ನಾಗಿತ್ತು).
ಬಾಗೆ ಮರದ ಬಗ್ಗೆ ಕೆಲ ವಿವರಗಳು-
ಕನ್ನಡ - ಬಾಗೇಮರ, ಕಡಚೆ,ಸಿರ್ಸಲಮರ
ಸಂಸ್ಕೃತ- ಶಿರೀಷ
ಇಂಗ್ಲೀಷ್ -Siris tree
ಬಾಟನಿಕಲ್-Albizzia lebbeck
ಅಸ್ತಮಾ,ಬಾವು,ಗಾಯ,ಭೇದಿ,ಚರ್ಮರೋಗ,ಪಕ್ಷಾಘಾತ,ಸರ್ಪವಿಷ..ಗಳಲ್ಲಿ ಇದನ್ನು ಉಪಯೋಗಿಸುವರು.
ಉ: ಭಾಗೇಕಾಯಿ
ಗಣೇಶ, ನಿಮಗೆ ಪಾಪೆ ಇಷ್ಟವಾಗಿದ್ದು ಸಂತೋಷವೇ. ಆದರೆ ಇದನ್ನು ನಾನು ತೆಗೆದಿದ್ದಲ್ಲ. ನನ್ನ ಒಬ್ಬ ಗೆಳೆಯ ಇದ್ದಾನೆ. ಅವನದೇ ಇದೆಲ್ಲ ಕರಾಮತ್ತು. ಅವನ ಫ್ಲಿಕರ್ ಅಕೌಂಟ್ ನೋಡಿ. ಬಿಡುವಿದ್ದಾಗ.
ಬಾಗೇಕಾಯಿಯ ಹೂವನ್ನು ನೋಡಿ ಇಲ್ಲಿ.
ಪಾಪೆಯನ್ನು ದೊಡ್ಡದಾಗಿ ನೋಡಲು ಅದರ ಮೇಲೆ ಚಿಟುಕಿ.
ಉ: ಭಾಗೇಕಾಯಿ
ನನ್ನಿ ಸುನಿಲ್,
ನಿಮ್ಮಿಂದಾಗಿ ನಾನು ಲಾಲ್ ಭಾಗ್ ಫ್ಲವರ್ ಷೋ(ಮನೆಯಲ್ಲಿ ಕುಳಿತುಕೊಂಡೇ) ನೋಡಿ ಬಂದೆ.
ಉಳಿದ ಚಿತ್ರಗಳೂ ಸಹ ಒಂದಕ್ಕಿಂತ ಒಂದು ಚೆನ್ನ್ನಾಗಿದೆ.
ನಿಮ್ಮಗೆಳೆಯ ತೇಜಸ್ವಿಯವರಿಗೆ ನನ್ನ ನಮಸ್ಕಾರಗಳು.
ವಿಶೇಷವೆಂದರೆ ನಾನೂ ಶಿರೀಷ ಮರದ ಬಗ್ಗೆ ತಿಳಿಯಲು ಅದೇ ಫ್ಲಿಕರ್ ಅಕೌಂಟ್ ನಲ್ಲಿ ವಸಂತ ಎಮ್.ಸಾಲಿಯಾನ್ ಬರೆದ Siris Tree(ಜನವರಿ ೩೧ಕ್ಕೆ ಬರೆದುದು) ನೋಟ್ ಮಾಡಿಕೊಂಡಿದ್ದೆ.
(ನನಗೆ ಇಲ್ಲಿಂದ ಅಲ್ಲಿಗೆ ಕೊಂಡಿ ಕೊಡುವುದು ಹೇಗೆ ಎಂದು ಗೊತ್ತಿಲ್ಲ.)
ಈಗ ನೀವು ಹಾಕಿದ ಹೂವಿನ ಬಗ್ಗೆ-
ಇದು Albizzia julibrissin.
Persian silk tree,PINK SIRIS,Bastard tamarind,Nemu tree ಎಂದೂ ಕರೆಯುವರು.
ರಾತ್ರಿಯಲ್ಲಿ ಇದರ ಎಲೆಗಳು ನಿದಾನಕ್ಕೆ ಮುಚ್ಚಿಕೊಳ್ಳುವುದು.(ನಾಚಿಕೆ ಮುಳ್ಳಿನ ಎಲೆಯ ತರಹ:ನಾಚಿಕೆ ಮುಳ್ಳಿನ ಗಿಡ ನೋಡಿದ್ದರೆ ಅದರ ಎಲೆಗೂ ಇದರ ಎಲೆಗೂ,ಹೂಗಳಿಗೂ ಇರುವ ಸಾಮ್ಯತೆ ಗಮನಕ್ಕೆ ಬರಬಹುದು.)
