ಕನ್ನಡಾಂಬೆ ಸ್ತುತಿಸುವ ಈ ಪದ್ಯ ರಚಿಸಿದ್ದು ನಾಗಭೂಷಣ ಮೂಲ್ಕಿ, ಶಿಕಾಗೊ, ಅಮೆರಿಕಾ. ಮೋಹನ ರಾಗದಲ್ಲಿರುವ ಈ ಪದ್ಯವನ್ನು ಯಾವುದೇ ಸಭೆ, ಸಮಾರಂಭದಲ್ಲಿ ರಾಗ ಸಂಯೋಜಿಸಿ ಹಾಡಬಹುದು.

ರಚನೆ -- ನಾಗಭೂಷಣ್ ಮೂಲ್ಕಿ

ರಾಗ -- ಮೋಹನ.

ಕನ್ನಡ ಮಾತೆ ಹೇ ಭುವನೇಶ್ವರಿ

ಚಂದ್ರಮನೋಹರಿ ಪ್ರಿಯಕರೀ... ಪ್ರಿಯಕರೀ.. ||ಕನ್ನಡ||

ಭೂತ ಭೌತಗತ ಆಶಾಛಾಯದಿ

ತೃಷ್ಣಾಧೂಮವು ಮನದಲಿ ತುಂಬಿ

ಅನುರಾಗವಿರಲಿಲ್ಲಾ, ನಿನ್ನಲಿ ಅನುರಾಗವಿರಲಿಲ್ಲಾ

ಎನ್ನಲ್ಲಿ ವೈರಾಗ್ಯ ಬರಲಿಲ್ಲಾ. ||ಕನ್ನಡ||

ಮನದಲಿ ಅಳುಕು, ಮೈಯಲಿ ನಡುಕ

ಭಾವಾಲೋಕದ ಭಾವಶೂನ್ಯತೆ

ಕಾವ್ಯ ಬರೆಯಲಿಲ್ಲಾ, ನಿನ್ನನು ಸ್ತುತಿಸಿ ಹಾಡಲಿಲ್ಲಾ

ನಿನ್ನನು ಹಾಡಿ ಹೊಗಳಲಿಲ್ಲಾ ||ಕನ್ನಡ||

ಅಂಧಾಕಾರದ ಜ್ಯೋತಿಯಾಗಿ ಬಾ

ನೊಂದಾಜೀವಿಯ ಸಂತೈಸಲು ಬಾ

ಕರೆಯ ಕೇಳಿ ನೀ ಬಾ, ಓ ಎನ್ನ ಪ್ರೇಮಪುತ್ಥಳಿಯೆ ಬಾ

ಓ ಎನ್ನ ಪ್ರಿಯದರ್ಶಿನಿಯೆ ಬಾ ||ಕನ್ನಡ||

-ದಟ್ಸ್ ಕನ್ನಡ ಇ ಪತ್ರಿಕೆಯ ಕೊಡುಗೆ.