ಹೂಗಳಿಗೆ ದಳವಿಲ್ಲ.೨-೩ಸೆ.ಮೀ.ಉದ್ದದ stamens,ಬಿಳಿ ಅಥವಾ ಗುಲಾಬಿ ಬಣ್ಣ,ಸಿಲ್ಕ್ ದಾರದಂತೆ ಕಾಣುವುದು.
ಗಣೇಶ.
ಉ: ಭಾಗೇಕಾಯಿ
ಇಷ್ಟೊಂದೆಲ್ಲ ಮಾಹಿತಿ ಎಲ್ಲಿ ಇಟ್ಟಿದ್ದೀರಾ ಗಣೇಶ. ಇನ್ನೂ ಹೆಚ್ಚು ಹೆಚ್ಚು ಬರೀತಾ ಇರಿ. ಹೂವುಗಳ ಬಗ್ಗೆ.
ಉ: ಭಾಗೇಕಾಯಿ
ಇದು ತುಂಬಾನೇ ಸರಳ. ಕೆಳಗಿನ ಮಾದರಿಯಲ್ಲಿ ಒಂದು ಮಾಲೆ(markup language tag- html tag) ಸೇರಿಸಬೇಕು.
< img src="---actual link to the photo----" align="left/right/center" />
----actual link to the photo---- ವೆಬ್ ಪುಟದಲ್ಲಿ ಕಾಣುವ ಪಾಪೆಯ ಮೇಲೆ ಮೌಸಿನ ಬಲಬಟನ್ನನ್ನು ಚಿಟುಕಿದಾಗ Copy Link Location(ಅಥವಾ Copy Image Location) ಅಂತ ಇರತ್ತೆ. ಅದನ್ನು ಕಾಪಿ ಪೇಸ್ಟ್ ಮಾಡಿದರಾಯಿತು.
ಎಚ್ಚರಿಕೆ -
೧. ಮೇಲಿನ ಮಾದರಿಯಲ್ಲಿ < ಮತ್ತು img ನಡುವೆ ಸ್ಪೇಸ್ ಇರಕೂಡದು.
೨. ಕೆಲವೊಂದು ಪುಟದಲ್ಲಿ ಬಲಬಟನ್ನಿನ ನೆರವಿನಿಂದ ಪಡೆದ ಲಿಂಕು ಸರಿಯಾಗಿರುವುದಿಲ್ಲ.
ಉ: ಭಾಗೇಕಾಯಿ
file:///D:/shirish/mimosoideae%20%AB%20Slice%20of%20the%20day_files/1069...
"align=center
ಉ: ಭಾಗೇಕಾಯಿ
ಉ: ಭಾಗೇಕಾಯಿ
ನನ್ನಿ ಸುನಿಲ್,
ಗೆಳೆಯನ ಬಳಿ ೩-೪ ತಿಂಗಳು ಕಂಪ್ಯೂಟರ್ ಕಲಿತಿದ್ದೆ.(ಡಾಸ್,ವರ್ಡ್ ಸ್ಟಾರ್ ಕಾಲದಲ್ಲಿ).ನಂತರ ಹೀಗೆ ತಪ್ಪು ಹೆಜ್ಜೆ ಇಡುತ್ತಾ ಕಲಿಯುತ್ತಿರುವೆ.
ಇದನ್ನು ಹೇಳಿಕೊಟ್ಟುದಕ್ಕೆ ಧನ್ಯವಾದಗಳು.
ವಸಂತ್ ಎಮ್.ಸಾಲಿಯಾನ್ ಅವರು ಫ್ಲಿಕರ್ ನಲ್ಲಿ ಹಾಕಿದ ಚಿತ್ರವಿದು.
ಇದು ಶಿರೀಷ ಪುಷ್ಪ.
ಪುರಾಣದಲ್ಲಿ ಪಾರ್ವತಿಯ ದೇಹವನ್ನು ಶಿರೀಷ ಪುಷ್ಪದಂತೆ(..ಅಂಗಂ ಶಿರೀಷ ಸುಕುಮಾರಂ..)ಮೃದು ಎಂದಿದ್ದಾರೆ. ಈಗೊಮ್ಮೆ ಶಿರೀಷ ಪುಷ್ಪವನ್ನು ಗಮನಿಸಿ. ಇಂತಹ ಸುಕುಮಾರಿಯನ್ನು ಸ್ಮಶಾನವಾಸಿ ಶಿವನಿಗೆ ಕೊಡಲು ಪರ್ವತರಾಜನಿಗೆ ಹೇಗೆ ಮನಸ್ಸು ಬಂದೀತು..?ರಾಜ ಮತ್ತು ತಂದೆ ಸ್ಥಾನದಲ್ಲಿ ನಿಂತು ಯೋಚಿಸಿ..
ಗಣೇಶ.
ನನ್ನ ಇದಕ್ಕೂಮೊದಲ ತಪ್ಪು ಪ್ರತಿಕ್ರಿಯೆ ತೆಗೆಯಲು ಸಾಧ್ಯವೆ?
ಉ: ಭಾಗೇಕಾಯಿ
ಕಾಳಿದಾಸನ ಮೆಚ್ಚಿನ ಶಿರೀಷ....!!
ನನ್ನ ನೆನಪಂತೆ ಶಕುಂತಲೆಯೋ ಯಾರೋ ಇದನ್ನು ಮುಡಿದುದ್ದುಂಟು ಕಾಳಿದಾಸನಿಂದ!
ಉ: ಭಾಗೇಕಾಯಿ
ಇಲ್ಲಿ ಸ್ವಲ್ಪ ಎಡವಟ್ಟು ಆಗ್ತಾ ಇದೆ. ಇಲ್ಲೊಬ್ಬರು ಹಿಂದಿಯಲ್ಲಿ ಶಿರೀಷದ ಬಗ್ಗೆ ಬರೆದಿದ್ದಾರೆ. ಕಾಳಿದಾಸನ ಪದ್ಯವನ್ನೂ ಹಾಕಿದ್ದಾನೆ. ಆದರೆ ಆತ ಹಾಕಿರುವ ಚಿತ್ರ ಮಾತ್ರ ಬಾಗೆಹೂವಿನದ್ದಲ್ಲ.
ಉ: ಭಾಗೇಕಾಯಿ
ನಂಗೆ ಐಬಿತ್ತು.. ಶಿರೀಷ ಸಿಗುವುದು ಬರೀ ಕಾಶ್ಮೀರದಲ್ಲಂತೆ.!
ಉ: ಭಾಗೇಕಾಯಿ
"ನಂಗೆ ಐಬಿತ್ತು." ಅಲ್ಲ "ನಂಗೆ ಐಬನ್ನಿಸಿತ್ತು"
ಉ: ಭಾಗೇಕಾಯಿ
ಬರೀ ಕಾಶ್ಮೀರ ಮಾತ್ರವಲ್ಲ-
ರ್ಪೂರ್ವ ಪಾಕಿಸ್ಥಾನದಿಂದ ಬಾರತ,ಶ್ರೀಲಂಕಾ,ಬರ್ಮಾದವರೆಗೂ ಶಿರೀಷ ಮರವು ಸಿಗುವುದು.
ಆಲಂಕಾರಿಕ ಮರವಾಗಿಯೂ ಇದನ್ನು ಹೆಚ್ಚಿನವರು ಬೆಳೆಯುವರು.
-ಗಣೇಶ.
ಉ: ಭಾಗೇಕಾಯಿ
ಈ ಜಾತಿಯ ಗಿಡದಲ್ಲಿ ಅನೇಕ ವಿಧವಿದೆ.
Albizzia rebecca(ಹಳದಿ ಹೂಗಳು)
Albizzia julibrissin(ಬಿಳಿ/ಗುಲಾಬಿ ಹೂಗಳು)
Albizzia alba (ತುದಿಯಲ್ಲಿ ಕೆಂಪು ಬಣ್ಣದ ಹೂಗಳು)
A.rosea
A.mollis
...
ಅದರಲ್ಲಿ ಒಂದಿರಬಹುದೇನೋ.
-ಗಣೇಶ.
ಉ: ಭಾಗೇಕಾಯಿ
ಮಹೇಶ್,
ನಿಮ್ಮ ಗಮನಿಸುವಿಕೆ,ನೆನಪು ಶಕ್ತಿಗೆ ನನ್ನ ನನ್ನಿ.
ಕಾಳಿದಾಸನ ಮೇಘದೂತದಲ್ಲಿ ಶಿರೀಷ ಪುಷ್ಪದ ವಿಷಯ ಬರುವುದು.
ಅಲಕಾಪುರಿಯ ಕನ್ಯೆಯರು ಶಿರೀಷ ಪುಷ್ಪವನ್ನು ಧರಿಸುವರು.
ಮುಡಿಗಲ್ಲ! ಕಿವಿಗೆ (...ಚಾರುಕರ್ಣೇ ಶಿರೀಷಂ).
ಗಣೇಶ.